അഞ്ച്​ ബസുകൾ കൂട്ടിയിടിച്ച്​ ആറ്​ മരണം: 48 പേർക്ക്​ പരിക്ക്​

ദമ്മാം: മദീന– അൽ ഖസീം റോഡിൽ  ഉംറതീർത്ഥാടകർ സഞ്ചരിച്ച അഞ്ച്​ ബസുകൾ കൂട്ടിയിടിച്ചുണ്ടായ അപകടത്തിൽ ആറ്​ പേർ മരിച്ചു. 48 പേർക്ക്​ പരിക്കേറ്റു. വെള്ളിയാഴ്​ച വൈകുന്നേരമാണ്​ അപകടമുണ്ടായത്​. 
പൊടിക്കാറ്റിനെ തുടർന്നാണ്​ അപകടമെന്ന്​ സിവിൽ ഡിഫൻസ്​ വക്​താവ്​ ​ അറിയിച്ചു. പരിക്കേറ്റവരിൽ ചിലർക്ക്​ പ്രാഥമിക ചികിൽസ നൽകി. നിരവധി പേരെ വിവിധ ആശുപത്രികളിൽ പ്രവേശിപ്പിച്ചു.