സൗദിയിലെ വാഹനാപകടം: അഞ്ചുപേരുടെയും മൃതദേഹം നാട്ടിൽ കൊണ്ടുപോകും

ദമ്മാം: ശനിയാഴ്ച പുലർച്ചെ റിയാദ് - ജീസാൻ റോഡിലെ അൽറൈനിലുണ്ടായ വാഹനാപകടത്തിൽ മരിച്ച അഞ്ചുപേരുടെയും മൃതദേഹം നാട്ടിലേക്ക്​ കൊണ്ടുപോകുമെന്ന്​ ബന്ധുക്കൾ അറിയിച്ചു. കോഴിക്കോട് ബേപ്പൂർ സ്വദേശി പാണ്ടികശാലക്കണ്ടി വീട്ടിൽ മുഹമ്മദ് ജാബിർ (45), ഭാര്യ കോഴിക്കോട്​ കാരപ്പറമ്പ്​ ഇസ്​മാഈലി​െൻറ മകൾ ഷബ്ന ജാബിർ (36), മക്കളായ ലുത്ഫി മുഹമ്മദ് ജാബിർ (12), സഹ ജാബിർ (6), ലൈബ മുഹമ്മദ് ജാബിർ (8) എന്നിവരുടെ മൃതദേഹങ്ങളാണ്​ നാട്ടിലെത്തിക്കുക.

പൊലീസ്​ നടപടിക്രമങ്ങൾ പൂർത്തീകരിച്ച്​ ഞായറാഴ്​ച രാത്രിയോടെ അൽറൈനിൽനിന്ന്​ മൃതദേഹങ്ങൾ റിയാദ്​ ശു​ൈമസി ആശുപത്രി മോർച്ചറിയിലേക്ക്​ മാറ്റി. തിങ്കളാഴ്​ച പുലർച്ചെ മരണ​ സർട്ടിഫിക്കറ്റ്​ കിട്ടുമെന്നും ൈവകുന്നേരത്തോടെ മൃതദേഹങ്ങൾ നാട്ടിലയക്കാൻ സാധിക്കുമെന്നാണ്​ പ്രതീക്ഷിക്കുന്നതെന്നും റിയാദിലെ സാമൂഹിക പ്രവർത്തകൻ സിദ്ദീഖ്​ തുവ്വൂർ അറിയിച്ചു.

അപകട വിവരമറിഞ്ഞ്​ സഹോദരൻ അൻവർ ഉൾപ്പടെ ബന്ധുക്കളും സുഹൃത്തുക്കളും ശനിയാഴ്​ച ​ൈവകുന്നേരത്തോടെ അൽറൈൻ ആശുപത്രിയിൽ എത്തിയിരുന്നു. വെള്ളിയാഴ്​ച പുലർ​െച്ച ജു​ൈബലിൽനിന്ന്​ പുറപ്പെട്ട കുടുംബം ഉച്ചയോടെ അപകടത്തിൽ പെ​െട്ടങ്കിലും ശനിയാഴ്​ച പകൽ മാത്രമാണ്​ മരണവിവരം പുറംലോകം അറിയുന്നത്​. റിയാദിൽ നിന്ന്​ ബീഷ വഴി ജിസാനിലേക്കുള്ള ഒറ്റവരിപ്പാതയിലാണ്​ അപകടമുണ്ടായത്​.

എതിർവശത്ത്​ നിന്ന്​ അതിവേഗം വന്ന ലാൻഡ്​​ ക്രൂയിസർ കാർ മുഹമ്മദ്​ ജാബിറും കുടുംബവും സഞ്ചരിച്ച ടയോട്ട കൊറോള കാറുമായി കൂട്ടിയിടിക്കുകയായിരുന്നു. ഇടിയുടെ ആഘാതത്താൽ പലതവണ മറിഞ്ഞ കാർ നിശ്ശേഷം തകർന്നുപോയി. കാർ വെട്ടി​െപ്പാളിച്ചാണ്​ മൃതദേഹങ്ങൾ പുറത്തെടുത്തത്​.

ഒന്നിന്​ പുറകെ ഒന്നായി അഞ്ച്​ മൃതദേഹങ്ങൾ അൽറൈൻ ആശുപ​ത്രിയിൽ എത്തിയെങ്കിലും മലയാളികളാ​െണന്ന്​ ബോധ്യപ്പെട്ടതോടെ ഇവരെക്കുറിച്ചുള്ള അന്വേഷണങ്ങൾ ആശുപത്രിയിലെ നഴ്​സുമാർ നഴ്​സിങ്​​ അസോസിയേഷ​െൻറ ഗ്രൂപ്പിൽ പുറത്തുവിടുകയായിരുന്നു. ഇവിടെനിന്നും വിവിധ ഗ്രൂപ്പുകളിലേക്ക്​ സന്ദേശങ്ങൾ എത്തി.

ജു​ൈബലിൽനിന്ന്​ പുറപ്പെട്ട കുടുംബമാണ്​ ഇത്​ എന്നറിഞ്ഞതോടെ ഇൗ ദാരുണാന്ത്യത്തി​െൻറ വാർത്ത പ്രവാസികൾക്കിടയിൽ കാട്ടുതീപോലെ പടർന്നു. മാതാപിതാക്കളും മൂന്ന്​ കുഞ്ഞുങ്ങളും അടങ്ങുന്ന കുടുംബത്തി​െൻറ ചിത്രം ഏവരിലും നൊമ്പരം പടർത്തുന്നതായിരുന്നു.

ഒരു മാസം മുമ്പാണ്​ ജാബിറി​െൻറ കുടുംബം നാട്ടിൽനിന്ന്​ തിരികെയെത്തിയത്​. ക​ഴിഞ്ഞ ദിവസം 'ഗൾഫ്​ മാധ്യമം' പ്രസിദ്ധീകരിച്ച ഫോ​േട്ടായിൽ നിന്നാണ്​ കൂടതൽ പേർ ഇൗ കുടുംബത്തെ തിരിച്ചറിഞ്ഞത്​. ഒരു മാസം മുമ്പ്​ വീട്ടിൽനിന്ന്​ യാത്ര പറഞ്ഞുപോയ കുഞ്ഞുമക്കളുടെ മുഖം അവസാനമായി ഒരുവട്ടമെങ്കിലും കാണണമെന്ന ജാബിറി​േൻറയും ഷബ്​നയുടേയും മാതാപിതാക്കളുടെ ആഗ്രഹമാണ്​ മൃതദേഹങ്ങൾ നാട്ടിൽ കൊണ്ടുപോകാനുള്ള തീരുമാനത്തിലെത്തിച്ചത്​. പ്രവാസിയായിരുന്ന പിതാവ്​ ആലിക്കോയയുടെ പിൻഗാമിയായാണ്​​ എം.ബി.എ ബിരുദ ധാരിയായ ജാബിർ 17 വർഷം മുമ്പ്​ സൗദിയിൽ എത്തിയത്​.