സൗ​ദി മീ​ഡി​യ ഫോ​റം അ​ന്താ​രാ​ഷ്​​ട്ര സ​മ്മേ​ള​നം ഫെ​ബ്രു​വ​രി​യി​ൽ

റി​യാ​ദ്​: സൗ​ദി മീ​ഡി​യ ഫോ​റ​ത്തി​​ന്‍റെ അ​ടു​ത്ത അ​ന്താ​രാ​ഷ്​​ട്ര സ​മ്മേ​ള​നം 2026 ഫെ​ബ്രു​വ​രി ര​ണ്ട്​ മു​ത​ൽ നാ​ലു​​വ​രെ റി​യാ​ദി​ൽ ന​ട​ക്കും. 250 പ്രാ​ദേ​ശി​ക, അ​ന്ത​ർ​ദേ​ശീ​യ സ്ഥാ​പ​ന​ങ്ങ​ൾ പ​ങ്കെ​ടു​ക്കും. കൂ​ടാ​തെ മാ​ധ്യ​മ മേ​ഖ​ല​യി​ൽ​നി​ന്നു​ള്ള നി​ർ​ണാ​യ​ക തീ​രു​മാ​ന​മെ​ടു​ക്കാ​ൻ അ​ധി​കാ​ര​മു​ള്ള​വ​രും സാ​ങ്കേ​തി​ക​വി​ദ്യ, ന​വീ​ക​ര​ണ ക​മ്പ​നി​ക​ളു​ടെ പ്ര​തി​നി​ധി​ക​ളും വി​ശി​ഷ്​​ട സാ​ന്നി​ധ്യ​വു​മു​ണ്ടാ​കും. മു​ൻ പ​തി​പ്പു​ക​ളു​ടെ ശ്ര​ദ്ധേ​യ​മാ​യ വി​ജ​യ​ങ്ങ​ളെ അ​ടി​സ്ഥാ​ന​മാ​ക്കി മാ​ധ്യ​മ​ങ്ങ​ളു​ടെ​യും ഡി​ജി​റ്റ​ൽ പ​രി​വ​ർ​ത്ത​ന​ത്തി​​ന്‍റെ ഭാ​വി പ്ര​വ​ചി​ക്കു​ന്ന​തി​നു​ള്ള ഒ​രു നി​ർ​ണാ​യ​ക അ​ന്താ​രാ​ഷ്​​ട്ര വേ​ദി എ​ന്ന നി​ല​യി​ൽ സൗ​ദി​യു​ടെ സ്ഥാ​നം ഈ ​ഫോ​റം ഉ​ൾ​ക്കൊ​ള്ളു​ന്നു.

മാ​ധ്യ​മ മേ​ഖ​ല​ക്ക്​ ല​ഭി​ച്ച വ​ലി​യ പി​ന്തു​ണ​ക്ക്​ മാ​ധ്യ​മ മ​ന്ത്രി സ​ൽ​മാ​ൻ ബി​ൻ യൂ​സ​ഫ് അ​ൽ​ദോ​സാ​രി സ​ൽ​മാ​ൻ രാ​ജാ​വി​നും കി​രീ​ടാ​വ​കാ​ശി​ക്കും ന​ന്ദി​യും ക​ട​പ്പാ​ടും അ​റി​യി​ച്ചു. മാ​ധ്യ​മ മേ​ഖ​ല​യു​ടെ പ്ര​ക​ട​നം മെ​ച്ച​പ്പെ​ടു​ത്തു​ന്ന​തി​നും അ​തി​ന്‍റെ സ്വാ​ധീ​നം വി​ക​സി​പ്പി​ക്കു​ന്ന​തി​നും സൗ​ദി ഭ​ര​ണ​കൂ​ടം ഗു​ണ​പ​ര​മാ​യ പ്രോ​ത്സാ​ഹ​ന​മാ​ണ്​ ന​ൽ​കു​ന്ന​തെ​ന്ന് മ​ന്ത്രി പ​റ​ഞ്ഞു. ഇ​ത്​ ‘വി​ഷ​ൻ 2030’​െൻ​റ ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​ന് സം​ഭാ​വ​ന ന​ൽ​കു​ന്നു.ലോ​ക​മെ​മ്പാ​ടു​മു​ള്ള വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള മാ​ധ്യ​മ മേ​ഖ​ല​യി​ലെ വൈ​ദ​ഗ്ധ്യം പ​ങ്കു​വെ​ക്കു​ന്ന​തി​നും സം​വാ​ദ​ത്തി​നു​മു​ള്ള ഒ​രു ആ​ഗോ​ള വേ​ദി​യാ​യാ​ണ് അ​ടു​ത്ത പ​തി​പ്പ് ഒ​രു​ക്കു​ക​യെ​ന്ന്​ മ​ന്ത്രി സൂ​ചി​പ്പി​ച്ചു. സ​മ​കാ​ലി​ക മാ​ധ്യ​മ​ങ്ങ​ൾ സാ​ക്ഷ്യം​വ​ഹി​ക്കു​ന്ന പ്ര​ധാ​ന പ​രി​വ​ർ​ത്ത​ന​ങ്ങ​ളെ​ക്കു​റി​ച്ച് ച​ർ​ച്ച ചെ​യ്യും.

‘മാ​റു​ന്ന ലോ​ക​ത്തി​ലെ മാ​ധ്യ​മ​ങ്ങ​ൾ’ ഈ ​മേ​ഖ​ല​യി​ൽ സം​ഭ​വി​ക്കു​ന്ന ആ​ഴ​ത്തി​ലു​ള്ള മാ​റ്റ​ങ്ങ​ളെ പ്ര​തി​ഫ​ലി​പ്പി​ക്കു​ന്നു. ആ​ധു​നി​ക സാ​ങ്കേ​തി​ക​വി​ദ്യ​ക​ൾ ഉ​ള്ള​ട​ക്ക സൃ​ഷ്​​ടി​യു​മാ​യി ഒ​ത്തു​ചേ​രു​മ്പോ​ൾ ഇ​ത് മാ​ധ്യ​മ പ്ര​വ​ർ​ത്ത​ക​ർ​ക്കും മാ​ധ്യ​മ സ്ഥാ​പ​ന​ങ്ങ​ൾ​ക്കും പു​തി​യ വെ​ല്ലു​വി​ളി​ക​ളും അ​വ​സ​ര​ങ്ങ​ളും ഉ​യ​ർ​ത്തു​ന്നു. ഈ ​ഘ​ട്ട​വു​മാ​യി പൊ​രു​ത്ത​പ്പെ​ടു​ന്ന​തും മാ​ധ്യ​മ​ങ്ങ​ളു​ടെ സ്വാ​ധീ​ന​ത്തി​ന്‍റെ​യും സു​സ്ഥി​ര​ത​യു​ടെ​യും വ​ർ​ധ​ന​വ് ഉ​റ​പ്പാ​ക്കു​ന്ന​തു​മാ​യ നൂ​ത​ന ത​ന്ത്ര​ങ്ങ​ളു​ടെ വി​ക​സ​നം ആ​വ​ശ്യ​മാ​ണെ​ന്നും മ​ന്ത്രി ചൂ​ണ്ടി​ക്കാ​ട്ടി.ഉ​ള്ള​ട​ക്ക സൃ​ഷ്​​ടി​യി​ൽ ജ​ന​റേ​റ്റീ​വ് ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സി​ന്‍റെ​യും വി​പു​ലീ​കൃ​ത യാ​ഥാ​ർ​ഥ്യ​ത്തി​​ന്‍റെ​യും പ്ര​യോ​ഗ​ങ്ങ​ൾ പ​ര്യ​വേ​ക്ഷ​ണം ചെ​യ്യു​ന്ന​തി​ലും മാ​ധ്യ​മ ഉ​ൽ​പാ​ദ​ന​ത്തി​​ന്‍റെ ഗു​ണ​നി​ല​വാ​രം വ​ർ​ധി​പ്പി​ക്കു​ന്ന​തി​ലും ത്വ​രി​ത​ഗ​തി​യി​ലു​ള്ള ആ​ഗോ​ള ഡി​ജി​റ്റ​ൽ പ​രി​വ​ർ​ത്ത​ന​ങ്ങ​ൾ​ക്കൊ​പ്പം മു​ന്നേ​റു​ന്ന​തി​ലും ഫോ​റം പ്ര​ത്യേ​കം ശ്ര​ദ്ധ കേ​ന്ദ്രീ​ക​രി​ക്കു​മെ​ന്ന് സൗ​ദി മീ​ഡി​യ ഫോ​റം ചെ​യ​ർ​മാ​നും സൗ​ദി ബ്രോ​ഡ്കാ​സ്​​റ്റി​ങ്​ അ​തോ​റി​റ്റി സി.​ഇ.​ഒ​യു​മാ​യ മു​ഹ​മ്മ​ദ് അ​ൽ​ഹാ​രി​തി പ​റ​ഞ്ഞു.

പ്ര​ക്ഷേ​പ​ണം, ഉ​ൽപാ​ദ​നം, വി​ത​ര​ണം എ​ന്നി​വ​യി​ലെ ഏ​റ്റ​വും പു​തി​യ സാ​ങ്കേ​തി​ക പ​രി​ഹാ​ര​ങ്ങ​ൾ പ്ര​ദ​ർ​ശി​പ്പി​ക്കു​ന്ന ഇ​ന്നൊ​വേ​ഷ​ൻ സോ​ണി​ന് പു​റ​മേ 100 പ്ര​ത്യേ​ക സെ​ഷ​നു​ക​ളും വ​ർ​ക്ക്‌​ഷോ​പ്പു​ക​ളും ഫോ​റ​ത്തി​ൽ ഉ​ണ്ടാ​യി​രി​ക്കും. സൗ​ദി പ്ര​തി​ഭ​ക​ളെ പി​ന്തു​ണ​ക്കു​ന്ന​തി​നും അ​ന്താ​രാ​ഷ്​​ട്ര മാ​ധ്യ​മ സ​ഹ​ക​ര​ണ​ത്തി​ന് വി​ശാ​ല​മാ​യ ച​ക്ര​വാ​ള​ങ്ങ​ൾ തു​റ​ക്കു​ന്ന​തി​നു​മാ​യി അ​ന്താ​രാ​ഷ്​​ട്ര ക​രാ​റു​ക​ളി​ൽ ഒ​പ്പു​വെ​ക്കു​മെ​ന്നും അ​ൽ​ഹാ​രി​തി പ​റ​ഞ്ഞു.