മ​ധ്യ​പൗ​ര​സ്​​ത്യ മേ​ഖ​ല​ക്ക്​​​ ഭീ​ഷ​ണി​യെ​ന്ന്​ സം​യു​ക്ത പ്ര​സ്​​താ​വന; ഇസ്രായേലി ആക്രമണത്തിനെതിരെ അറബ്, ഇസ്​ലാമിക രാജ്യങ്ങൾ

റി​യാ​ദ്​: ഇ​റാ​നെ​തി​രെ ഇ​സ്രാ​യേ​ൽ ന​ട​ത്തു​ന്ന ആ​ക്ര​മ​ണ​ങ്ങ​ളെ സൗ​ദി അ​റേ​ബ്യ ഉ​ൾ​പ്പെ​ടെ​യു​ള്ള അ​റ​ബ്, ഇ​സ്​​ലാ​മി​ക രാ​ജ്യ​ങ്ങ​ൾ അ​പ​ല​പി​ച്ചു. ഇ​ത്​ മ​ധ്യ​പൗ​ര​സ്​​ത്യ മേ​ഖ​ല​യു​ടെ സു​ര​ക്ഷ​ക്കും സ്ഥി​ര​ത​ക്കും ഭീ​ഷ​ണി​യാ​ണ്. സം​ഘ​ർ​ഷം അ​ഞ്ചാം ദി​വ​സ​ത്തി​ലേ​ക്ക് ക​ട​ന്ന​തോ​ടെ മേ​ഖല​യി​ൽ തു​ട​രു​ന്ന അ​പ​ക​ട​ക​ര​മാ​യ സ്ഥി​തി​ഗ​തി​ക​ളി​ൽ രാ​ജ്യ​ങ്ങ​ൾ ഒ​റ്റ​സ്വ​ര​ത്തി​ൽ ആ​ശ​ങ്ക പ്ര​ക​ടി​പ്പി​ച്ചു. വെ​ടി​നി​ർ​ത്ത​ലും സ​മ​ഗ്ര​മാ​യ ശാ​ന്ത​ത​യും കൈ​വ​രി​ക്കു​ന്ന​തി​ന് സം​ഘ​ർ​ഷം ല​ഘൂ​ക​രി​ക്ക​ണ​മെ​ന്ന് ഈ ​രാ​ജ്യ​ങ്ങ​ളി​ലെ വി​ദേ​ശ​കാ​ര്യ മ​ന്ത്രി​മാ​ർ സം​യു​ക്ത പ്ര​സ്​​താ​വ​ന​യി​ൽ ആ​വ​ശ്യ​പ്പെ​ട്ടു.

സൗ​ദി, ഈ​ജി​പ്ത്, ജോ​ർ​ഡാ​ൻ, യു.​എ.​ഇ, പാ​കി​സ്​​താ​ൻ, ബ​ഹ്‌​റൈ​ൻ, ബ്രൂ​ണൈ ദാ​റു​സ്സ​ലാം, തു​ർ​ക്കി​യ, ചാ​ഡ്, അ​ൾ​ജീ​രി​യ, മോ​റോ​സ്, ജി​ബൂ​ട്ടി, സു​ഡാ​ൻ, സൊ​മാ​ലി​യ, ഇ​റാ​ഖ്, ഒ​മാ​ൻ, ഖ​ത്ത​ർ, കു​വൈ​ത്ത്, ലി​ബി​യ, മൗ​റി​താ​നി​യ എ​ന്നീ രാ​ജ്യ​ങ്ങ​ളു​ടെ മ​ന്ത്രി​മാ​രാ​ണ്​ പ്ര​സ്​​താ​വ​ന​യി​ൽ ഒ​പ്പു​വെച്ച​ത്.

ഈ ​മാ​സം 13 മു​ത​ൽ ഇ​സ്രാ​യേ​ൽ ഇ​റാ​നെ​തി​രെ ന​ട​ത്തു​ന്ന ആ​ക്ര​മ​ണ​ങ്ങ​ളെ​യും അ​ന്താ​രാ​ഷ്​​ട്ര നി​യ​മ​ങ്ങ​ളെ​യും യു.​എ​ൻ ചാ​ർ​ട്ട​റി​​ന്റെ ത​ത്ത്വ​ങ്ങ​ളെ​യും ലം​ഘി​ക്കു​ന്ന സ​മീ​പ​ന​ത്തെ​യും അ​പ​ല​പി​ക്കു​ക​യും ത​ള്ളി​ക്ക​ള​യു​ക​യും ചെ​യ്യു​ന്ന​താ​യി സം​യു​ക്ത പ്ര​സ്താ​വ​ന​യി​ൽ പ​റ​ഞ്ഞു. രാ​ഷ്​​ട്ര​ങ്ങ​ളു​ടെ പ​ര​മാ​ധി​കാ​ര​ത്തെ​യും പ്ര​ദേ​ശി​ക സ​മ​ഗ്ര​ത​യെ​യും ബ​ഹു​മാ​നി​ക്ക​ണം. ന​ല്ല അ​യ​ൽ​പ​ക്ക ബ​ന്ധം സം​ബ​ന്ധി​ച്ച ത​ത്ത്വ​ങ്ങ​ളെ മാ​നി​ക്ക​ണം. ത​ർ​ക്ക​ങ്ങ​ളി​ൽ സ​മാ​ധാ​ന​പ​ര​മാ​യ പ​രി​ഹാ​ര​ത്തി​നു​ള്ള ശ്ര​മ​മാ​ണ്​ തു​ട​രേ​ണ്ട​തെ​ന്നും പ്ര​സ്​​താ​വ​ന ഊ​ന്നി​പ്പ​റ​ഞ്ഞു.

അ​ന്താ​രാ​ഷ്​​ട്ര പ്ര​മേ​യ​ങ്ങ​ൾ​ക്ക​നു​സൃ​ത​മാ​യി ആ​ണ​വാ​യു​ധ​ങ്ങ​ളും മ​റ്റ് കൂ​ട്ട ന​ശീ​ക​ര​ണ ആ​യു​ധ​ങ്ങ​ളും ഇ​ല്ലാ​ത്ത ഒ​രു മേ​ഖ​ല​യാ​യി മ​ധ്യ​പൗ​ര​സ്​​ത്യ മേ​ഖ​ല​യെ പു​നഃ​സ്ഥാ​പി​ക്കേ​ണ്ട​തു​ണ്ടെ​ന്നും വി​ദേ​ശ​കാ​ര്യ മ​ന്ത്രി​മാ​ർ സൂ​ചി​പ്പി​ച്ചു. മേ​ഖ​ല​യി​ലെ എ​ല്ലാ രാ​ജ്യ​ങ്ങ​ളോ​ടും ആ​ണ​വാ​യു​ധ വ്യാ​പ​ന നി​രോ​ധ​ന ഉ​ട​മ്പ​ടി​യി​ൽ ചേ​രാ​ൻ അ​വ​ർ അ​ഭ്യ​ർ​ഥി​ച്ചു. അ​ന്താ​രാ​ഷ്​​ട്ര ആ​ണ​വോ​ർ​ജ ഏ​ജ​ൻ​സി​യു​ടെ സു​ര​ക്ഷ മാ​ന​ദ​ണ്ഡ​ങ്ങ​ൾ പ്ര​കാ​രം സ്ഥാ​പി​ക്ക​പ്പെ​ട്ട ആ​ണ​വ സ്ഥാ​പ​ന​ങ്ങ​ളെ ല​ക്ഷ്യ​മി​ടു​ന്ന​ത് 1949-ലെ ​ജ​നീ​വ ക​ൺ​വെ​ൻ​ഷ​ൻ പ്ര​കാ​ര​മു​ള്ള അ​ന്താ​രാ​ഷ്​​ട്ര, മാ​നു​ഷി​ക നി​യ​മ​ങ്ങ​ളു​ടെ ന​ഗ്​​ന​മാ​യ ലം​ഘ​ന​മാ​ണ്. ഇ​ത്ത​രം ന​ട​പ​ടി​ക​ളെ ഒ​രു​ത​ര​ത്തി​ലും അം​ഗീ​ക​രി​ക്കാ​നാ​വി​ല്ല.

ഇ​റാ​​ന്റെ ആ​ണ​വ പ​ദ്ധ​തി​യി​ൽ സു​സ്ഥി​ര​മാ​യ ഒ​രു ക​രാ​റി​ലെ​ത്താ​നു​ള്ള ഏ​ക മാ​ർ​ഗ​മെ​ന്ന നി​ല​യി​ൽ എ​ത്ര​യും വേ​ഗം ച​ർ​ച്ച​ക​ൾ പു​ന​രാ​രം​ഭി​ക്ക​ണ​മെ​ന്ന് വി​ദേ​ശ​കാ​ര്യ മ​ന്ത്രി​മാ​ർ ഏ​ക​സ്വ​ര​ത്തി​ൽ ആ​വ​ശ്യ​പ്പെ​ട്ടു. അ​ന്താ​രാ​ഷ്​​ട്ര നി​യ​മ​ങ്ങ​ൾ​ക്ക​നു​സൃ​ത​മാ​യി രാ​ജ്യാ​ന്ത​ര ജ​ല​പാ​ത​ക​ളി​ലെ ക​പ്പ​ൽ ഗ​താ​ഗ​ത സ്വാ​ത​ന്ത്ര്യം സം​ര​ക്ഷി​ക്ക​പ്പെ​ട​ണം. സ​മു​ദ്ര സു​ര​ക്ഷ​ക്ക്​ ഭീ​ഷ​ണി​യാ​കു​ന്ന ഏ​തൊ​ന്നി​നെ​യും ത​ട​യ​ണം. പ്ര​തി​സ​ന്ധി​ക​ൾ പ​രി​ഹ​രി​ക്കാ​നു​ള്ള ഏ​ക മാ​ർ​ഗം ന​യ​ത​ന്ത്ര പ​രി​ഹാ​ര​ങ്ങ​ളും സം​ഭാ​ഷ​ണ​ങ്ങ​ളു​മാ​ണ്. സൈ​നി​ക ന​ട​പ​ടി​ക​ൾ പ്ര​തി​സ​ന്ധി പ​രി​ഹ​രി​ക്കു​ന്ന​തി​ന് സ​ഹാ​യ​ക​മാ​കി​ല്ലെ​ന്നും വി​ദേ​ശ​കാ​ര്യ മ​ന്ത്രി​മാ​ർ അ​ഭി​പ്രാ​യ​പ്പെ​ട്ടു.