നിരോധനം നീങ്ങി; സൗദി വനിതകൾ വാഹനവുമായി ഇറങ്ങി

ജിദ്ദ: ഒടുവിൽ ആ ദിവസം എത്തി. ജൂൺ 24 ​​​​െൻറ ആദ്യ മിനിറ്റുകളിൽ അർധരാത്രിയിൽ സൗദിയിലെ നിരത്തുകൾ പൊടുന്നനെ ശബ്​ദമുഖരിതമായി. വൻ നഗരങ്ങളിലെ റോഡുകളിൽ വലിയ ആഘോഷത്തോടെ വനിതകൾ വാഹനവുമായി ഇറങ്ങി. ട്രാഫിക്​ പൊലീസും മറ്റ്​ സർക്കാർ സംവിധാനങ്ങളും വഴി നീളെ അവർക്ക്​ ആശംസകളുമായി നിരന്നു. വനിതകൾ ഒാടിച്ചുവരുന്ന ഒാരോ വാഹനവും നിർത്തിച്ച്​ മംഗളാശംസകൾ നേരുകയും പൂച്ചെണ്ടുകൾ കൈമാറുകയും ചെയ്​തു. വനിതകളുടെ ഡ്രൈവിങ്ങിന്​ ദശകങ്ങൾ തുടർന്ന നിരോധനം അങ്ങനെ സൗദി അറേബ്യയിൽ പഴങ്കഥയായി. 

സൽമാൻ രാജാവി​​​​െൻറയും കിരീടാവകാശി അമീർ മുഹമ്മദ്​ ബിൻ സൽമാ​​​​െൻറയും ആധുനികവത്​കരണ നയങ്ങളിൽ സുപ്രധാനമായിരുന്നു വനിതകളുടെ ഡ്രൈവിങ്ങിനുള്ള നിയന്ത്രണം ഒഴിവാക്കുകയെന്നത്​. മഹത്തായ നേട്ടമാണിതെന്ന്​ രാജകുടുംബാംഗവും ശതകോടീശ്വരനുമായ അമീർ വലീദ്​ ബിൻ തലാൽ പ്രതികരിച്ചു. മകൾ റീം ഒാടിക്കുന്ന കാറിൽ പേരക്കുട്ടികൾക്കൊപ്പം റിയാദ്​ നഗരത്തിൽ യാത്ര ചെയ്യുന്ന വീഡിയോയും അദ്ദേഹം ട്വിറ്ററിൽ പങ്കുവെച്ചു.

അരലക്ഷത്തിലേറെ വനിതകൾ ഇതുവരെ ഡ്രൈവിങ്​ ലൈസൻസ്​ സമ്പാദിച്ചുകഴിഞ്ഞതായാണ്​ വിവരം. 2020 ഒാടെ 30 ലക്ഷം വനിതകൾ വാഹനമോടിക്കുമെന്ന്​ സർവേ ഏജൻസികൾ പ്രവചിക്കുന്നു. വനിതകൾ വാഹനമോടിച്ച്​ തുടങ്ങ​ുന്നതോടെ ഹൗസ്​ ​ൈ​ഡ്രവർമാരുടെ തൊഴിൽ സാധ്യതകളും കുറയും. മലയാളികൾ ഉൾപ്പെടെ ലക്ഷക്കണക്കിന്​ വിദേശികളാണ്​ സൗദി കുടുംബങ്ങളിൽ ഹൗസ്​ ഡ്രൈവർമാരായി ജോലി ചെയ്യുന്നത്​. വിവിധ തൊഴിൽ മേഖലകളിലെ സ്വദേശിവത്​കരണത്താൽ പ്രതിസന്ധിയിലായ പ്രവാസരംഗത്തെ ഇതെങ്ങനെ ബാധിക്കുമെന്നത്​ വരും മാസങ്ങളിൽ കണ്ടറിയാം. 

നിലവിൽ 90 ലക്ഷം വനിതകളാണ്​ സൗദിയിൽ ലൈസൻസ്​ ലഭിക്കാവുന്ന പ്രായപരിധിക്കുള്ളിലുള്ളത്​. 60 ലക്ഷവും ലൈസൻസിനായി ഇപ്പോഴല്ലെങ്കിൽ അധികം വൈകാതെ തന്നെ അപേക്ഷിക്കുമെന്നും കരുത​പ്പെടുന്നു. വനിതകളെ ഡ്രൈവ്​ ചെയ്യാൻ അനുവദിക്കുന്നതുവഴി രാജ്യത്തി​​​​െൻറ ധനകാര്യ മേഖലയിൽ 2030 ഒാടെ 90 ശതകോടി ഡോളറി​​​​െൻറ അധിക വരവ്​ ഉണ്ടാകുമെന്ന്​ ബ്ലൂംബർഗ്​ പ്രവചിക്കുന്നു.

ഇൗ തീരുമാനം തങ്ങളുടെ ജീവിതം മാറ്റിമറിക്കുമെന്ന്​ ബഹുഭൂരിപക്ഷം വനിതകളു​ം ചിന്തിക്കു​ന്നതായി ഇതുസംബന്ധിച്ച്​ നടത്തിയ സർവേകൾ സൂചിപ്പിക്കുന്നു. ബജറ്റ്​ മോഡലുകൾ തന്നെയാണ്​ സൗദി വനിതകൾക്കും പ്രിയം. കാറിനായി 40,000 റിയാൽ വരെ ചെലവാക്കാൻ സന്നദ്ധരാണെന്ന്​ 44 ശതമാനവും പറയുന്നു. മീഡിയം സൈസ് സെഡാനുകൾക്കും ആവശ്യക്കാരുണ്ട്​. ടൊയോട്ട, ബി.എം.ഡബ്ല്യു, ജീപ്പ്​ ബ്രാൻഡുകളാണ്​ ഇഷ്​ട ബ്രാൻഡുകൾ. 29 ശതമാനം പേരുടെയും ഇഷ്​ട നിറം കറുപ്പാണ്​.