പാലക്കാട് സ്വദേശി ഖത്തറിൽ നിര്യാതനായി

ദോഹ: ചികിത്സയിലായിരുന്ന പാലക്കാട് സ്വദേശി ഖത്തറിൽ നിര്യാതനായി. ചാലിശ്ശേരി സ്വദേശി പരിക്കുന്നത്ത് ഷമീർ അഹ്‍മദ് (44) ആണ് ശനിയാഴ്ച രാവിലെ ഹമദ് ഹാർട്ട് ആശുപത്രിയിൽ മരിച്ചത്.

പനി ബാധിച്ച് സ്വകാര്യ ക്ലിനിക്കിൽ ചികിത്സ തേടിയ ഷമീറിനെ പിന്നീട് ഹമദ് ഹാർട്ട് ആശുപത്രിയിലേക്ക് മാറ്റുകയായിരുന്നു. ഖത്തറിൽ സ്‌കൈവേ ലിമോസിൻ കമ്പനിയിൽ ഡ്രൈവറായി ജോലി ചെയ്തുവരികയായിരുന്നു. സഹോദരൻ നൗഷാദ് ഖത്തറിലുണ്ട്. പിതാവ്: അഹ്‍മദ് പരിക്കുന്നത്ത്. മാതാവ്: സൈനബ. ഭാര്യ: റജുല. മക്കൾ: അസ്‍ലഹ്, മുസമ്മിൽ അഹ്‍മദ്, അബ്‍ല.

മൃതദേഹം നടപടിക്രമങ്ങൾ പൂർത്തിയാക്കിയ ശേഷം നാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിച്ചു.