ദോ​ഹ മി​ക​ച്ച നി​കു​തി സൗ​ഹൃ​ദ ന​ഗ​രം

ദോ​ഹ: ലോ​ക​ത്തി​ലെ ഏ​റ്റ​വും മി​ക​ച്ച നി​കു​തി സൗ​ഹൃ​ദ ന​ഗ​ര​ങ്ങ​ളി​ലൊ​ന്നാ​യി ദോ​ഹ. 2025ലെ ​മ​ൾ​ട്ടി​പൊ​ളി​റ്റ​ൻ​സ് വെ​ൽ​ത്ത് റി​പ്പോ​ർ​ട്ട് ടാ​ക്സ് ഫ്ര​ണ്ട്‌​ലി സി​റ്റി ഇ​ൻ​ഡ​ക്സി​ലാ​ണ് ദോ​ഹ അ​ഞ്ചാം സ്ഥാ​നം കൈ​വ​രി​ച്ച​ത്.

യാ​ത്ര ചെ​യ്യാ​നും താ​മ​സം മാ​റാ​നും ബി​സി​ന​സു​ക​ൾ തു​ട​ങ്ങാ​നും ആ​സ്തി​ക​ൾ കൈ​കാ​ര്യം ചെ​യ്യാ​നു​മു​ള്ള പ്ര​ക്രി​യ​ക​ൾ ല​ളി​ത​മാ​ക്കു​ന്ന ഒ​രു ആ​ഗോ​ള മൈ​ഗ്രേ​ഷ​ൻ പ്ലാ​റ്റ്‌​ഫോ​മാ​യ മ​ൾ​ട്ടി​പൊ​ളി​റ്റ​ൻ ആ​ണ് ദോ​ഹ​യെ മി​ക​ച്ച നി​കു​തി സൗ​ഹൃ​ദ ന​ഗ​ര​ങ്ങ​ളി​ലൊ​ന്നാ​യി തി​ര​ഞ്ഞെ​ടു​ത്ത​ത്.

​മ​ൾ​ട്ടി​പോ​ളി​റ്റ​ന്റെ വെ​ൽ​ത്ത് റി​പ്പോ​ർ​ട്ട് 2025; ദ ​ടാ​ക്സ്ഡ് ജ​ന​റേ​ഷ​ന്റെ ഭാ​ഗ​മാ​യു​ള്ള ഈ ​പ്ര​ഥ​മ സൂ​ചി​ക, ഉ​യ​ർ​ന്ന ആ​സ്തി​യു​ള്ള​വ​ർ, പ്ര​ഫ​ഷ​ന​ലു​ക​ൾ, കു​റ​ഞ്ഞ നി​കു​തി സാ​ഹ​ച​ര്യ​ങ്ങ​ൾ തേ​ടു​ന്ന ബി​സി​ന​സു​ക​ൾ തു​ട​ങ്ങി​യ​വ​ർ​ക്ക് ലോ​ക​ത്തി​ലെ മി​ക​ച്ച നി​കു​തി സൗ​ഹൃ​ദ ന​ഗ​ര​ങ്ങ​ളി​ലൊ​ന്നാ​യി ദോ​ഹ​യെ അ​ട​യാ​ള​പ്പെ​ടു​ത്തു​ന്നു. മി​ക​ച്ച സാ​മ്പ​ത്തി​ക പ​ദ്ധ​തി​ക​ൾ, അ​ടി​സ്ഥാ​ന സൗ​ക​ര്യ​ങ്ങ​ൾ, സു​സ്ഥി​ര ഭ​ര​ണം എ​ന്നി​വ ​ദോ​ഹ​യു​ടെ റാ​ങ്കി​ങ് മി​ക​വി​ന് കാ​ര​ണ​മാ​യി.

സ​മ്പ​ന്ന​ർ​ക്ക് മാ​ത്ര​മ​ല്ല സു​ര​ക്ഷി​ത​മാ​യി ത​ങ്ങ​ളു​ടെ ആ​സ്തി​ക​ൾ സം​ര​ക്ഷി​ക്കാ​നും വി​ക​സി​പ്പി​ക്കാ​നും ആ​ഗ്ര​ഹി​ക്കു​ന്ന സം​രം​ഭ​ക​ർ​ക്കും പ്ര​ഫ​ഷ​ന​ലു​ക​ൾ​ക്കു​മെ​ല്ലാം സൂ​ചി​ക നി​ർ​ദേ​ശ​ങ്ങ​ൾ പ്ര​ധാ​ന​മാ​ണ്. വ്യ​ക്തി​ഗ​ത വ​രു​മാ​ന നി​കു​തി, മൂ​ല​ധ​ന വ​ള​ർ​ച്ച, അ​ന​ന്ത​രാ​വ​കാ​ശം, സ​മ്പ​ത്ത് നി​കു​തി തു​ട​ങ്ങി​യ​വ അ​ടി​സ്ഥാ​ന​മാ​ക്കി​യാ​ണ് ടാ​ക്സ് ഫ്ര​ണ്ട്‌​ലി സി​റ്റി​സ് സൂ​ചി​ക വി​ല​യി​രു​ത്തു​ന്ന​ത്.

ഖ​ത്ത​റി​ൽ വ്യ​ക്തി​ഗ​ത വ​രു​മാ​ന നി​കു​തി​യി​ല്ലാ​ത്ത​തും സ്വ​ത്തു​മാ​യി ബ​ന്ധ​പ്പെ​ട്ട തു​ച്ഛ​മാ​യ ഫീ​സു​ക​ളും നി​ക്ഷേ​പ​ക​ർ​ക്കും താ​മ​സ​ക്കാ​ർ​ക്കും സം​ര​ക്ഷ​ണം ന​ൽ​കു​ന്ന സു​താ​ര്യ​മാ​യ നി​യ​മ​സം​വി​ധാ​ന​വും ദോ​ഹ​യു​ടെ ഉ​യ​ർ​ന്ന റാ​ങ്കി​ങ്ങി​ന് കാ​ര​ണ​മാ​യി​ട്ടു​ണ്ട്. പ​ര​മ്പ​രാ​ഗ​ത നി​കു​തി വ​രു​മാ​ന​ങ്ങ​ളി​ൽ​നി​ന്ന് വ്യ​ത്യ​സ്ത​മാ​യി അ​ടി​സ്ഥാ​ന സൗ​ക​ര്യ​ങ്ങ​ൾ വി​ക​സി​പ്പി​ച്ചും ആ​ധു​നി​ക​വ​ത്ക​രി​ച്ചും ദോ​ഹ സാ​മ്പ​ത്തി​ക നേ​ട്ട​ങ്ങ​ൾ കൈ​വ​രി​ക്കു​ന്നു.

അ​ബൂ​ദ​ബി​യാ​ണ് പ​ട്ടി​ക​യി​ൽ ഒ​ന്നാം സ്ഥാ​ന​ത്ത്. ജി.​സി.​സി ന​ഗ​ര​ങ്ങ​ളാ​യ ദു​ബൈ (ര​ണ്ട്), മ​നാ​മ (നാ​ല്) എ​ന്നി​വ​യും ആ​ദ്യ അ​ഞ്ച് റാ​ങ്കി​ങ്ങി​ൽ ഉ​ൾ​പ്പെ​ടു​ന്നു. സിം​ഗ​പ്പൂ​രാ​ണ് പ​ട്ടി​ക​യി​ൽ മൂ​ന്നാം സ്ഥാ​ന​ത്ത്. കു​വൈ​ത്ത് സി​റ്റി (8), റി​യാ​ദ് (12), മ​സ്ക​ത്ത് (17) എ​ന്നി​വ ഉ​ൾ​പ്പെ​ടെ ​ആ​ദ്യ​ത്തെ 20 നി​കു​തി സൗ​ഹൃ​ദ ന​ഗ​ര​ങ്ങ​ളി​ൽ ഏ​ഴെ​ണ്ണ​വും ജി.​സി.​സി​യി​ലാ​ണ്.