സൗ​ദി സ​ർ​ഫി​ങ്​ ഫെ​ഡ​റേ​ഷ​ൻ സ്റ്റാ​ൻ​ഡ് അ​പ്; ചാ​മ്പ്യ​ൻ​ഷി​പ് മ​ത്സ​രം ഇ​ന്ന്​

ജി​ദ്ദ: സൗ​ദി സ​ർ​ഫി​ങ്​ ഫെ​ഡ​റേ​ഷ​ൻ സ്റ്റാ​ൻ​ഡ് അ​പ് ചാ​മ്പ്യ​ൻ​ഷി​പ് മ​ത്സ​ര​വും സൗ​ജ​ന്യ പ​രി​ശീ​ല​ന​വും ജി​ദ്ദ​യി​ൽ വെ​ള്ളി, ശ​നി ദി​വ​സ​ങ്ങ​ളി​ൽ. ജ​ല കാ​യി​ക​വി​നോ​ദ​മാ​യ ‘സ​ർ​ഫി​ങ്’ പ​രി​ശീ​ല​ന​വും മ​ത്സ​ര​വും ജി​ദ്ദ യാ​ച്ച് ക്ല​ബി​​ന്​ കീ​ഴി​ൽ ചെ​ങ്ക​ട​ലി​ലാ​ണ്​ ന​ട​ക്കു​ന്ന​ത്. കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കു​മാ​ണ്​ സൗ​ജ​ന്യ സ​ർ​ഫി​ങ് പ​രി​ശീ​ല​നം. പ​രി​പാ​ടി​യി​ൽ പ​ങ്കെ​ടു​ക്കാ​ൻ https://forms.gle/xgwXxFUWbmRq3ARm8 എ​ന്ന ലി​ങ്കി​ൽ ര​ജി​സ്റ്റ​ർ ചെ​യ്യ​ണ​മെ​ന്ന് പ്രോ​ജ​ക്ട് മാ​നേ​ജ​ർ അ​ബ്​​ദു​ല്ല അ​ൽ മു​ഹ​മ്മ​ദി അ​റി​യി​ച്ചു.

വെ​ള്ളി​യാ​ഴ്ച ഉ​ച്ച​ക്ക് ര​ണ്ട്​ മു​ത​ൽ വൈ​കീ​ട്ട്​ ഏ​ഴു വ​രെ​യും ശ​നി​യാ​ഴ്ച ഉ​ച്ച​ക്ക് 2.30 മു​ത​ൽ വൈ​കീ​ട്ട്​ ഏ​ഴു​വ​രെ​യു​മാ​ണ് പ​രി​പാ​ടി. സ​ർ​ട്ടി​ഫൈ​ഡ് പ​രി​ശീ​ല​ക​രോ​ടൊ​പ്പം സൗ​ജ​ന്യ ‘സ്റ്റാ​ൻ​ഡ് അ​പ്പ് സ​ർ​ഫി​ങ്​’ പ​രി​ശീ​ല​നം നേ​ടാ​ൻ ക​ഴി​യു​ന്ന ഈ ​അ​വ​സ​രം ഉ​പ​യോ​ഗ​പ്പെ​ടു​ത്താ​ൻ ധാ​രാ​ളം മ​ല​യാ​ളി കു​ടും​ബ​ങ്ങ​ളും മു​ന്നോ​ട്ടു​വ​രു​ന്നു​ണ്ട്.

മ​നോ​ഹ​ര​മാ​യ ചെ​ങ്ക​ട​ൽ തീ​ര​ത്തെ സം​ഗീ​താ​ത്മ​ക​മാ​യ അ​ന്ത​രീ​ക്ഷ​ത്തി​ൽ ന​ട​ക്കു​ന്ന ഉ​ല്ലാ​സ പ​രി​പാ​ടി​ക​ൾ പു​ത്ത​ൻ അ​നു​ഭ​വ​മാ​ണ് സ​മ്മാ​നി​ക്കു​ക​യെ​ന്ന് മു​മ്പ്​ സ​ർ​ഫി​ങ് പ​രി​ശീ​ല​നം നേ​ടി​യ മ​ല​യാ​ളി​ക​ൾ പ​റ​യു​ന്നു.

എ​ല്ലാ​വ​ർ​ക്കും സൗ​ജ​ന്യ പ്ര​വേ​ശ​ന​വും തു​റ​ന്ന പ​ങ്കാ​ളി​ത്ത​വു​മാ​ണ് ന​ൽ​കു​ന്ന​തെ​ന്നും സാ​ഹ​സി​ക​ത ഇ​ഷ്​​ട​പ്പെ​ടു​ന്ന​വ​ർ​ക്കും കു​ടും​ബ​ങ്ങ​ൾ​ക്കും ഉ​ല്ല​സി​ക്കാ​ൻ ന​ല്ല അ​വ​സ​ര​മാ​ണി​തെ​ന്നും ജ​ല കാ​യി​ക വി​നോ​ദ​ങ്ങ​ളു​ടെ ഒ​ര​നു​ഭ​വം നേ​ടാ​നു​ള്ള അ​വ​സ​ര​മാ​ണി​തെ​ന്നും സം​ഘാ​ട​ക​ർ പ​റ​ഞ്ഞു.

സൗ​ദി ഒ​ളി​മ്പി​ക് ക​മ്മി​റ്റി​യു​ടെ പി​ന്തു​ണ​യു​ള്ള സൗ​ദി സ​ർ​ഫി​ങ്​ ഫെ​ഡ​റേ​ഷ​ൻ രാ​ജ്യ​ത്തെ ജ​ല കാ​യി​ക​വി​നോ​ദ​ങ്ങ​ളി​ൽ ജ​ന​പ്രി​യ​മാ​യ എ​ല്ലാ​ത്ത​രം സ​ർ​ഫി​ങ് പ​രി​ശീ​ന​ങ്ങ​ളൂം പ്രോ​ത്സാ​ഹി​പ്പി​ക്കാ​ൻ വി​വി​ധ പ​ദ്ധ​തി​ക​ൾ രാ​ജ്യ​ത്തി​​ന്റെ വി​വി​ധ ക​ട​ൽ തീ​ര​ങ്ങ​ളി​ൽ ആ​വി​ഷ്‌​ക​രി​ക്കു​ന്നു​ണ്ട്.