പുതുതലമുറകളുടെ സംഗമവേദിയിൽ അറേബ്യൻ സഫാരി വെളിച്ചം കണ്ടു

ജിദ്ദ: ഗൾഫ്​ മാധ്യമം ആദ്യമായി പുറത്തിറക്കിയ ട്രാവൽ മാഗസിൻ ‘അറേബ്യൻ സഫാരി’ ഇന്ത്യൻ ഡെപ്യൂട്ടി കോൺസൽ ജനറൽ മുഹമ്മദ്​ ഷാഹിദ്​ ആലം ജിദ്ദ നാഷനൽ ഹോസ്​പിറ്റൽ ചെയർമാൻ വി.പി.മുഹമ്മദലിക്ക്​ നൽകി പ്രകാശനം ചെയ്​തു. ഇൻറർനാഷനൽ ഇന്ത്യൻ സ്​കൂളിൽ നടന്ന എജ്യുകഫെ വേദിയിലായിരുന്നു പ്രകാശനം. പുതുതലമുറയുടെ സംഗമവേദിയിൽ വെളിച്ചം കണ്ട അറേബ്യൻ സഫാരിക്ക്​ വൻസ്വീകാര്യതയാണ്​ ലഭിച്ചത്​. മേളക്കെത്തിയ ഇന്ത്യൻ പൗരസമൂഹവും വിശിഷ്​ടാഥികളും ഗൾഫ്​ മാധ്യമത്തി​​​െൻറ ഏറ്റവും പുതിയ ഉപഹാരത്തെ ഒരുപോലെ പ്രശംസിച്ചു. എം.പി.എം മുഹമ്മദ്​ ഹനീഷ്​ ​െഎ.എ.എസ്​, ഗൾഫ്​ മാധ്യമം ചീഫ്​ എഡിറ്റർ വി.കെ. ഹംസ അബ്ബാസ്​, ഇന്ത്യൻ സ്​കൂൾ മാനേജിങ്​ കമ്മിറ്റി ചെയർമാൻ മുഹമ്മദ്​ ഇഖ്​ബാൽ, പ്രിൻസിപ്പൽ സയിദ്​  മസ്​ഉൗദ്​ അഹമദ്​ സമൂഹിക സാംസ്​കാരിക രംഗത്തെ പ്രമുഖർ ചടങ്ങിൽ സംബന്ധിച്ചു.

ഒമ്പതു രാജ്യങ്ങളും 12 വൻ നഗരങ്ങളും നൂറിലേറെ ലക്ഷ്യസ്ഥാനങ്ങളും വായനക്കാരിലെത്തിക്കുന്ന പ്രഥമലക്കത്തിൽ അറേബ്യയാണ്​ ഫോക്കസ്​. 13 പ്രവിശ്യകളിൽ പരന്നുകിടക്കുന്ന സൗദി അറേബ്യയുടെ യാത്രാസാധ്യതകളാണ്​ മാഗസിൻ പ്രധാനമായും അ​േന്വഷിക്കുന്നത്​. ജോർഡൻ, ഇൗജിപ്​ത്​, തുർക്കി എന്നിവക്ക്​ പുറമേ, കുവൈത്ത്​, ബഹ്​റൈൻ, യു.എ.ഇ, ഖത്തർ, ഒമാൻ എന്നീ ജി.സി.സി രാഷ്​ട്രങ്ങളുടെയും പ്രാഥമിക യാത്രാവിവരങ്ങൾ ഇതിൽ ഉൾക്കൊള്ളിച്ചിരുക്കുന്നു. ഒരു ഇന്ത്യക്കാരന്​ ഇത്തരം രാജ്യങ്ങളിൽ വിസ ലഭിക്കുന്നതിന്​ വേണ്ട നടപടിക്രമങ്ങൾ, ശ്രദ്ധിക്കേണ്ട കാര്യങ്ങൾ, വിവിധ കേ​​ന്ദ്രങ്ങളിലേക്കുള്ള ഫീസ്​ എന്നിവ നൽകിയിട്ടുണ്ട്​.

സഞ്ചാര സാഹിത്യകാരനുമായ സക്കറിയ, ‘ദൈവത്തി​​​െൻറ പുസ്​തകം’ എന്ന ഇതിഹാസമാനമുള്ള ഒടുവിലത്തെ നോവലിലൂ​െട പ്രവാസി വായനക്കാരുടെ ഇഷ്​ടക്കാരനായ കെ.പി രാമനുണ്ണി, മരുഭൂമിയുടെ ജീവചരിത്രകാരനായ വി. മുസഫർ അഹമ്മദ്​ എന്നിവരുടെ സാന്നിധ്യമാണ്​ ഇൗ മാഗസിനെ ശ്രദ്ധേയമാക്കുന്നത്​. സൗദി അറേബ്യയെ കുറിച്ചുള്ള ‘പ്രവാചക​​​െൻറ നാട്ടിൽ’ എന്ന യാത്ര വിവരണ ഗ്രന്ഥത്തി​​​െൻറ തുടർച്ചയാണ്​ സക്കറിയയുടെ ‘മദായിൻ സ്വാലിഹിൽ നിന്ന്​ പെട്രയിലേക്ക്​’ എന്ന ലേഖനം. സൗദിയിലെ മദായിൽ സ്വാലിഹും ജോർഡനിലെ പെട്രയും തമ്മില​ുള്ള അസാമാന്യമായ ​െഎക്യത്തെക്കുറിച്ച്​ അദ്ദേഹം വിശദീകരിക്കുന്നുണ്ട്​.