സൗദിയിൽ കഴിയുന്നവർക്ക് സന്തോഷ വാർത്ത: എക്​സിറ്റ്​ വിസാ കാലാവധി നീട്ടി

റിയാദ്​: ​ൈ​ഫനൽ എക്​സിറ്റ്​ വിസയിൽ സൗദിയിൽ കഴിയുന്നവർക്ക്​ സന്തോഷ വാർത്ത. വിസയുടെ കാലാവധി ഒക്​ടോബർ 31 വരെ നീട്ടാന്‍ സൗദി ഭരണാധികാരി സൽമാൻ രാജാവ്​ ഉത്തരവിട്ടു. ഫൈനൽ എക്​സിറ്റ്​ വിസ അടിച്ചിട്ടും കോവിഡ്​ പശ്ചാത്തലത്തിൽ വിമാന സർവിസില്ലാത്തതിനാൽ രാജ്യം വിടാൻ കഴിയാത്തവർക്കാണ്​ ഇൗ ആനുകൂല്യം.

ഒരുതരത്തിലുള്ള ഫീസുമില്ലാതെയാണ്​ വിസ കാലാവധി ദീർഘിപ്പിച്ച്​ നൽകുന്നത്​. വിസ ദീർഘിപ്പിക്കൽ നടപടി ആരംഭിച്ചതായി സൗദി ജവാസത്ത് അറിയിച്ചു. അപേക്ഷ നൽകാതെ തന്നെ സ്വമേധയാ കാലാവധി ദീർഘിപ്പിക്കും.

കോവിഡ്​ വന്നതിന്​ ശേഷം ഇതുവരെ 29,000 പേരുടെ ഫൈനല്‍ എക്‌സിറ്റ് വിസകൾ ഇപ്രകാരം പുതുക്കിയതായി ജവസാത്തിനെ ഉദ്ധരിച്ച്​ 'അഖ്​ബാർ' ഒാൺലൈൻ പത്രം റിപ്പോർട്ട്​ ചെയ്​തു.