ഖത്തറിൽ പുതിയപരിശോധനലാബ്​ തുടങ്ങി; മൂന്നുപേർക്കുകൂടി രോഗമുക്​തി

ദോഹ: ഖത്തറിൽ 59 പേർക്കുകൂടി പുതുതായി കോവിഡ്​ രോഗം സ്​ഥിരീകരിച്ചു. പുതുതായി മൂന്നുപേർ രോഗമുക്​തി നേടി. ആകെ രോഗികൾ 693ആയി. ആകെ 51 പേരാണ്​ രോഗമുക്​തി നേടിയിരിക്കുന്നത്​. 20058 പേരെയാണ്​ ആകെ പരിശോധിച്ചത്​.

പുതുതായി രോഗം ബാധിച്ചത്​ അടുത്തകാലത്ത്​ പ്രത്യേകിച്ചും ബ്രിട്ടനിൽ നിന്ന്​ ഖത്തറിൽ മടങ്ങിയെത്തിയവരെയോ അവരുമായി ബന്ധമുള്ളവരെയോ ആണ്​​. മറ്റുള്ളവർ നേരത്തേ രോഗം പിടിപ്പെട്ടവരുമായി സമ്പർക്കം പുലർത്തിയവരുമാണ്​. ഒരേ വീടുകളിൽ ഉള്ളവരോ ബന്ധുക്കളോ ആണ്​ ചിലർ. കോവിഡ്​രോഗം പരിശോധിക്കാനുള്ള പുതിയ ​ലബോറട്ടറി സംവിധാനം ഖത്തറിൽ പ്രവർത്തനം തുടങ്ങി.

നേരത്തേ തന്നെ രോഗം കണ്ടുപിടിക്കാനുള്ള ഉന്നത സൗകര്യങ്ങൾ അടങ്ങിയതാണ്​ ലാബ്​. ഒരു ദിവസം തന്നെ നിരവധിപേർക്ക്​ ലാബിലൂ​െട പരിശോധന നിർവഹിക്കാനും കഴിയും. നിലവിലുള്ള രോഗികളെല്ലാം സമ്പർക്കവിലക്കിൽ ചികിൽസയിലാണ്​.