വടക്കൻ മലനിരകളിൽ മഞ്ഞുവീഴ്​ച; കൗതുകകാഴ്​ചക്ക്​ സന്ദർശക പ്രവാഹം

തബൂക്ക്​: മഞ്ഞ്​ വീഴ്​ച കാണാൻ സന്ദർശകരുടെ പ്രവാഹം. തബൂക്കിലെ ജബലു ലോസ്​, മർക്ക്​ അൽഖാൻ എന്നിവിടങ്ങളിലാണ്​ മഞ്ഞ്​ വീഴ്​ചയുണ്ടായത്​. മഞ്ഞ്​ മൂടിയ​ മണൽ കുന്നുകൾ കാണാനും വിനോദങ്ങളിലേർപ്പെടാനും തബൂക്ക്​ പട്ടണത്തിൽ നിന്നും പരിസരപ്രദേശങ്ങളിൽ നിന്നും യുവാക്കളും കുട്ടികളും നിരവധി കുടുംബങ്ങളുമാണ്​​ എത്തുന്നത്​. രണ്ട്​ ദിവസമായി പ്രദേശത്ത്​ മഞ്ഞ്​ വീഴ്​ച ആരംഭിച്ചിട്ട്​​.​ വാരാന്ത്യ അവധി ദിവസമായതിനാൽ സന്ദർശകരുടെ എണ്ണം കൂടിയിട്ടുണ്ട്​. ഒരോ വർഷവും പ്രദേശത്ത്​ മഞ്ഞ്​ വീഴ്​ചയുണ്ടാകുകയും ധാരാളമാളുകൾ കാണാനെത്തുകയും ചെയ്യുക പതിവാണ്​. സ്​ഥലത്തും മല മുകളിലേക്കുള്ള പാതയോരങ്ങളിലും സുരക്ഷക്ക്​ പൊലീസും ​ട്രാഫിക്കും സിവിൽ ഡിഫൻസും ​ബോർഡർ​ സേനയും നിലയുറപ്പിച്ചിട്ടുണ്ട്​​​. മേഖലയിൽ മഴയും മഞ്ഞ്​ വീഴ്​ചയുമുണ്ടാകുമെന്ന കാലാവസ്​ഥ വകുപ്പി​​​െൻറ മുന്നറിയിപ്പിനെ തുടർന്ന്​ ബന്ധപ്പെട്ട വകുപ്പുകൾ വേണ്ട മുൻകരുതൽ നേരത്തെ പൂർത്തിയാക്കിയിരുന്നു​.