കോവിഡ്​ പരിശോധന: സർവത്ര ആശയക്കുഴപ്പം, ഒപ്പം ആശങ്കയും 

മസ്​കത്ത്​: നാട്ടിലേക്ക്​ മടങ്ങുന്ന പ്രവാസികൾക്ക്​ കോവിഡ്​ പരിശോധന നിർബന്ധമാക്കിയ കേരള സർക്കാറി​െൻറ നിബന്ധന സംബന്ധിച്ച്​ സർവത്ര ആശയക്കുഴപ്പം. വിഷയത്തിൽ ആശങ്കയും പ്രതിഷേധവും ശക്​തമാണ്​. കോവിഡ്​ ടെസ്​റ്റ്​ നിർബന്ധമാക്കിയെന്ന അറിയിപ്പല്ലാതെ ഇൗ വിഷയത്തിൽ കൂടുതൽ വ്യക്​തത ലഭിച്ചിട്ടി​ല്ലെന്ന്​ ഇന്ത്യൻ എംബസിയുമായി ബന്ധപ്പെട്ടവർ അറിയിച്ചു. 

എംബസികളുടെ സഹകരണത്തോടെ ട്രൂനാറ്റ്​ പരിശോധനക്ക്​ സംവിധാനമൊരുക്കുമെന്ന്​ മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞതിനെ കുറിച്ചും വ്യാഴാഴ്​ച വൈകുന്നേരം വരെ എംബസിയിൽ യാതൊരു വിവരവും ലഭിച്ചിട്ടില്ല. 

അതിനിടെ ജൂൺ​ 21ന്​ കൊച്ചിക്കുള്ള വന്ദേ ഭാരത്​ വിമാനത്തിൽ ടിക്കറ്റെടുത്ത ചിലർക്ക്​ കോവിഡ്​ പരിശോധനാ സർട്ടിഫിക്കറ്റ്​ ആവശ്യമില്ലെന്ന്​ കാട്ടിയുള്ള ഇ-മെയിൽ ലഭിച്ചതായും അറിയുന്നു. ഇൗ ഇ-​മെയിൽ ലഭിക്കാത്ത യാത്രക്കാരും ഉണ്ട്​. 

ടെസ്​റ്റി​​െൻറ കാലാവധി, സർട്ടിഫിക്കറ്റി​​െൻറ രീതി തുടങ്ങിയ വിഷയങ്ങളിൽ കൂടുതൽ വ്യക്​തത ലഭിച്ചാൽ മാനസിക സംഘർഷം ഒഴിവായി കിട്ടുമെന്ന്​ പ്രവാസി മലയാളികൾ പറയുന്നു. വിഷയത്തിൽ എംബസിയിൽ അന്വേഷിച്ചെങ്കിലും വ്യക്​തമായ മറുപടി ലഭിച്ചിട്ടില്ലെന്ന്​ പലരും പറഞ്ഞു. 

ഒമാനിൽ പ്രമുഖ കമ്പനിയിൽ നിന്ന്​ തൊഴിൽ നഷ്​ടപ്പെട്ട മലയാളിയും കുടുംബത്തിലെ നാലംഗങ്ങളും നാട്ടിലേക്ക് പോകാനുള്ള ടിക്കറ്റെടുത്തിരിക്കുകയാണ്​. താമസിക്കുന്ന വീട്ടിലെ ഫർണിച്ചറുകൾ കമ്പനി തിരിച്ചെടുത്തു. ടിക്കറ്റെടുത്തിരിക്കുന്ന അന്ന്​ വീടി​​െൻറ താക്കോൽ തിരിച്ചേൽപ്പിക്കണം. ടെസ്​റ്റി​​െൻറ പേരിൽ യാത്ര മുടങ്ങിയാൽ എന്ത് ചെയ്യും എന്നാണ് ചോദിക്കുന്നത്.  

ഇനി വിമാനത്താവളത്തിൽ ടെസ്​റ്റ്​ നടത്തിയാൽ ഒരാൾക്ക് പോസിറ്റീവ് ആണെങ്കിൽ മറ്റുള്ള ആളുകളുടെ യാത്ര മുടങ്ങും. എംബസി അധികൃതരെ വിളിച്ചപ്പോൾ നിരുത്തരവാദപരമായ മറുപടിയാണ്​ ലഭിച്ചതെന്നും ഇവർ പറയുന്നു. 

പി.സി.ആർ പരിശോധനയുടെ റാപ്പിഡ്​ രൂപമായ ട്രൂനാറ്റ്​ പരിശോധന ഒമാൻ അടക്കം രാജ്യങ്ങളിൽ എംബസിയുടെ സഹായത്തോടെ നടത്തുമെന്നാണ്​ മുഖ്യമന്ത്രി വ്യാഴാഴ്​ച നടത്തിയ വാർത്താസമ്മേളനത്തിൽ പറഞ്ഞത്​. എന്നാൽ ഇതിന്​ ഇതിന്​ സമയമെടുക്കാനാണ്​ സാധ്യതയെന്ന്​ ഒമാനിൽ ആരോഗ്യ മേഖലയിൽ പ്രവർത്തിക്കുന്നവർ പറയുന്നു. ട്രൂനാറ്റ്​ പരിശോധനക്ക്​ ഒമാൻ ആരോഗ്യ മന്ത്രാലയത്തി​​െൻറ അനുമതിയില്ലാത്തതാണ്​ ഇതി​​െൻറ കാരണം. 

അനുമതി ലഭിക്കണമെങ്കിൽ ഇന്ത്യൻ എംബസി വഴി നയതന്ത്രതലത്തിൽ ഇടപെടലുകൾ ഉണ്ടാകേണ്ടിവരുമെന്ന്​ ചൂണ്ടികാണിക്കപ്പെടുന്നു. ഇതിന്​ കേരള സർക്കാർ കേന്ദ്രത്തെ ഇൗ വിഷയം ധരിപ്പിക്കുകയും തുടർന്ന്​ വിദേശകാര്യമന്ത്രാലയം എംബസിക്ക്​ നിർദേശം നൽകുകയും വേണ്ടിവരും. യാത്രക്കാർക്ക്​ വേണ്ടി മാത്രം ഇൗ പരിശോധന നടത്തുക എന്ന രീതിയിൽ അനുമതി തേടിയാൽ പരിഗണിക്കുമെന്ന സാധ്യത മാത്രമാണ്​ ഉള്ളത്​. 

ഒരു സംസ്​ഥാനത്തിന്​ വേണ്ടിമാത്രം ഇൗ പരിശോധനക്ക്​ സൗകര്യമൊരുക്കാൻ വിദേശകാര്യ വകുപ്പ്​ അനുമതി നൽകുമോയെന്നതടക്കം കാര്യങ്ങളും കണ്ടറിയണം. ഇങ്ങനെ അനുമതി ലഭിക്കുന്ന പക്ഷം നാട്ടിൽ നിന്ന്​ മടങ്ങുന്ന വിമാനങ്ങളിൽ കിറ്റ്​ ഒമാനിൽ എത്തിക്കാം. തുടർന്ന്​ എംബസിയുടെ നേതൃത്വത്തിൽ അനുയോജ്യമായ സ്​ഥലങ്ങളിൽ പരിശോധന നടത്താം. വിമാനത്താവള കമ്പനിയുടെ അനുമതി ലഭിച്ചാൽ വിമാനത്താവളത്തിൽ യാത്രക്ക്​ മുമ്പും പരിശോധന നടത്താം. പല തലങ്ങളിലുള്ള അനുമതിയെന്ന വലിയ കടമ്പകൾ ഇതിന്​ ബാക്കി നിൽക്കുന്നുണ്ട്​. 

കോവിഡ്​ ആൻറിബോഡി പരിശോധന മസ്​കത്തിലെ അൽ ഗൂബ്രയിലുള്ള അൽ ബുർജ്​ മെഡിക്കൽ സ​െൻററിൽ ലഭ്യമാണ്​. 25 റിയാലാണ്​ പരിശോധന. കഴിഞ്ഞ ഞായറാഴ്​ച മുതലാണ്​ പരിശോധന ആരംഭിച്ചതെന്ന്​ സ​െൻററി​​െൻറ സെയിൽസ്​ ആൻറ്​ മാർക്കറ്റിങ്​ മാനേജരായ ജംഷീദ്​ പറഞ്ഞു. നിലവിൽ തിങ്കൾ, ബുധൻ ദിവസങ്ങളിലായാണ്​ പരിശോധന നടത്തുന്നത്​. കൂട്ടമായുള്ള സാമ്പിളുകൾ ലഭിക്കുന്ന പക്ഷം മറ്റ്​ ദിവസങ്ങളിൽ പരിശോധന നടത്തുന്നത്​ പരിഗണിക്കും. രാവിലെ രക്​ത സാമ്പിൾ എടുത്താൽ വൈകുന്നേരം പരിശോധനാ ഫലം ലഭിക്കും. 

അതേസമയം ഇവിടെ പരിശോധന നടത്തിയാൽ കോവിഡ്​ നെഗറ്റീവ്​ സർട്ടിഫിക്കറ്റ്​ നൽകില്ല. ലാബ്​ പരിശോധനാ റിപ്പോർട്ട്​ മാത്രമാണ്​ നൽകുക. ഇത്​ ഇന്ത്യൻ എംബസി സ്വീകരിക്കുമോയെന്നതും കണ്ടറിയണം. 
നിലവിൽ യു.എ.ഇയിലെ വിമാനത്താവളങ്ങൾ വഴി യാത്ര ചെയ്യുന്നവർക്ക്​ മാത്രമാണ്​ റാപ്പിഡ്​ ആൻറിബോഡി ടെസ്​റ്റ്​ നടത്തുന്നത്​. യു.എ.ഇ ആരോഗ്യ വകുപ്പ്​ അധികൃതരാണ്​ ഇത്​ നടത്തുന്നത്​. കോവിഡ്​ കണ്ടെത്തുന്നതിന്​ ആൻറിബോഡി പരിശോധന ഫലപ്രദമായ ഒന്നല്ലെന്ന്​ ആരോഗ്യ രംഗത്ത്​ പ്രവർത്തിക്കുന്നവർ പറയുന്നു. 

ശരീരത്തിൽ രോഗാണു പ്രവേശിച്ച ശേഷം ശരീരം അതിനോട്​ പ്രതിപ്രവർത്തിച്ച്​ ആൻറിബോഡി ഉൽപാദിപ്പിക്കാനും രോഗലക്ഷണങ്ങൾ പ്രകടിപ്പിക്കാനും തുടങ്ങിയാൽ മാത്രമേ ഇതിൽ പോസിറ്റീവ്​ ആവുകയുള്ളൂ. അതേസമയം ലക്ഷണങ്ങളൊന്നുമില്ലാതെ കോവിഡ്​ ഭേദമായവർക്കും നേരത്തേ വന്നുപോയവർക്കും ഇതിൽ പോസിറ്റീവ്​ കാണിക്കാനും സാധ്യതയുണ്ട്​. യു.എ.ഇയിൽ നിന്ന്​ നാട്ടിലെത്തിയ നിരവധി പേർക്ക്​ പിന്നീട്​ കോവിഡ്​ ഉണ്ടായിട്ടുണ്ട്​. റാപ്പിഡ്​ ടെസ്​റ്റിൽ പോസിറ്റീവ്​ ആയതിനെ തുടർന്ന്​ യാത്ര മുടങ്ങുകയും പിന്നീട്​ പി.സി.ആർ പരിശോധനയിൽ നെഗറ്റീവ്​ ആവുകയും ചെയ്​ത സംഭവങ്ങളും യു.എ.ഇയിൽ റിപ്പോർട്ട്​ ചെയ്​തിട്ടുണ്ട്​.