അബോധാവസ്​ഥയിലായ എത്യോപ്യൻ യുവതിയെ നാട്ടിലെത്തിച്ച മലയാളി നഴ്​സിനും സംഘത്തിനും അഭിനന്ദനം

ദുബൈ: ഏഴ്​ മാസവും 11 ദിവസവും ദുബൈയിലെ ആശുപത്രിയിൽ അബോധാവസ്​ഥയിൽ കഴിഞ്ഞ എ​ത്യോപ്യൻ യുവതിയെ സുരക്ഷിതമായി നാട്ടിലെത്തിച്ച മലയാളി നഴ്​സിനും സംഘത്തിനും അഭിനന്ദനം. ഡോ. സയിദ്​ അബ്ബാസ്​ അൽ അബ്ബാസി, ഡോ. സോനം ലാംഗ്​​െഡ, തിരുവനന്തപുരം സ്വദേശിനി ശ്രീനിഷ ഉഷാകുമാരി എന്നിവരാണ്​ അതീവ നിർണായകമായ യാത്രയിൽ നജാത്​ മുഹമ്മദ്​ അൽ നൂറിയെന്ന 27 കാരിയുടെ ജീവൻ കാത്തത്​. സൺ റൈസ്​ ​ഗ്രൂപ്പിന്​ കീഴിലുള്ള ദുബൈ ഇൻറർനാഷ്​ണൽ മോഡേൺ ആശുപത്രി ജീവനക്കാരാണിവർ. ചികിൽസാ ചെലവുകൾ ആശുപത്രി എഴുതിത്തള്ളിയ ശേഷമാണ്​ നജാതി​െന ആശുപത്രി അധികൃതർ നാട്ടിലേക്ക്​ അയച്ചത്​. 20 ലക്ഷം ദിർഹത്തോളം വരുന്ന ചികിൽസാ ചെലവ്​​ ഡോക്​ടർ ഹാഫിസ്​ റഹ്​മാ​​​​െൻറ നേതൃത്വത്തിലുള്ള സൺ റൈസ്​ ​ഗ്രൂപ്പ്​ ഒാഫ്​ ഹോസ്​പിറ്റൽസ്​ എഴുതിത്തള്ളിയത് നേരത്തെ ഗൾഫ്​ മാധ്യമം റിപ്പോർട്ട്​ ചെയ്​തിരുന്നു. ഏതാണ്ട്​ മൂന്ന്​ കോടി ഇന്ത്യൻ രൂപക്ക്​ തുല്ല്യമായ തുകയാണ്​ എത്യോപ്യൻ യുവതിക്കായി ആശുപത്രി ഉപേക്ഷിച്ചത്​. 

കഴിഞ്ഞ വർഷം ജൂലൈ 21 ന്​ ആയയുടെ ജോലി നേടിയാണ്​ നജാത്​ മുഹമ്മദ്​ അൽ നൂറി യു.എ.ഇയിൽ എത്തിയത്​. തുടർന്ന്​ 48 മണിക്കൂറിനുള്ളിൽ വായിൽ നിന്ന്​ നുരയും പതയും വമിക്കുന്ന നിലയിൽ ഇവരെ കണ്ടെത്തി. വിഷം ഉള്ളിൽ ചെന്നുവെന്ന സംശയത്തെത്തുടർന്ന്​ അത്യാഹിത വിഭാഗത്തിൽ പ്രവേശിപ്പിച്ച ഇവർ അന്ന്​ മുതൽ ചികിൽസയിലായിരുന്നു. ആരോഗ്യ ഇൻഷുറൻസ്​ എടുക്കാൻ പോലും സമയം കിട്ടും മുമ്പാണ്​ ഇവർ വ​​​െൻറിലേറ്ററിലായത്​. മാസങ്ങളോളം ചികിൽസ തുടർന്ന ആശുപത്രിയിൽ ആരും പണമൊന്നും അടച്ചിരുന്നില്ല. ഒരു സംഘടനയും ഇവരെ സഹായിക്കാൻ എത്തിയുമില്ല. കണ്ണ്​ തുറക്കാനും കരയാനും കഴിയുന്ന നിലയെത്തിയപ്പോഴാണ്​ ഇവരെ തിരികെ നാട്ടിലേക്ക്​ അയക്കാനുള്ള തയാറെടുപ്പ്​ തുടങ്ങിയത്​. കേസെടുത്ത്​ അന്വേഷണം തുടങ്ങിയ ബർദുബൈ പൊലീസ്​ അന്വേഷണം അവസാനിപ്പിക്കുകയും ചെയ്​തു. തുടർന്ന്​ കഴിഞ്ഞ മാർച്ച്​ ഒമ്പതിനാണ്​ ഇവരെ എത്യോപ്യൻ എയർലൈൻസി​​​​െൻറ വിമാനത്തിൽ സ്വദേശത്തേക്ക്​ അയക്കുകയായിരുന്നു​. 

വിമാനത്തിൽ രണ്ട്​ നിര സീറ്റുകൾ മാറ്റി വ​​​െൻറിലേറ്റർ ഘടിപ്പിച്ചാണ്​ അഞ്ച്​ മണിക്കൂർ നീളുന്ന യാത്ര നടത്തിയത്​. ചികിൽസക്ക്​ ഒരു കുറവും വരുത്തിയിട്ടില്ലെന്നും ബന്ധുക്കൾക്കൊപ്പം ചേർന്നാൽ നില മെച്ചപ്പെടുമെന്ന നിലയിലാണ്​​ അവരെ നാട്ടിലേക്ക്​ അയച്ചതെന്ന്​ ഇക്കാര്യങ്ങൾ വിശദീകരിക്കാനും ​മെഡിക്കൽ സംഘത്തെ അഭിനന്ദിക്കാനും വിളിച്ചു ചേർത്ത വാർത്താ സമ്മേളനത്തിൽ ഡോ. ഹാഫിസ്​ റഹ്​മാൻ പറഞ്ഞു. അതിഗുരുതരാവസ്​ഥയിലുള്ള രോഗിയെ വിമാനത്തിൽ കയറ്റി കൊണ്ടുപോകുന്നത്​ ദുഷ്​ക്കരമായിരുന്നുവെന്ന്​ ശ്രീനിഷ പറഞ്ഞു. വിമാനം പൊങ്ങു​േമ്പാഴും താഴു​േമ്പാഴും സ്​ഥിതി വീണ്ടും വഷളാകുമെന്ന്​ ഭീതിയുണ്ടായിരുന്നു. ആശുപത്രിയിൽ നിന്ന്​ കൊണ്ടുപോയ വ​​​െൻറിലേറ്റർ സംവിധാനവും വിമാന കമ്പനി നൽകിയ ഒാക്​സിജൻ സിലിണ്ടറും ഉപയോഗിച്ചാണ്​ അഞ്ച്​ മണിക്കൂർ യാത്രയിൽ നജാതി​​​​െൻറ ജീവൻ കാത്തത്​. എത്യോപ്യൻ തലസ്​ഥാനത്തെ സർക്കാർ ആശുപത്രി ​െഎ.സി.യുവിൽ സുരക്ഷിതമായി പ്രവേശിപ്പിച്ച ശേഷമാണ്​ മെഡിക്കൽ സംഘം ദുബൈയിൽ തിരിച്ചെത്തിയതെന്ന്​ ശ്രീനിഷ പറഞ്ഞു.