അമീർ മുഹമ്മദ്​ ആദ്യമായി അമേരിക്കൻ ചാനലിൽ

ജിദ്ദ: സൗദി കിരീടാവകാശി അമീർ മുഹമ്മദ്​ ബിൻ സൽമാൻ ഇതാദ്യമായി ഒരു അമേരിക്കൻ ടെലിവിഷൻ ചാനലിൽ പ്രത്യക്ഷപ്പെടുന്നു. സി.ബി.എസ്​ ന്യൂസി​​​​െൻറ ‘60 മിനുട്ട്​സ്​’ എന്ന പരിപാടിയിലാണ്​ അദ്ദേഹം പ​െങ്കടുക്കുന്നത്​. പ്രശസ്​ത അമേരിക്കൻ മാധ്യമപ്രവർത്തക നോറ ഒ’ ഡനീൽ ആതിഥ്യം വഹിക്കുന്ന അഭിമുഖ പരമ്പരയാണ്​ ‘60 മിനുട്ട്​സ്​’. കഴിഞ്ഞ ദിവസം സൗദിയിൽ വെച്ച്​ ചിത്രീകരിച്ച പരിപാടിയുടെ മുഴുവൻ രൂപം മാർച്ച്​ 18 ന്​ സംപ്രേഷണം ചെയ്യും. അമേരിക്കൻ സന്ദർശനത്തിന്​ എത്തുന്ന അമീർ മുഹമ്മദി​​​​െൻറ ഡോണാൾഡ്​ ട്രംപുമായുളള കൂടിക്കാഴ്​ചക്ക്​ തൊട്ടുമുമ്പാകും സംപ്രേഷണമെന്ന്​ സി.ബി.എസ്​ ന്യൂസ്​ അറിയിച്ചു. 

‘സി.ബി.എസ്​ ദി മോണിങ്​’ എന്ന പരിപാടിയു​െട സഹഅവതാരകയും ‘60 മിനുട്ട്​സി​’​​​െൻറ കോൺട്രിബ്യൂട്ടിങ്​ കറസ്​പോണ്ടൻറുമായ നോറ ഒ’ ഡനീൽ അമേരിക്കൻ മാധ്യമലോകത്തെ മിന്നുന്ന താരങ്ങളിലൊന്നാണ്​. അമീർ മുഹമ്മദി​​​​െൻറ അഭിമുഖത്തിന്​ മുന്നോടിയായി ഒരാഴ്​ചയിലേറെ അവർ സൗദിയിൽ ചെലവഴിച്ചിരുന്നു. സമീപകാല ലോകരാഷ്​ട്രീയത്തെ കുറിച്ച്​ വിശദമായി ചർച്ച ചെയ്യുന്ന അഭിമുഖമാണ്​ ചിത്രീകരിച്ചിരിക്കുന്നതെന്നാണ്​ വിദേശമാധ്യമങ്ങൾ നൽകുന്ന സൂചന. അമേരിക്കയുമായുള്ള ബന്ധം, യമനിലെ സൈനിക നടപടി, ഇറാൻ പ്രശ്​നം എന്നീ വിഷയങ്ങളിൽ സംസാരിക്കുന്ന അമീർ മുഹമ്മദ്​, കഴിഞ്ഞ നവംബറിൽ നടന്ന അഴിമതി വിരുദ്ധ നീക്കത്തെ കുറിച്ചും വിശദമാക്കുന്നുണ്ട്​. രണ്ടുവർഷമായി ഇൗ അഭിമുഖത്തിന്​ വേണ്ടിയുള്ള ഒരുക്കത്തിലായിരുന്നുവെന്ന്​ നോറ ഒ’ ഡനീൽ പറയുന്നു. അഭിമുഖത്തി​​​​െൻറ ചെറുരൂപം വരുന്ന വ്യാഴാഴ്​ച സംപ്രേഷണം ചെയ്യും. പൂർണരൂപമാണ്​ 18 ന്​ വരുന്നത്​. 

13 വർഷങ്ങൾക്ക്​ ശേഷമാണ്​ ഒരു സൗദി നേതാവ്​ അമേരിക്കൻ ടെലിവിഷനിൽ പ്രത്യക്ഷപ്പെടുന്നത്​. 2005 ൽ അബ്​ദുല്ല രാജാവാണ്​ അവസാനമായി യു.എസ്​ ചാനലിലെത്തിയത്​. അദ്ദേഹത്തി​​​​െൻറ ഏക അമേരിക്കൻ ചാനൽ അഭിമുഖവും അതായിരുന്നു. അന്ന്​ എ.ബി.സി ന്യൂസി​​​​െൻറ ബാർബറ വാൾ​േട്ടഴ്​സ്​ ആണ്​ അബ്​ദുല്ലരാജാവിനെ ഇൻറർവ്യൂ ചെയ്​തത്​. ‘20: 20’, ‘നൈറ്റ്​ ലൈൻ’ എന്നീ പരിപാടികളിൽ സംപ്രേഷണം ചെയ്യപ്പെട്ട ആ അഭിമുഖം അക്കാലത്ത്​ ഏറെ ശ്രദ്ധിക്കപ്പെട്ടിരുന്നു. 

സൗദിയിൽ വനിതകൾ വാഹനമോടിക്കുന്ന കാലം വരിക ​തന്നെ ചെയ്യുമെന്ന്​ പ്രവചനാത്​മക സ്വരത്തിൽ അബ്​ദുല്ല രാജാവ്​ സംസാരിച്ചത്​ ഇൗ അഭിമുഖത്തിലായിരുന്നു. ഇൗ വിഷയത്തിൽ ക്ഷമയാണ്​ വേണ്ടതെന്നും ഒരുദിവസം അത്​ സാധ്യമാകുക തന്നെ ചെയ്യുമെന്നും ബാർബറ വാൾ​േട്ടഴ്​സി​​​​െൻറ ചോദ്യത്തിന്​ അദ്ദേഹം മറുപടി പറഞ്ഞു. അബ്​ദുല്ല രാജാവി​​​​െൻറ നിരീക്ഷണം സത്യമായി പുലരുന്ന സാഹചര്യത്തിലാണ്​ അദ്ദേഹത്തി​​​​െൻറ പിൻമുറക്കാരൻ വീണ്ടും അമേരിക്കൻ ചാനലിലെത്തുന്നതെന്ന പ്രത്യേകതയും ഇൗ അഭിമുഖത്തിനുണ്ട്​.