സൗ​ദി ക്രി​ക്ക​റ്റി​​ന്റെ ക്രീ​സി​ൽ മ​ല​യാ​ളി അ​ഫാ​ൻ അ​ലി​യും

ദ​മ്മാം: സൗ​ദി ക്രി​ക്ക​റ്റി​ന്റെ ക്രീ​സി​ൽ പ​ന്ത​ടി​ച്ചു​കൂ​ട്ടാ​ൻ മ​ല​യാ​ളി​യാ​യ കൗ​മാ​ര​ക്കാ​ര​നും. സൗ​ദി അ​ണ്ട​ർ 16 ദേ​ശീ​യ ടീ​മി​ൽ ഇ​ടം​പി​ടി​ച്ച്​ മ​ല​പ്പു​റ​ത്തു​കാ​ര​നാ​യ അ​ഫാ​ൻ അ​ലി.​ ബാ​റ്റി​ങ്ങി​ലും ബൗ​ളി​ങ്ങി​ലും ഒ​​രു​പോ​ലെ മി​ടു​ക്ക​നാ​യ അ​ഫാ​ൻ അ​ലി ദ​മ്മാ​മി​ൽ പ്ര​വാ​സി ബി​സി​ന​സു​കാ​ര​നാ​യ മ​ല​പ്പു​റം മ​ങ്ങാ​ട്ടു​കു​ളം കോ​ഡൂ​ർ സ്വ​ദേ​ശി സു​ലൈ​മാ​​ന്റെ​യും അ​സ്മ​യു​ടെ​യും മൂ​ത്ത മ​ക​നാ​ണ്.

ആ​ഴ്ച​ക​ൾ​ക്ക് മു​മ്പാ​ണ്​ ടീ​മി​ലേ​ക്കു​ള്ള തെ​ര​ഞ്ഞെ​ടു​പ്പ്​ ദ​മ്മാ​മി​ൽ ന​ട​ന്ന​ത്. ഒ​പ്പം മ​ത്സ​രി​ച്ച 45 പേ​രെ പി​ന്ത​ള്ളി​യാ​ണ്​ ഈ ​പ​തി​ന​ഞ്ചു​കാ​ര​ൻ അ​പൂ​ർ​വ നേ​ട്ടം സ്വ​ന്ത​മാ​ക്കി​യ​ത്. ക്രി​ക്ക​റ്റ് ക​ളി​ക്കാ​ര​നും സം​ഘാ​ട​ക​നു​മാ​യ പി​താ​വ് സം​ഘ​ടി​പ്പി​ച്ച ക്രി​ക്ക​റ്റ് പ​രി​ശീ​ല​ന ക്യാ​മ്പി​ൽ ശി​വ എ​ന്ന മി​ക​ച്ച പ​രി​ശീ​ല​ക​​ന്റെ ശി​ക്ഷ​ണ​ത്തി​ൽ വ​ള​ർ​ന്ന അ​ഫ്ഫാ​ൻ ബാ​റ്റി​ങ്ങി​ലും ബൗ​ളി​ങ്ങി​ലും ഒ​രു​പോ​ലെ നേ​ട്ട​ങ്ങ​ൾ സ്വ​ന്ത​മാ​ക്കി​യി​ട്ടു​ണ്ട്.

ബൗ​ളി​ങ്ങി​ൽ ​ലെ​ഫ്റ്റ് ഹാ​ൻ​ഡ് സ്പി​ന്ന​റാ​ണ്. നി​ര​വ​ധി പ്രാ​ദേ​ശി​ക മ​ത്സ​ര​ങ്ങ​ളി​ൽ അ​സൂ​യ​ർ​ഹ​മാ​യ വി​ക്ക​റ്റു​ക​ൾ സ്വ​ന്തം പേ​രി​ലാ​ക്കി​യി​ട്ടു​ണ്ട്. അ​തേ​സ​മ​യം റൈ​റ്റ് ഹാ​ൻ​ഡ് ബാ​റ്റ​റാ​ണെ​ന്ന വി​സ്​​മ​യ​ക​ര​മാ​യ പ്ര​ത്യേ​ക​ത​യു​മു​ണ്ട്.​ ദ​മ്മാം ഇ​ന്റ​ർ​നാ​ഷ​ന​ൽ 10ാം ക്ലാ​സ്​ വി​ദ്യാ​ർ​ഥി​യാ​യ അ​ഫ്ഫാ​​ന്റെ നേ​ട്ടം ദ​മ്മാ​മി​ലെ ഗൂ​ക്കാ ക്രി​ക്ക​റ്റ് അ​ക്കാ​ദ​മി​യു​ടേ​ത്​ കൂ​ടി​യാ​ണ്. ഈ ​അ​ക്കാ​ദ​മി​യി​ലെ പ​രി​ശീ​ല​ക​നും ത​മി​ഴ്നാ​ട് സ്​​റ്റേ​റ്റ്​ ടീം ​മു​ൻ ക​ളി​ക്കാ​ര​നു​മാ​യി​രു​ന്ന ശി​വ​യാ​ണ് അ​ഫാ​ന്​ പ​രി​ശീ​ല​നം ന​ൽ​കി​യ​ത്. അ​ദ്ദേ​ഹ​ത്തി​ന്റെ​ ക​ണി​ശ​ത​യു​ള്ള പ​രി​ശീ​ല​നം നി​ര​വ​ധി വി​ദ്യാ​ർ​ഥി​ക​ളെ ക്രി​ക്ക​റ്റി​ൽ തി​ള​ങ്ങാ​ൻ പ്രാ​പ്ത​മാ​ക്കി​യി​ട്ടു​ണ്ട്. സ്വ​ദേ​ശി കു​ട്ടി​ക​ളെ ഉ​ൾ​പ്പ​ടെ ഗൂ​ക്ക അ​ക്കാ​ദ​മി പ​രി​ശീ​ലി​പ്പി​ക്കു​ന്നു​ണ്ട്.

സൗ​ദി സ്​​പോ​ർ​ട്സ് അ​തോ​റി​റ്റി ക്രി​ക്ക​റ്റ് ക​ളി​യെ പ​രി​ഗ​ണി​ച്ചു തു​ട​ങ്ങി​യ​ത് അ​ടു​ത്ത​കാ​ല​ത്താ​ണ്. സൗ​ദി ക്രി​ക്ക​റ്റ് അ​ക്കാ​ദ​മി മി​ക​ച്ച ക​ളി​ക്കാ​രെ ക​ണ്ടെ​ത്താ​ൻ സം​ഘ​ടി​പ്പി​ച്ച ​മ​ത്സ​ര​ത്തി​ൽ നൂ​റി​ല​ധി​കം കു​ട്ടി​ക​ളും യു​വാ​ക്ക​ളും പ​​ങ്കെ​ടു​ത്തി​രു​ന്നു. അ​തി​ൽ​നി​ന്ന് 45 പേ​രെ തെ​ര​ഞ്ഞെ​ടു​ത്ത് ന​ട​ത്തി​യ മ​ത്സ​ര​മാ​ണ്​​ അ​ഫാ​നി​ലെ​ത്തി​യ​ത്. ക​ഴി​ഞ്ഞ​യാ​ഴ്ച ഖ​ത്ത​റി​ൽ ന​ട​ന്ന എ.​സി.​സി അ​ണ്ട​ർ 16 വെ​സ്​​റ്റ്​ സോ​ൺ ക​പ്പ് ക്രി​ക്ക​റ്റ് ടൂ​ർ​ണ​മെ​ന്റി​ൽ അ​ഫാ​ൻ ആ​ദ്യ​മാ​യി സൗ​ദി ജ​ഴ്സി അ​ണി​ഞ്ഞു. ആ​ദ്യ മ​ത്സ​ര​ത്തി​ൽ ത​ന്നെ ശ്ര​ദ്ധി​ക്ക​പ്പെ​ട്ടു.

കു​ട്ടി​ക്കാ​ല​ത്ത്​ ത​ന്നെ ക്രി​ക്ക​റ്റി​ലേ​ക്ക്​ ശ്ര​ദ്ധ​തി​രി​ച്ച പി​താ​വ് സു​ലൈ​മാ​നും ക​ളി​ത​ന്ത്ര​ങ്ങ​ൾ പ​റ​ഞ്ഞ് ത​ന്ന ശി​വ അ​ങ്കി​ളു​മാ​ണ് ഈ ​നേ​ട്ട​ത്തി​​ന്റെ യ​ഥാ​ർ​ഥ അ​വ​കാ​ശി​ക​ളെ​ന്ന് അ​ഫാ​ൻ ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. ഐ.​പി.​എ​ൽ മാ​തൃ​ക​യി​ൽ ദ​മ്മാ​മി​ൽ പ്രീ​മി​യ​ർ ലീ​ഗ് ന​ട​ത്തി​വ​രു​ന്ന ന​ജ്മു​സ​മാ​​ന്റെ നേ​തൃ​ത്വ​ത്തി​ലു​ള്ള മ​ല​പ്പു​റം പ്ര​വാ​സി​ക​ളു​ടെ പി​ന്തു​ണ​യും എ​ടു​ത്തു​പ​റ​യേ​ണ്ട​താ​ണെ​ന്നും അ​ഫാ​ൻ പ​റ​ഞ്ഞു. വ്യ​ത്യ​സ്​​ത രാ​ജ്യ​ങ്ങ​ളി​ൽ​നി​ന്നു​ള്ള​വ​രാ​ണ്​ ഇ​പ്പോ​ൾ സൗ​ദി ടീ​മി​ലു​ള്ള​ത്. എ​ന്നാ​ൽ വൈ​കാ​തെ കൂ​ടു​ത​ൽ സ്വ​ദേ​ശി ക​ളി​ക്കാ​ർ അ​തി​ലേ​ക്ക്​ വ​രും. ക്രി​ക്ക​റ്റി​നോ​ട്​ സൗ​ദി കു​ട്ടി​ക​ളി​ൽ താ​ൽ​പ​ര്യം വ​ർ​ധി​ച്ചി​ട്ടു​ണ്ടെ​ന്നും അ​ഫാ​ൻ പ​റ​ഞ്ഞു. സൗ​ദി സ്​​പോ​ർ​ട്സ് അ​തോ​റി​റ്റി​യു​ടെ കീ​ഴി​ലു​ള്ള ക്രി​ക്ക​റ്റ് അ​ക്കാ​ദ​മി​ക​ൾ മി​ക​ച്ച പ​രി​ശീ​ല​ന​മാ​ണ് ന​ൽ​കു​ന്ന​ത്. ആ​യി​ഷ ഫാ​ണി, അ​ർ​ഫാ​ൻ എ​ന്നി​വ​ർ അ​ഫാ​​ന്റെ സ​ഹോ​ദ​ര​ങ്ങ​ളാ​ണ്.