ആ​ഘോ​ഷ​മാ​യി ബ​ർ അ​ൽ ഹി​ക്മാ​നി​ൽ കൈ​റ്റ് ഫെ​സ്റ്റി​വ​ൽ

മ​സ്ക​ത്ത്: രാ​ജ്യ​ത്തെ ടൂ​റി​സം​മേ​ഖ​ല​ക്ക് ക​രു​ത്തു​പ​ക​ർ​ന്ന് ന​ട​ക്കു​ന്ന ഒ​മാ​ൻ കൈ​റ്റ് ഫെ​സ്റ്റ​വ​ൽ തെ​ക്ക​ൻ ശ​ർ​ഖി​യ ഗ​വ​ർ​ണ​റേ​റ്റി​ലെ ബ​ർ അ​ൽ ഹി​ക്മാ​നി​ൽ തു​ട​ങ്ങി. ഒ​മാ​നി​ലും ലോ​ക​മെ​മ്പാ​ടും നി​ന്ന് 90 ല​ധി​കം അ​ത്‌​ല​റ്റു​ക​ൾ മേ​ള​യി​ൽ പ​​​ങ്കെ​ടു​ക്കു​ന്നു​ണ്ട്. ഒ​മാ​ൻ സെ​യി​ൽ, വി​സി​റ്റ് ഒ​മാ​ൻ, ഒ​മാ​ൻ അ​ഡ്വ​ഞ്ച​ർ സെ​ന്റ​ർ എ​ന്നി​വ​യു​മാ​യി സ​ഹ​ക​രി​ച്ച് ഒ​മ്രാ​ൻ ഗ്രൂ​പ്പാ​ണ് ഫെ​സ്റ്റി​വ​ൽ സം​ഘ​ടി​പ്പി​ക്കു​ന്ന​ത്. ഒ​മ്രാ​ൻ ഗ്രൂ​പ്പി​ന്റെ ചീ​ഫ് എ​ക്‌​സി​ക്യൂ​ട്ടീ​വ് ഓ​ഫി​സ​ർ ഡോ. ​ഹാ​ഷി​ൽ ബി​ൻ ഒ​ബൈ​ദ് അ​ൽ മ​ഹ്‌​റൂ​ഖി, ഒ​മാ​ൻ സെ​യി​ൽ ചീ​ഫ് എ​ക്‌​സി​ക്യൂ​ട്ടി​വ് ഓ​ഫി​സ​ർ ഡോ. ​ഖാ​മി​സ് ബി​ൻ സ​ലേം അ​ൽ ജാ​ബ്രി എ​ന്നി​വ​രു​ടെ സാ​ന്നി​ധ്യ​ത്തി​ൽ ഔ​ദ്യോ​ഗി​ക ഉ​ദ്ഘാ​ട​ന ച​ട​ങ്ങും റേ​സ് ലോ​ഞ്ചും ന​ട​ന്നു.

ഇ​ത്ത​രം കാ​യി​ക പ​രി​പാ​ടി​ക​ൾ സം​ഘ​ടി​പ്പി​ക്കു​ന്ന​ത് സ​ന്ദ​ർ​ശ​ക​ർ​ക്ക് ഒ​മാ​ന്റെ തീ​ര​പ്ര​ദേ​ശ​ത്തി​ന്റെ ഭം​ഗി പ​ര്യ​വേ​ഷ​ണം ചെ​യ്യാ​നും പ്ര​മു​ഖ അ​ന്താ​രാ​ഷ്ട്ര വി​നോ​ദ​സ​ഞ്ചാ​ര​കേ​ന്ദ്ര​മെ​ന്ന നി​ല​യി​ൽ സ്ഥാ​നം ശ​ക്തി​പ്പെ​ടു​ത്താ​നും സ​ഹാ​യ​ക​മാ​കു​മെ​ന്ന് ഒ​മ്രാ​ൻ ഗ്രൂ​പ്പി​ലെ അ​സ​റ്റ് മാ​നേ​ജ​ർ സു​ൽ​ത്താ​ൻ ബി​ൻ സു​ലൈ​മാ​ൻ അ​ൽ ഖു​ദൂ​രി പ​റ​ഞ്ഞു.

ജു​ലൈ 24 വ​രെ​യാ​ണ് പ​രി​പാ​ടി. ബ​ര്‍ അ​ല്‍ ഹി​ക്മാ​നി​ല്‍ നി​ന്ന് ആ​രം​ഭി​ച്ച് റാ​സ് അ​ല്‍ ഹ​ദ്ദി​ല്‍ അ​വ​സാ​നി​ക്കു​ന്ന രീ​തി​യി​ലാ​ണ് ഫെ​സ്റ്റി​വ​ല്‍ ക്ര​മീ​ക​ര​ണം. ഒ​മാ​നി​ലെ ഏ​റ്റ​വും മ​നോ​ഹ​ര​മാ​യ തീ​ര​പ്ര​ദേ​ശ​ത്താ​ണ് ഫെ​സ്റ്റി​വ​ൽ ന​ട​ക്കു​ന്ന​ത്. ഏ​റെ പ്ര​ത്യേ​ക​ത​ക​ള്‍ നി​റ​ഞ്ഞ​താ​കും ഫെ​സ്റ്റി​വ​ല്‍. ഭൂ​മി​ശാ​സ്ത്ര​പ​ര​മാ​യ വ്യാ​പ്തി ഇ​തി​ല്‍ പ്ര​ധാ​ന​മാ​ണ്. വി​ക​സി​ന രൂ​പ​ത്തി​ലു​ള്ള ഇ​വ​ന്റ് ഫോ​ര്‍മാ​റ്റ് കൂ​ടു​ത​ല്‍ അ​ന്താ​രാ​ഷ്ട്ര അ​ത്‌​ല​റ്റു​ക​ളെ ആ​ക​ര്‍ഷി​ക്കും. ഒ​മാ​ന്റെ തീ​ര​ദേ​ശ​പ​രി​സ്ഥി​തി​യു​ടെ വൈ​വി​ധ്യ​ത്തെ പ്ര​തി​ഫ​ലി​പ്പി​ക്കു​ന്ന സ​മ്പ​ന്ന​മാ​യ ടൂ​റി​സം അ​നു​ഭ​വം ഫെ​സ്റ്റി​വ​ല്‍ സ​മ്മാ​നി​ക്കും. വി​നോ​ദ​സ​ഞ്ചാ​ര​അ​നു​ഭ​വ​ങ്ങ​ള്‍ വൈ​വി​ധ്യ​വ​ത്ക​രി​ക്കു​ന്ന​തി​നും ഒ​മാ​ന്റെ അ​സാ​ധാ​ര​ണ​മാ​യ പ്ര​കൃ​തി​സൗ​ന്ദ​ര്യ​സാ​ധ്യ​ത​ക​ള്‍ ഉ​പ​യോ​ഗ​പ്പെ​ടു​ത്തു​ന്ന​തി​നു​മു​ള്ള ഒ​മ്രാ​ന്‍ ഗ്രൂ​പ്പി​ന്റെ നി​ര​ന്ത​ര​മാ​യ ശ്ര​മ​ങ്ങ​ളു​ടെ ഭാ​ഗ​മാ​യാ​ണ് കൈ​റ്റ് ഫെ​സ്റ്റി​വ​ല്‍ ഒ​രു​ക്കു​ന്ന​ത്.

ക​ഴി​ഞ്ഞ വ​ര്‍ഷം സം​ഘ​ടി​പ്പി​ച്ച ഡൗ​ണ്‍വൈ​ന്‍ഡ​റി​ന് ല​ഭി​ച്ച മി​ക​ച്ച സ്വീ​കാ​ര്യ​ത ഇ​ത്ത​വ​ണ ഫെ​സ്റ്റി​വ​ലി​നെ വി​പു​ലീ​ക​രി​ക്കു​ന്ന​തി​ന് പ്രേ​ര​ക​മാ​യെ​ന്നും അ​ദ്ദേ​ഹം പ​റ​ഞ്ഞു. ഒ​മാ​നി​ലെ സ​മു​ദ്ര കാ​യി​ക​വി​നോ​ദ​വി​ക​സ​ന​ത്തി​ല്‍ കൈ​റ്റ് ഫെ​സ്റ്റി​വ​ല്‍ ഒ​രു പ്ര​ധാ​ന നാ​യി​ക​ക്ക​ല്ലാ​കു​മെ​ന്ന് ഒ​മാ​ന്‍ സെ​യി​ലി​ലെ ഇ​വ​ന്റ് സ്‌​പെ​ഷ​ലി​സ്റ്റ് ഷൈ​മ സ​ഈ​ദ് അ​ല്‍ അ​സ്മി പ​റ​ഞ്ഞു.

പാ​രി​സ്ഥി​തി​ക വൈ​വി​ധ്യം മു​ത​ല്‍ അ​നു​കൂ​ല​മാ​യ കാ​റ്റും കാ​ലാ​വ​സ്ഥ​യും വ​രെ​യു​ള്ള രാ​ജ്യ​ത്തി​ന്റെ അ​നു​യോ​ജ്യ​മാ​യ തീ​ര​ദേ​ശ​സാ​ഹ​ച​ര്യ​ങ്ങ​ളെ​യും അ​വ​ര്‍ ചൂ​ണ്ടി​ക്കാ​ണി​ച്ചു. രാ​ജ്യാ​ന്ത​ര കൈ​റ്റ് സൈ​ഫ​ര്‍മാ​രു​ടെ പ​ങ്കാ​ളി​ത്തം ഫെ​സ്റ്റി​വ​ലി​ന് പു​തി​യ മാ​നം ന​ല്‍കും. ജ​ല​ത്തെ അ​ടി​സ്ഥാ​ന​മാ​ക്കി​യു​ള്ള സാ​ഹ​സി​ക കാ​യി​ക ടൂ​റി​സ​ത്തി​ല്‍ ഒ​മാ​ന്റെ സ്ഥാ​നം ഇ​തു​വ​ഴി ഉ​യ​രു​മെ​ന്നും ഷൈ​മ സ​ഈ​ദ് അ​ല്‍ അ​സ്മി പ​റ​ഞ്ഞു.

ബാ​ര്‍ അ​ല്‍ ഹി​ക്മാ​ന്‍ മു​ത​ല്‍ മ​സീ​റ ദ്വീ​പ് വ​രെ, മ​സീ​റ​യി​ല്‍നി​ന്ന് റാ​സ് അ​ല്‍ റു​വൈ​സ് വ​രെ, പി​ങ്ക് ല​ഗൂ​ണു​ക​ളി​ല്‍നി​ന്ന് അ​ല്‍ അ​ശ്ഖ​റ വ​രെ, റാ​സ് അ​ല്‍ ജി​ന്‍സി​ല്‍നി​ന്ന് റാ​സ് അ​ല്‍ ഹ​ദ്ദ് വ​രെ എ​ന്നി​ങ്ങ​നെ നാ​ല് ഘ​ട്ട​ങ്ങ​ളി​ലാ​യി ന​ട​ക്കു​ന്ന മ​ള്‍ട്ടി സ്റ്റേ​ജ് ഡൗ​ണ്‍വൈ​ന്‍ഡ​ര്‍ റേ​സ് ഉ​ള്‍പ്പെ​ടെ നി​ര​വ​ധി മ​ത്സ​ര​ങ്ങ​ളും ഫെ​സ്റ്റി​വ​ലി​ൽ ന​ട​ക്കും.

കൂ​ടാ​തെ സാം​സ്കാ​രി​ക, വി​നോ​ദ പ്ര​വ​ർ​ത്ത​ന​ങ്ങ​ൾ​ക്കൊ​പ്പം കൈ​റ്റ്സ​ർ​ഫി​ങ് മ​ത്സ​ര​ങ്ങ​ളു​മു​ണ്ടാ​കും. വി​സി​റ്റ് ഒ​മാ​ൻ, ഒ​മാ​ൻ അ​ഡ്വ​ഞ്ചേ​ഴ്‌​സ് സെ​ന്റ​ർ എ​ന്നി​വ​യാ​ണ് ഫെ​സ്റ്റി​വ​ലി​നെ പി​ന്തു​ണ​ക്കു​ന്ന​ത്. പ​രി​പാ​ടി​ക​ളു​ടെ ഷെ​ഡ്യൂ​ളു​ക​ളെ​ക്കു​റി​ച്ചും പൊ​തു​ജ​ന​ങ്ങ​ൾ​ക്കു​ള്ള പ്ര​വേ​ശ​ന​ത്തെ​ക്കു​റി​ച്ചും കൂ​ടു​ത​ൽ വി​വ​ര​ങ്ങ​ൾ omankitefestival.omൽ ​ല​ഭ്യ​മാ​ണ്.