2030 ‘വേൾഡ് എക്​സ്​പോ’ റിയാദിൽതന്നെ

റി​യാ​ദ്​: 2030 ‘വേ​ൾ​ഡ് എ​ക്​​സ്​​പോ’ റി​യാ​ദി​ൽ ന​ട​ത്തു​ന്ന​തി​നു​ള്ള അ​ന്തി​മ അം​ഗീ​കാ​രം ല​ഭി​ച്ചു. ഫ്രാ​ൻ​സി​ലെ പാ​രീ​സി​ൽ ന​ട​ന്ന ബ്യൂ​റോ ഇ​ൻ​റ​ർ​നാ​ഷ​ന​ൽ ഡെ​സ് എ​ക്സ്പോ​സി​ഷ​ൻ​സി​​ന്റെ (ബി.​ഐ.​ഇ) ജ​ന​റ​ൽ അ​സം​ബ്ലി​യി​ൽ​ ആ​തി​ഥേ​യ രാ​ജ്യ​മാ​യ സൗ​ദി അ​റേ​ബ്യ​യു​ടെ ര​ജി​സ്ട്രേ​ഷ​ൻ അം​ഗീ​ക​രി​ക്കു​ന്ന​തി​നു​ള്ള പ്ര​ക്രി​യ പൂ​ർ​ത്തി​യാ​ക്കി.

വേ​ൾ​ഡ്​ എ​ക്​​സ്​​പോ​യു​ടെ ഔ​ദ്യോ​ഗി​ക പ​താ​ക സൗ​ദി പ്ര​തി​നി​ധി സം​ഘ​ത്തി​ന് കൈ​മാ​റി. റി​യാ​ദ് റോ​യ​ൽ ക​മീ​ഷ​ൻ ആ​ക്ടി​ങ്​ സി.​ഇ.​ഒ​യും സ​ഹ​മ​ന്ത്രി​യു​മാ​യ എ​ൻ​ജി. ഇ​ബ്രാ​ഹിം ബി​ൻ മു​ഹ​മ്മ​ദ് അ​ൽ സു​ൽ​ത്താ​ന്റെ നേ​തൃ​ത്വ​ത്തി​ലാ​ണ്​ സൗ​ദി പ്ര​തി​നി​ധി സം​ഘം യോ​ഗ​ത്തി​ൽ പ​ങ്കെ​ടു​ത്ത​ത്.

റെ​ക്കോ​ർ​ഡ് സ​മ​യ​ത്തി​നു​ള്ളി​ൽ അ​പേ​ക്ഷ അം​ഗീ​ക​രി​ച്ച​ത് അ​ന്താ​രാ​ഷ്​​ട്ര വേ​ദി​യി​ൽ സൗ​ദി​യു​ടെ മു​ൻ​നി​ര സ്ഥാ​ന​വും വി​ശ്വാ​സ്യ​ത​യും തെ​ളി​യി​ക്കു​ന്നു​വെ​ന്ന് സു​ൽ​ത്താ​ൻ പ​റ​ഞ്ഞു.

അ​പേ​ക്ഷ ത​യ്യാ​റാ​ക്കു​ന്ന​തി​ലും അ​വ​ലോ​ക​നം ചെ​യ്യു​ന്ന​തി​ലും ഏ​ർ​പ്പെ​ട്ടി​രി​ക്കു​ന്ന ടീ​മു​ക​ളു​ടെ പ്ര​ഫ​ഷ​ന​ലി​സ​വും ഇ​ത് പ്ര​തി​ഫ​ലി​പ്പി​ക്കു​ന്നു. ‘വി​ഷ​ൻ 2030’​െൻ​റ ച​ട്ട​ക്കൂ​ടി​നു​ള്ളി​ൽ ച​രി​ത്ര​ത്തി​ലി​ല്ലാ​ത്ത വി​ധം അ​സാ​ധാ​ര​ണ​മാ​യി എ​ക്​​സ്​​പോ സം​ഘ​ടി​പ്പി​ക്കു​മെ​ന്ന്​ സു​ൽ​ത്താ​ൻ പ​റ​ഞ്ഞു. ഏ​റ്റ​വും പ്ര​ധാ​ന​പ്പെ​ട്ട അ​ന്താ​രാ​ഷ്​​ട്ര മേ​ള​ക്ക്​ ആ​തി​ഥേ​യ​ത്വം വ​ഹി​ക്കു​ന്ന​തി​നു​ള്ള ത​യ്യാ​റെ​ടു​പ്പു​ക​ൾ​ക്ക്​ ന​ൽ​കു​ന്ന പി​ന്തു​ണ​ക്ക്​ സ​ൽ​മാ​ൻ രാ​ജാ​വി​നും കി​രീ​ടാ​വ​കാ​ശി അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​നും സു​ൽ​ത്താ​ൻ ന​ന്ദി​യും ക​ട​പ്പാ​ടും അ​റി​യി​ച്ചു.

അ​ന്താ​രാ​ഷ്​​ട്ര എ​ക്സ്പോ​ക​ളു​ടെ ച​രി​ത്ര​ത്തി​ൽ റെ​ക്കോ​ർ​ഡ് സ​മ​യ​ത്ത് പൂ​ർ​ണ ര​ജി​സ്ട്രേ​ഷ​ൻ ഫ​യ​ൽ വി​ജ​യ​ക​ര​മാ​യി പൂ​ർ​ത്തി​യാ​ക്കി സ​മ​ർ​പ്പി​ക്കു​ന്ന ആ​ദ്യ​ത്തെ ന​ഗ​ര​മാ​ണ് റി​യാ​ദ്. ഇ​ത്ത​ര​ത്തി​ലു​ള്ള ഫ​യ​ലു​ക​ൾ​ക്കു​ള്ള സാ​ധാ​ര​ണ സ​മ​യ​ത്തി​ന്റെ പ​കു​തി സ​മ​യം കൊ​ണ്ടാ​ണ്​ ഫ​യ​ൽ സ​മ​ർ​പ്പി​ച്ച​ത്. 2030 ഒ​ക്ടോ​ബ​ർ ഒ​ന്ന്​ മു​ത​ൽ 2031 മാ​ർ​ച്ച് 31 വ​രെ​യാ​ണ്​ എ​ക്​​സ്​​പോ​ക്ക്​ റി​യാ​ദ്​ ന​ഗ​രം ആ​തി​ഥ്യം വ​ഹി​ക്കു​ക. 60 ല​ക്ഷം ച​തു​ര​ശ്ര മീ​റ്റ​ർ വി​സ്തൃ​തി​യി​ലാ​ണ്​ എ​ക്സ്പോ​ക്ക്​ വേ​ദി​യൊ​രു​ങ്ങു​ക.

ച​രി​ത്ര​ത്തി​ലെ ഏ​റ്റ​വും വ​ലി​യ എ​ക്സ്പോ​ക​ളി​ൽ ഒ​ന്നാ​യി​രി​ക്കും ഇ​ത്. നാ​ല്​ കോ​ടി സ​ന്ദ​ർ​ശ​ക​രെ​യാ​ണ്​ പ്ര​തീ​ക്ഷി​ക്കു​ന്ന​ത്. അ​ത്ര​യും ആ​ളു​ക​ളെ സ്വീ​ക​രി​ക്കാ​ൻ ക​ഴി​യു​ന്ന സൗ​ക​ര്യ​ങ്ങ​ളാ​ണ്​ ഒ​രു​ങ്ങു​ക. ലോ​കോ​ത്ത​ര നി​ല​വാ​ര​ത്തി​ൽ അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കും.195 രാ​ജ്യ​ങ്ങ​ളു​ടെ പ​ങ്കാ​ളി​ത്ത​ത്തോ​ടെ ന​ട​ക്കു​ന്ന എ​ക്​​സ്​​പോ അ​ന്താ​രാ​ഷ്​​ട്ര സ​ഹ​ക​ര​ണ​ത്തി​ലും സ​ജീ​വ പ​ങ്കാ​ളി​ത്ത​ത്തി​ലും പു​തി​യ മാ​ന​ദ​ണ്ഡ​ങ്ങ​ൾ സ്ഥാ​പി​ക്കും.