യു.​എ​സ്​ വ്യോ​മ​താ​വ​ള​ത്തി​നു​നേ​രെ ആ​​ക്ര​മ​ണം; ഖ​ത്ത​റി​ന്റെ ന​യ​ത​ന്ത്ര മി​ക​വ്

ദോ​ഹ: അ​ൽ ഉ​ദൈ​ദ് വ്യോ​മ​താ​വ​ള​ത്തി​നു​നേ​രെ ഇ​റാ​ൻ ന​ട​ത്തി​യ മി​സൈ​ൽ ആ​ക്ര​മ​ണം വി​ജ​യ​ക​ര​മാ​യി ത​ട​ഞ്ഞ​തി​നു പി​ന്നാ​ലെ, ഖ​ത്ത​ർ ന​ട​ത്തി​യ ഇ​ട​പെ​ട​ലു​ക​ൾ തെ​ളി​യി​ക്കു​ന്ന​ത് ന​യ​ത​ന്ത്ര​രം​ഗ​ത്തെ മി​ക​വ്. ആ​ക്ര​മ​ണ​ത്തി​നു പി​ന്നാ​ലെ സൂ​ക്ഷ്മ​ത​യോ​ടെ പ്ര​തി​ക​രി​ച്ച അ​ധി​കൃ​ത​ർ​ക്ക് ലോ​ക നേ​താ​ക്ക​ളു​ടെ​യും അ​ന്താ​രാ​ഷ്ട്ര സം​ഘ​ട​ന​ക​ളു​ടെ​യും പി​ന്തു​ണ​യും ഐ​ക്യ​ദാ​ർ​ഢ്യ​വു​മെ​ത്തി. ക​ഴി​ഞ്ഞ ദി​വ​സം അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ ഥാ​നി​യെ ഫോ​ണി​ൽ വി​ളി​ച്ച അ​മേ​രി​ക്ക​ൻ പ്ര​സി​ഡ​ന്റ് ഡോ​ണ​ൾ​ഡ് ട്രം​പ് പ​ര​മാ​ധി​കാ​ര​ത്തി​ന്മേ​ലു​ള്ള ക​ട​ന്നു​ക​യ​റ്റ​വും അ​ന്താ​രാ​ഷ്ട്ര നി​യ​മ​ങ്ങ​ളു​ടെ ലം​ഘ​ന​വു​മാ​ണെ​ന്നും പ​റ​ഞ്ഞു.

ജി.​സി.​സി മ​ന്ത്രി​സ​ഭ കൗ​ൺ​സി​ലും ഖ​ത്ത​റി​ന് ഐ​ക്യ​ദാ​ർ​ഢ്യ​വും പി​ന്തു​ണ​യും പ്ര​ഖ്യാ​പി​ച്ച് രം​ഗ​ത്തു​വ​ന്നു. ജി.​സി.​സി അം​ഗ​രാ​ജ്യ​ങ്ങ​ളി​ലെ വി​ദേ​ശ​കാ​ര്യ മ​ന്ത്രി​മാ​ർ പ​ങ്കെ​ടു​ത്ത അ​സാ​ധാ​ര​ണ യോ​ഗ​ത്തി​ൽ ഇ​റാ​ൻ ആ​ക്ര​മ​ണ​ത്തെ ഖ​ത്ത​ർ ശ​ക്ത​മാ​യി അ​പ​ല​പി​ച്ചി​രു​ന്നു. ചൊ​വ്വാ​ഴ്ച വി​വി​ധ നേ​താ​ക്ക​ൾ ആ​ക്ര​മ​ണ​ത്തി​നെ​തി​രെ രം​ഗ​ത്തു​വ​ന്നു. യൂ​റോ​പ്യ​ൻ യൂ​നി​യ​ൻ, അ​റ​ബ് ലീ​ഗ് തു​ട​ങ്ങി​യ സം​ഘ​ട​ന​ക​ളും ഫ്രാ​ൻ​സ്, ഇ​റ്റ​ലി, ഈ​ജി​പ്ത് തു​ട​ങ്ങി​യ രാ​ഷ്ട്ര​നേ​താ​ക്ക​ളും ഐ​ക്യാ​ദാ​ർ​ഢ്യ​വു​മാ​യെ​ത്തി.

ഇ​തി​നി​ടെ, മി​സൈ​ൽ ആ​ക്ര​മ​ണ​ത്തി​ൽ ഖേ​ദം പ്ര​ക​ടി​പ്പി​ച്ച് ഇ​റാ​ൻ രം​ഗ​ത്തു​വ​ന്നു. ഇ​റാ​ൻ പ്ര​സി​ഡ​ന്റ് മ​സ്ഊ​ദ് പെ​സ​ശ്കി​യാ​ൻ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ ഥാ​നി​യെ ഫോ​ണി​ൽ വി​ളി​ച്ചാ​ണ് ഖേ​ദം പ്ര​ക​ടി​പ്പി​ച്ച​ത്. യു​ദ്ധ​ങ്ങ​ളും സം​ഘ​ർ​ഷ​ങ്ങ​ളും അ​വ​സാ​നി​പ്പി​ക്കാ​നും, മേ​ഖ​ല​യു​ടെ സ​മാ​ധാ​ന​ത്തി​നും മു​ൻ​തൂ​ക്കം ന​ൽ​കി, മ​ധ്യ​സ്ഥ ശ്ര​മ​ങ്ങ​ളു​മാ​യി ന​യ​ത​ന്ത്ര രം​ഗ​ത്ത്​ സ​ജീ​വ​മാ​യ ഖ​ത്ത​റി​ന്റെ നി​ല​പാ​ട് വീ​ണ്ടും ച​ർ​ച്ച​യാ​യി. അ​തേ​സ​മ​യം, സാ​യു​ധ​സേ​ന മി​ക​വി​ലൂ​ടെ ആ​ക്ര​മ​ണ​ത്തെ വി​ജ​യ​ക​ര​മാ​യി ചെ​റു​ക്കാ​നും ഖ​ത്ത​റി​നാ​യി. അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ ഥാ​നി വ​ട​ക്ക​ൻ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന സാ​യു​ധ​സേ​ന കേ​ന്ദ്രം സ​ന്ദ​ർ​ശി​ച്ച്, ആ​ക്ര​മ​ണം വി​ജ​യ​ക​ര​മാ​യി ത​ട​യു​ന്ന​തി​ൽ സാ​യു​ധ സേ​ന ന​ട​ത്തി​യ പ്ര​വ​ർ​ത്ത​ന​ങ്ങ​ളെ​യും പ്ര​തി​രോ​ധം തീ​ർ​ത്ത സ​ന്ന​ദ്ധ​ത​യെ​യും പ്ര​ശം​സി​ച്ചി​രു​ന്നു. ഇ​റാ​ൻ ആ​ക്ര​മ​ണ​ത്തെ വി​ജ​യ​ക​ര​മാ​യി ത​ട​യാ​ൻ സാ​ധി​ച്ചെ​ന്ന് ക​ഴി​ഞ്ഞ​ദി​വ​സം ചേ​ർ​ന്ന മ​ന്ത്രി​സ​ഭ യോ​ഗ​വും വി​ല​യി​രു​ത്തി.

ആ​ക്ര​മ​ണ​ത്തെ തു​ട​ർ​ന്നു​ണ്ടാ​യ സാ​ഹ​ച​ര്യ​ങ്ങ​ൾ ഫ​ല​പ്ര​ദ​മാ​യി നി​യ​ന്ത്രിക്കാൻ ഖ​ത്ത​റി​നാ​യി. ഖ​ത്ത​റി​നെ ഞെ​ട്ടി​ക്കു​ന്ന​താ​യി​രു​ന്നു തി​ങ്ക​ളാ​ഴ്ച വൈ​കു​ന്നേ​ര​ത്തെ മ​ണി​ക്കൂ​റു​ക​ൾ. മേ​ഖ​ല സം​ഘ​ർ​ഷ​ഭ​രി​ത​മാ​യി​രു​ന്നു​വെ​ങ്കി​ലും ഖ​ത്ത​ർ ഉ​ൾ​പ്പെ​ടെ ജി.​സി.​സി രാ​ജ്യ​ങ്ങ​ൾ സു​ര​ക്ഷി​ത​യി​ട​ങ്ങ​ളാ​യി​രു​ന്നു. എ​ന്നാ​ൽ, ​ജ​ന​ങ്ങ​ളി​ൽ ഭീ​തി​യു​യ​ർ​ത്തി രാ​ത്രി ഏ​ഴോ​ടെ ദോ​ഹ, അ​ൽ വ​ക്​​റ, ഇ​ൻ​ഡ​സ്​​ട്രി​യ​ൽ ഏ​രി​യ തു​ട​ങ്ങി​യ സ്ഥ​ല​ങ്ങ​ളി​ൽ ഇ​ടി​മു​ഴ​ക്കം കേ​ൾ​ക്കു​ന്നു​ണ്ടാ​യി​രു​ന്നു. മി​നി​റ്റു​ക​ൾ​ക്ക​കം​ ചെ​റു തീ​ഗോ​ളം പോ​ലെ മി​സൈ​ലു​ക​ളും പ്ര​ത്യ​ക്ഷ​പ്പെ​ട്ടു. ത​ട​യു​ന്ന​തി​നാ​യി മി​സൈ​ൽ പ്ര​തി​രോ​ധ സം​വി​ധാ​ന​ങ്ങ​ളും പ്ര​വ​ർ​ത്തി​ച്ചു​തു​ട​ങ്ങി​യ​തോ​ടെ ആ​കാ​ശം തീ​ഗോ​ള​ങ്ങ​ളാ​ൽ നി​റ​ഞ്ഞു. അ​ൽ ഉ​ദൈ​ദ്​ ല​ക്ഷ്യ​മാ​ക്കി ഇ​റാ​ൻ തൊ​ടു​ത്ത മി​ലൈ​സു​ക​ൾ ഖ​ത്ത​ർ വി​ജ​യ​ക​ര​മാ​യി പ്ര​തി​രോ​ധി​ച്ചി​രു​ന്നു. അ​ര​മ​ണി​ക്കൂ​റോ​ളം നീ​ണ്ട ഭീ​തി​നി​റ​ഞ്ഞ അ​ന്ത​രീ​ക്ഷ​ത്തി​നു പി​ന്നാ​ലെ, രാ​ജ്യം സാ​ധാ​ര​ണ നി​ല​യി​ലെ​ത്തി. പി​ന്നാ​ലെ ദോ​ഹ​യി​ലെ മാ​ർ​ക്ക​റ്റു​ക​ളി​ലും ക​ട​ക​ളി​ലും പ​തി​വു​പോ​ലെ തി​ര​ക്ക് അ​നു​ഭ​വ​പ്പെ​ട്ടു.