സൗ​ദി മ​ൾ​ട്ടി​പ്ൾ റീ​എ​ൻ​ട്രി വി​സി​റ്റ്​ വി​സ മ​ട​ങ്ങി​യെ​ത്തി; അ​വ്യ​ക്ത​ത ബാ​ക്കി

റി​യാ​ദ്​: മ​ൾ​ട്ടിപ്ൾ റീ​എ​ൻ​ട്രി വി​സി​റ്റ്​ വി​സ​ക്ക്​ അ​പേ​ക്ഷി​ക്കാ​നു​ള്ള ഓ​പ്​​ഷ​ൻ സൗ​ദി വി​ദേ​ശ​കാ​ര്യ​മ​ന്ത്രാ​ല​യ​ത്തി​​ന്റെ വി​സ പോ​ർ​ട്ട​ലി​ൽ മ​ട​ങ്ങി​യെ​ത്തി. ഇ​ക്ക​ഴി​ഞ്ഞ ജ​നു​വ​രി 31 മു​ത​ൽ ഇ​ന്ത്യ​യ​ട​ക്കം 14 രാ​ജ്യ​ങ്ങ​ളി​ൽ​നി​ന്നു​ള്ള​വ​ർ​ക്ക്​​​ ഒ​ഴി​വാ​ക്കി​യ സൗ​ക​ര്യ​മാ​ണ്​ ചൊ​വ്വാ​ഴ്​​ച പു​നഃ​സ്ഥാ​പി​ക്ക​പ്പെ​ട്ട​ത്. വി​സ​ക്ക്​ അ​പേ​ക്ഷി​ക്കാ​ൻ ക​ഴി​യു​ന്നു​ണ്ട്.

എ​ന്നാ​ൽ അ​ത​ത്​ രാ​ജ്യ​ങ്ങ​ളി​ലെ സൗ​ദി കോ​ൺ​സു​ലേ​റ്റു​ക​ളി​ൽ​നി​ന്ന്​ വി​സ സ്റ്റാ​മ്പ്​ ചെ​യ്​​തു​കി​ട്ടി​യാ​ലേ മ​ൾ​ട്ടിപ്ൾ റീ​എ​ൻ​ട്രി​യാ​ണോ സിം​ഗി​ൾ എ​ൻ​ട്രി​യാ​ണോ എ​ന്ന​റി​യാ​നാ​വൂ. മ​ൾ​ട്ടിപ്ൾ റീ​എ​ൻ​ട്രി ഓ​പ്​​ഷ​ൻ ഒ​ഴി​വാ​ക്കി സിം​ഗി​ൾ എ​ൻ​ട്രി വി​സ അ​പേ​ക്ഷ​ക​ൾ മാ​ത്രം സ്വീ​ക​രി​ച്ച ക​ഴി​ഞ്ഞ 18 ദി​വ​സ​ത്തി​നി​ട​യി​ൽ അ​തി​ന്റെ കാ​ര​ണ​മെ​ന്താ​ണെ​ന്ന്​ അ​ധി​കൃ​ത​ർ വെ​ളി​പ്പെ​ടു​ത്തി​യി​രു​ന്നി​ല്ല.

ഹ​ജ്ജി​ന്​ മു​ന്നോ​ടി​യാ​യു​ള്ള നി​യ​ന്ത്ര​ണ​ങ്ങ​ളു​ടെ ഭാ​ഗ​മാ​ണെ​ന്ന്​ പ്ര​ചാ​ര​ണ​മു​ണ്ടാ​യി​രു​ന്നെ​ങ്കി​ലും ഔ​ദ്യോ​ഗി​ക സ്ഥി​രീ​ക​ര​ണ​മു​ണ്ടാ​യി​ല്ല. ഓ​പ്​​ഷ​ൻ ഒ​ഴി​വാ​ക്കി​യ​തു​പോ​ലും ഔ​ദ്യോ​ഗി​ക​മാ​യി പ്ര​ഖ്യാ​പി​ക്ക​പ്പെ​ട്ടി​രു​ന്നി​ല്ല.

വി​സ​ക്ക്​ അ​പേ​ക്ഷി​ക്കാ​ൻ ശ്ര​മി​ച്ച​വ​രാ​ണ്​​ ഈ ​വി​വ​രം പു​റ​ത്ത​റി​യി​ച്ച​തും അ​വ​രെ ആ​ശ്ര​യി​ച്ച്​​ മാ​ധ്യ​മ​ങ്ങ​ൾ വാ​ർ​ത്ത​ക​ൾ ന​ൽ​കി​യ​തും. ഇ​പ്പോ​ൾ പു​നഃ​സ്ഥാ​പി​ക്ക​പ്പെ​ട്ട വി​വ​ര​വും അ​ങ്ങ​നെ​യാ​ണ്​ പു​റ​ത്ത​റി​ഞ്ഞ​ത്. ഇ​ന്ന​ലെ മു​ത​ൽ കി​ട്ടി​ത്തു​ട​ങ്ങി​യ വി​സ​ക​ൾ ഇ​നി വി.​എ​ഫ്.​എ​സ്​ വ​ഴി സൗ​ദി കോ​ൺ​സു​ലേ​റ്റി​ലെ​ത്തി സ്റ്റാ​മ്പി​ങ്​ ന​ട​പ​ടി​ക​ൾ പൂ​ർ​ത്തി​യാ​കു​ന്ന​തോ​ടെ കാ​ര്യ​ങ്ങ​ൾ വ്യ​ക്ത​മാ​കും.

സൗ​ദി​യി​ലേ​ക്ക്​ ഒ​രേ സ​ന്ദ​ർ​ശ​ന​വി​സ​യി​ൽ ഒ​ന്നി​ല​ധി​കം ത​വ​ണ വ​രാ​ൻ അ​നു​വ​ദി​ക്കു​ന്ന​താ​ണ്​ മ​ൾ​ട്ടിപ്ൾ എ​ന്‍ട്രി വി​സി​റ്റ് വി​സ. ഫാ​മി​ലി, ബി​സി​ന​സ്, വ്യ​ക്തി​ഗ​തം എ​ന്നി​ങ്ങ​നെ മൂ​ന്ന്​ വി​ഭാ​ഗം സ​ന്ദ​ര്‍ശ​ക​വി​സ​ക​ളാ​ണു​ള്ള​ത്. ഒ​റ്റ ത​വ​ണ വ​ന്ന്​ ഒ​രു മാ​സ​മോ പ​ര​മാ​വ​ധി മൂ​ന്നു​മാ​സം വ​രെ​യോ നി​ൽ​ക്കാ​ൻ അ​നു​വ​ദി​ക്കു​ന്ന​താ​ണ്​ സിം​ഗി​ൾ എ​​ൻ​ട്രി വി​സി​റ്റ്​ വി​സ. മ​ൾ​ട്ടി​പ്പി​ളാ​വു​മ്പോ​ൾ ഓ​രോ മൂ​ന്നു​മാ​സം കൂ​ടു​​മ്പോ​ഴും രാ​ജ്യ​ത്തി​ന്​ പു​റ​ത്തു​പോ​യി തി​രി​ച്ചെ​ത്തു​​മ്പോ​ൾ താ​നെ പു​തു​ക്ക​പ്പെ​ടും.

അ​ങ്ങ​നെ മൂ​ന്നു ത​വ​ണ ചെ​യ്​​ത്​ പ​ര​മാ​വ​ധി ഒ​രു വ​ർ​ഷം വ​രെ നി​ൽ​ക്കാ​നാ​വും. വി​സ പോ​ർ​ട്ട​ലി​ൽ 365 ദി​വ​സ​ത്തേ​ക്കു​ള്ള മ​ൾ​ട്ടിപ്ൾ റീ​എ​ൻ​ട്രി വി​സ എ​ന്ന ഓ​പ്​​ഷ​നാ​ണ്​​ സിം​ഗി​ൾ എ​ൻ​ട്രി വി​സ​ക്ക്​ പു​റ​മേ ഡ്രോ​പ്​ മെ​നു​വി​ലു​ള്ള​ത്. അ​താ​ണ്​ ഇ​ക്ക​ഴി​ഞ്ഞ ജ​നു​വ​രി 31 മു​ത​ൽ കാ​ണാ​താ​യ​തും ര​ണ്ടാ​ഴ്​​ച​ക്ക്​ ശേ​ഷം ഇ​പ്പോ​ൾ പു​നഃ​സ്ഥാ​പി​ക്ക​പ്പെ​ട്ട​തും.

പ്ര​വാ​സി തൊ​ഴി​ലാ​ളി​ക​ൾ​ക്കും അ​വ​രു​ടെ ആ​ശ്രി​ത വി​സ​യി​ലു​ള്ള​വ​ർ​ക്കും ഭാ​രി​ച്ച തു​ക ലെ​വി ചു​മ​ത്താ​ൻ തു​ട​ങ്ങി​യ​തോ​ടെ ഒ​​ട്ടേ​റെ വി​ദേ​ശ​കു​ടും​ബ​ങ്ങ​ൾ നാ​ട്ടി​ലേ​ക്ക്​ മ​ട​ങ്ങി​യി​രു​ന്നു. അ​തി​നു​ശേ​ഷം കു​ടും​ബ​ങ്ങ​ൾ​ക്കും ബി​സി​ന​സ്സു​കാ​ർ​ക്കും മ​റ്റാ​വ​ശ്യ​ങ്ങ​ൾ​ക്കും വ​രു​ന്ന​വ​ർ​ക്കു​മെ​ല്ലാം മ​ൾ​ട്ടി​പ്പ്ൾ എ​ൻ​ട്രി വി​സി​റ്റ്​ വി​സ സൗ​ക​ര്യ​പ്ര​ദ​മാ​യി.

നാ​ട്ടി​ലെ സ്​​കൂ​ൾ അ​വ​ധി​ക്കാ​ല​ത്താ​ണ്​ കൂ​ടു​ത​ലും കു​ടും​ബ​ങ്ങ​ൾ ഇ​ങ്ങ​നെ സൗ​ദി​യി​ലേ​ക്ക്​ വ​രാ​റ്. ആ ​സീ​സ​ൺ അ​ടു​ത്തി​രി​ക്കെ വി​സ​യു​ടെ കാ​ര്യ​ത്തി​ലു​ണ്ടാ​യ അ​നി​ശ്ചി​ത​ത്വം എ​ല്ലാ​വ​രെ​യും ആ​ശ​ങ്ക​യി​ലാ​ഴ്​​ത്തു​ക​യാ​യി​രു​ന്നു. അ​തി​നൊ​രു ആ​ശ്വാ​സ​മാ​യി വി​സ ഓ​പ്​​ഷ​ൻ തി​രി​ച്ചെ​ത്തി​യ​ത്.