എയർ ഇന്ത്യയുൾപ്പടെ വിദേശ വിമാനങ്ങൾ ഇനി റിയാദ് എയർപ്പോർട്ടിലെ മൂന്നാം ടെർമിനലിൽ

റിയാദ്: എയർ ഇന്ത്യയുൾപ്പടെ വിദേശവിമാന കമ്പനികളുടെ സർവിസ്​ ഓപറേഷൻ റിയാദ് കിങ്​ ഖാലിദ് ഇൻറര്‍നാഷനല്‍ എയര്‍പോര്‍ട്ടിലെ മൂന്നാം നമ്പർ ടെർമിനലിലേക്ക്​ മാറ്റി. നിലവിൽ രണ്ടാം ടെർമിനലിൽനിന്ന്​ ഓപറേഷൻ നടത്തിയിരുന്ന 38 വിദേശ വിമാനകമ്പനികളുടെ സർവിസുകളാണ്​ തിങ്കൾ (ഡിസം. 30), ചൊവ്വ (ഡിസം. 31) ദിവസങ്ങളി​ലായി ടെർമിനൽ മാറ്റുന്നത്​. എയര്‍ ഇന്ത്യ, ഇൻഡിഗോ, സെരീൻ എയർ, കുവൈത്ത്​ എയർവേയ്​സ്​, എമിറേറ്റ്​സ്​, ജസീറ, സലാം എയർ, ഈജിപ്​ത്​ എയർ, ബ്രിട്ടീഷ്​ എയർവേയ്​സ്​, ഗൾഫ്​ എയർ, ഫിലിപ്പീൻ എയർശെലൻസ്​, പെഗാസസ്​ എയർലൈൻസ്​, കാം എയർ, യമൻ എയർവേയ്​സ്​ (യമനിയ) എന്നീ 14 വിമാന കമ്പനികളുടെ ആഗമനവും പുറപ്പെടലും​ തിങ്കളാഴ്​ച മുതൽ മൂന്നാം ടെർമിനലിൽനിന്നാക്കി​.

എയർ ഇന്ത്യ എക്​സ്​പ്രസ്​, ശ്രീലങ്കൻ എയർലൈൻസ്​, എയർ ബ്ലൂ, എയർ അറേബ്യ, എയർ കെയ്​റോ, ആകാസ എയർ, ജറ്റ്​, ബിമാൻ (ബംഗ്ലാദേശ്​ എയർലൈൻസ്​), ബദർ എയലൈൻസ്​, അസർബൈജാൻ എയർലൈൻസ്​, ഫ്ലൈ ജിന്ന, ഫ്ലൈ ദുബൈ, ഇത്യോപ്യൻ എയർ, നെസ്​മ എയർലൈൻസ്​, എയർ സിയാൽ, ഹിമാലയ എയർലൈൻസ്​, പാകിസ്​താൻ എയർലൈൻസ്​, റോയൽ എയർ മറോക്​, ഒമാൻ എയർ, നൈൽ എയർ, സുഡാൻ എയർവേയ്​സ്​, ടാർകോ ഏവിയേഷൻ, സിറിയൻ എയർ എന്നീ 24 വിമാനങ്ങളുടെ ടെർമിനൽ മാറ്റം ചൊവ്വാഴ്​ച മുതലാണ്​.

റിയാദ്​ മെട്രോയുടെ (യെല്ലോ ട്രയിൻ) രണ്ടാം നമ്പർ സ്​റ്റേഷനാണ്​ എയർപ്പോർട്ടിലെ മൂന്നാം ടെർമിനലിനോട്​ ചേർന്നുള്ളത്​. നാലാം ടെർമിനലിനും ഇതേ സ്​റ്റേഷനാണ്​. ഒന്നും രണ്ടും ടെർമിനലിനോട്​ ചേർന്ന്​ ഒന്നാം നമ്പർ സ്​റ്റേഷനും അഞ്ചാം ടെർമിനലിനോട്​ ചേർന്ന്​ മൂന്നാം നമ്പർ സ്​റ്റേഷനുമാണ്​.

അതെസമയം സൗദി വിമാന കമ്പനിയായ ഫ്ലൈനാസി​െൻറ എല്ലാ അന്താരാഷ്​ട്ര വിമാന സർവിസുകളും ഒന്നാം ടെർമിനലിലേക്ക്​ മാറ്റി.