പട്ടാമ്പി സ്വദേശി ജിദ്ദയിൽ നിര്യാതനായി

ജിദ്ദ: പാലക്കാട് പട്ടാമ്പി വിളയൂർ കുപൂത്ത് സ്വദേശി ഒ.ടി. കമാൽ (62) ജിദ്ദയിൽ നിര്യാതനായി. ജിദ്ദ ഫൈസലിയയിൽ ജോലി ചെയ്തുവരികയായിരുന്നു.

അസുഖബാധിതനായി ജിദ്ദ കിങ് ഫഹദ് ആശുപത്രിയിൽ ചികിത്സയിലിരിക്കെ ബുധനാഴ്ച രാവിലെയാണ് ഇദ്ദേഹത്തിന്റെ മരണം. 30 വർഷമായി പ്രവാസിയാണ്. മാതാവ്: ബീവിക്കുട്ടി. ഭാര്യ: ഖദീജ. മക്കൾ: കാമില, കഫീല, കാശിഫ്. മരുമക്കൾ: സൈതലവി, റഫീഖ്, റിസ്‌വാന.

മരണാനന്തര നടപടികൾ പൂർത്തിയാക്കി മൃതദേഹം ജിദ്ദയിൽ ഖബറടക്കും. നിയമ നടപടികൾ പൂർത്തിയാകുന്നതിനും മറ്റു സഹായങ്ങൾക്കും കെ.എം.സി.സി ജിദ്ദ വെൽഫയർ വിങ് പ്രവർത്തകർ രംഗത്തുണ്ട്.