ജീസാനിലെ സാംത മേഖലയിൽ സമ്പൂർണ കർഫ്യൂവിൽ ഇളവ്

ജിദ്ദ: ദക്ഷിണ സൗദിയിൽ ജീസാനിലെ സാംത്വ മേഖലയിൽ ഏർപ്പെടുത്തിയിരുന്ന സമ്പൂർണ കർഫ്യുവിന്​ തിങ്കളാഴ്​ച മുതൽ ഇളവ്​ വരുത്തിയെന്ന്​ ആഭ്യന്തര മ​ന്ത്രാലയ വൃത്തങ്ങൾ അറിയിച്ചു. ആരോഗ്യ വകുപ്പി​​െൻറ ശിപാർശയുടെ അടിസ്​ഥാനത്തിലാണ്​ തീരുമാനം. 

മേഖലയിലുള്ളവർക്ക്​​ തങ്ങളുടെ ആവശ്യങ്ങളുമായി​ രാവിലെ ഒമ്പത്​ മുതൽ വൈകീട്ട്​ അഞ്ച്​ വരെ പുറത്തിറങ്ങാം. കർഫ്യുവിൽ നിന്ന്​ നേരത്തെ ഇളവ്​ നൽകിയ സ്​ഥാപനങ്ങൾക്ക്​ ആരോഗ്യ സുരക്ഷ മുൻകരുതൽ പാലിച്ച്​ പ്രവർത്തനം തുടരാം. കോവിഡ്​ വ്യാപനം തടഞ്ഞ്​ പൊതുജനാരോഗ്യം സംരക്ഷിക്കുന്നതി​​െൻറ ഭാഗമായാണ്​ നടപടികളെല്ലാം. 

തീരുമാനം പുനഃപരിശോധനക്ക്​ വി​േധയമാണ്​. എല്ലാവരും പൊതുതാൽപര്യം കണക്കിലെടുത്ത്​ അകലം പാലിച്ചും ആ​രോഗ്യ സുരക്ഷ നിർദേശങ്ങൾ അനുസരിച്ചും കഴിയണമെന്നും ആഭ്യന്തര മന്ത്രാലയം ആവശ്യപ്പെട്ടു. ശഅ്​ബാൻ 24നാണ്​ ജീസാൻ മേഖലയിലെ സാംത്വ, ദാഇർ എന്നിവിടങ്ങളിൽ മുഴുവൻസമയ കർഫ്യു ഏർപ്പെടുത്തിയത്​. ഇപ്പോൾ ആരോഗ്യ വകുപ്പി​​െൻറ ശിപാർശ പ്രകാശം  സാംത്വഇയിലെ കർഫ്യുവിനാണ്​​​ ഇളവ്​ നൽകിയത്​.