വീരമൃത്യു വരിച്ചവരുടെ കുടുംബങ്ങൾക്ക് ‘പ്രൈഡ്​ കാർഡ്​’ വിതരണം ചെയ്​തു

ജിദ്ദ: രാജ്യത്തിന്​ വേണ്ടി വീരമൃത്യു വരിച്ചവരുടെ കുടുംബങ്ങൾക്ക്​ പ്രത്യേക ആനുകൂല്യങ്ങളടങ്ങിയ ‘പ്രൈഡ്​ കാർഡ്​’ എന്ന പേരിൽ കീർത്തി പത്രം നൽകി. മക്ക ഗവർണർ അമീർ ഖാലിദ്​ അൽഫൈസൽ കാർഡ്​ വിതരണം ഉദ്​ഘാടനം ചെയ്​തു. രാജ്യത്തിനും മതത്തിനും വേണ്ടി ജീവിതം ബലിയർപ്പിച്ചതിന്​​​ എന്ത്​ പകരം നൽകിയാലും തുല്യമാകില്ലെന്ന്​ ഗവർണർ പറഞ്ഞു. വീരമൃത്യു വരിച്ചവർ രാജ്യത്തിനും നമുക്കും ​ഒന്നടങ്കം വലിയ അഭിമാനമാണെന്നും അദ്ദേഹം കൂട്ടിച്ചേർത്തു. ഡെപ്യുട്ടി ഗവർണറും ചടങ്ങിൽ പ​െങ്കടുത്തു. വീരമൃത്യു വരിച്ചവർക്കായി പ്രവർത്തിക്കുന്ന സൊസൈറ്റിയാണ്​ പ്രൈഡ്​ കാർഡ്​ പുറത്തിറക്കിയത്​. ആരോഗ്യ, വിദ്യാഭ്യാസ, യാത്ര, ഇൻഷ്യൂറൻസ്, ഹോട്ടൾ, ലോഡ്​ജ്​, ഭക്ഷണശാല മേഖലകളിൽ പ്രത്യേക ആനുകുല്യങ്ങളും വിലക്കിഴിവും ഇൗ കാർഡ്​ വഴി ലഭിക്കും.