ദൈ​മ​നി​യ​ത്ത് ഐ​ല​ൻ​ഡി​ൽ ഒ​ഴു​ക്കി​ൽ​പെട്ട വി​നോ​ദ​ സ​ഞ്ചാ​രി​ക​ളെ ര​ക്ഷ​പ്പെ​ടു​ത്തി

മ​സ്ക​ത്ത്: ദൈ​മ​നി​യ​ത്ത് ഐ​ല​ൻ​ഡി​നു സ​മീ​പം ശ​ക്ത​മാ​യ ഒ​ഴു​ക്കി​ൽ​പ്പെ​ട്ട അ​ഞ്ച് വി​നോ​ദ​സ​ഞ്ചാ​രി​ക​ളെ ര​ക്ഷ​പ്പെ​ടു​ത്തി​യ​താ​യി പ​രി​സ്ഥി​തി അ​തോ​റി​റ്റി അ​റി​യി​ച്ചു. ദൈ​മാ​നി​യ​ത്ത് ഐ​ല​ൻ​ഡ് പ്ര​കൃ​തി സം​ര​ക്ഷ​ണ കേ​ന്ദ്ര​ത്തി​ലെ റേ​ഞ്ച​ർ​മാ​റാ​ണ് ഇ​വ​രെ ബു​ധ​നാ​ഴ്ച വി​ജ​യ​ക​ര​മാ​യി ര​ക്ഷി​ക്കു​ന്ന​ത്. ഇ​വ​രു​ടെ ആ​രോ​ഗ്യ​നി​ല തൃ​പ്തി​ക​ര​മാ​ണെ​ന്ന് അ​ധി​കൃ​ത​ർ വ്യ​ക്ത​മാ​ക്കി. സ​മു​ദ്ര സം​ര​ക്ഷ​ണ കേ​ന്ദ്ര​ങ്ങ​ളി​ലെ നീ​ന്ത​ൽ, സ്നോ​ർ​ക്കെ​ല്ലി​ങ് പ്ര​വ​ർ​ത്ത​ന​ങ്ങ​ളി​ൽ ടൂ​റി​സം ഓ​പ​​റേ​റ്റ​ർ​മാ​ർ കൂ​ടു​ത​ൽ ഉ​ത്ത​ര​വാ​ദി​ത്ത​വും ജാ​ഗ്ര​ത​യും കാ​ണി​ക്കാ​ൻ ആ​വ​ശ്യ​പ്പെ​ടു​ന്ന​താ​ണ് ഇ​ത്ത​രം സം​ഭ​വ​ങ്ങ​ളെ​ന്ന് അ​ധി​കൃ​ത​ർ വ്യ​ക്ത​മാ​ക്കി.

സ​ന്ദ​ർ​ശ​ക​ർ നീ​ന്തു​ക​യോ സ്നോ​ർ​ക്കെ​ലി​ങ് ന​ട​ത്തു​ക​യോ ചെ​യ്യു​മ്പോ​ൾ അ​വ​രെ സൂ​ക്ഷ്മ​മാ​യി നി​രീ​ക്ഷി​ക്ക​ണ​മെ​ന്നും തു​റ​ന്ന വെ​ള്ള​ത്തി​ൽ അ​വ​രെ ശ്ര​ദ്ധി​ക്കാ​തെ വി​ടു​ന്ന​ത് ഒ​ഴി​വാ​ക്ക​ണ​മെ​ന്നും പ​രി​സ്ഥി​തി അ​തോ​റി​റ്റി ടൂ​റി​സം ക​മ്പ​നി​ക​ളോ​ട് അ​ഭ്യ​ർ​ഥി​ച്ചു. അ​വ​രു​ടെ സു​ര​ക്ഷ ഉ​റ​പ്പാ​ക്കാ​നും അ​ത്ത​രം അ​പ​ക​ട​ക​ര​മാ​യ സാ​ഹ​ച​ര്യ​ങ്ങ​ൾ ത​ട​യാ​നും ഇ​ത് അ​ത്യാ​വ​ശ്യ​മാ​ണ്.

ഈ ​വ​ർ​ഷാ​രം​ഭം മു​ത​ൽ ​മേ​യ് മാ​സം​വ​രെ​യാ​യി സു​ൽ​ത്താ​നേ​റ്റി​ലു​ട​നീ​ളം 40ല​ധി​കം മു​ങ്ങി​മ​ര​ണ സം​ഭ​വ​ങ്ങ​ൾ രേ​ഖ​പ്പെ​ടു​ത്തി​യി​ട്ടു​ണ്ട്. ബീ​ച്ചു​ക​ളി​ലും, വാ​ദി​ക​ളി​ലും, അ​ണ​ക്കെ​ട്ടു​ക​ളി​ലു​മാ​ണ് മി​ക്ക കേ​സു​ക​ളും സം​ഭ​വി​ച്ച​ത്. ബീ​ച്ച് സ​ന്ദ​ർ​ശ​ക​രും സാ​ഹ​സി​ക​ത ആ​ഗ്ര​ഹി​ക്കു​ന്ന​വ​രും മു​ന്ന​റി​യി​പ്പ് അ​ട​യാ​ള​ങ്ങ​ൾ ശ്ര​ദ്ധി​ക്കു​ക​യും നി​യ​ന്ത്രി​ത പ്ര​ദേ​ശ​ങ്ങ​ൾ ഒ​ഴി​വാ​ക്കു​ക​യും പ്രാ​ദേ​ശി​ക, പ​രി​സ്ഥി​തി ഏ​ജ​ൻ​സി​ക​ൾ ന​ൽ​കു​ന്ന സു​ര​ക്ഷ പ്രോ​ട്ടോ​ക്കോ​ളു​ക​ൾ പാ​ലി​ക്കു​ക​യും ചെ​യ്യ​ണ​മെ​ന്ന് അ​ധി​കൃ​ത​ർ ആ​വ​ർ​ത്തി​ച്ച് മു​ന്ന​റി​യി​പ്പ് ന​ൽ​കു​ന്നു​ണ്ട്.

ബ​ർ​ക തീ​ര​ത്തു​നി​ന്ന് ഏ​ക​ദേ​ശം 18 കി​ലോ​മീ​റ്റ​റും മ​സ്ക​ത്തി​ൽ​നി​ന്ന് 70 കി​ലോ​മീ​റ്റ​റും പ​ടി​ഞ്ഞാ​റ് മാ​റി സ്ഥി​തി ചെ​യ്യു​ന്ന ദൈ​മാ​നി​യ​ത്ത് ഐ​ല​ൻ​ഡ്സ് നേ​ച്ച​ർ റി​സ​ർ​വ് ഒ​മാ​നി​ലെ സ​പ്ര​ധാ​ന സ​മു​ദ്ര സം​ര​ക്ഷ​ണ കേ​ന്ദ്ര​ങ്ങ​ളി​ലൊ​ന്നാ​ണ്. പ​വി​ഴ​പ്പു​റ്റു​ക​ൾ, ക​ട​ലാ​മ​ക​ൾ, തി​മിം​ഗ​ല സ്രാ​വു​ക​ൾ, കൂ​ടു​കെ​ട്ടു​ന്ന ക​ട​ൽ​പ്പ​ക്ഷി​ക​ൾ എ​ന്നി​വ​ക്ക് പേ​രു​കേ​ട്ട ഒ​മ്പ​ത് ചെ​റി​യ ദ്വീ​പു​ക​ൾ ചേ​ർ​ന്ന​താ​ണ് ഈ ​റി​സ​ർ​വ്. ഇ​ത് ഡൈ​വി​ങി​നും ഇ​ക്കോ​ടൂ​റി​സ​ത്തി​നും പേ​രു​ക്കേ​ട്ട സ്ഥ​ല​മാ​യ​തി​നാ​ൽ നി​ര​വ​ധി​പേ​രെ ഇ​വി​ടേ​ക്ക് ആ​ക​ർ​ഷി​ക്കു​ന്നു​ണ്ട്.