സിറിയയിൽ സ്ഥിരതയും സമാധാനവും; മുൻകൈയെടുത്ത് സൗദി അറേബ്യ

റി​യാ​ദ്​: മു​ൻ പ്ര​സി​ഡ​ന്റ്​ ബ​ശ്ശാ​റു​ൽ അ​സ​ദി​​ന്റെ പ​ത​ന​ത്തി​നു​ശേ​ഷ​മു​ള്ള സി​റി​യ​യി​ലെ സ്ഥി​തി​ഗ​തി​ക​ൾ ച​ർ​ച്ച ചെ​യ്യാ​നും രാ​ജ്യ​ത്ത്​ സ്ഥി​ര​ത കൈ​വ​രി​ക്കാ​നു​മു​ള്ള ശ്ര​മ​ങ്ങ​ൾ​ക്കും മു​ൻ​കൈ​യെ​ടു​ത്ത്​ സൗ​ദി അ​റേ​ബ്യ. വി​പു​ല​മാ​യ അ​റ​ബ്, അ​ന്താ​രാ​ഷ്​​ട്ര പ​ങ്കാ​ളി​ത്ത​ത്തോ​ടെ റി​യാ​ദി​ൽ വി​ദേ​ശ​കാ​ര്യ മ​ന്ത്രി​ത​ല യോ​ഗം ചേ​ർ​ന്നു. വി​വി​ധ അ​റ​ബ്, ജി.​സി.​സി, അ​മേ​രി​ക്ക, യൂ​റോ​പ്യ​ൻ യൂ​നി​യ​ൻ രാ​ജ്യ​ങ്ങ​ളു​ടെ വി​ദേ​ശ​കാ​ര്യ മ​ന്ത്രി​മാ​രും ഉ​ന്ന​ത പ്ര​തി​നി​ധി​ക​ളും സൗ​ദി ത​ല​സ്ഥാ​ന ന​ഗ​ര​ത്തി​ലെ ‘വ​യ റി​യാ​ദ്​’ മാ​ളി​ലെ സെ​ന്റ്​ റീ​ജി​യ​സ്​ ഹോ​ട്ട​ലി​ൽ ഞാ​യ​റാ​ഴ്​​ച ആ​രം​ഭി​ച്ച യോ​ഗ​ത്തി​ൽ പ​​ങ്കെ​ടു​ക്കു​ന്നുണ്ട്.

സൗ​ദി വി​ദേ​ശ​കാ​ര്യ മ​ന്ത്രി അ​മീ​ർ ഫൈ​സ​ൽ ബി​ൻ ഫ​ർ​ഹാ​നാ​ണ്​ നേ​തൃ​ത്വം ന​ൽ​കു​ന്ന​ത്. ഖ​ത്ത​ർ പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ മു​ഹ​മ്മ​ദ് ബി​ൻ അ​ബ്ദു​ർ​റ​ഹ്മാ​ൻ ആ​ൽഥാ​നി, സി​റി​യ​ൻ ഭ​ര​ണ​കൂ​ട​ത്തി​ലെ വി​ദേ​ശ​കാ​ര്യ മ​ന്ത്രി അ​സ​ദ് അ​ൽ​ശൈ​ബാ​നി, ഉ​പ പ്ര​ധാ​ന​മ​ന്ത്രി​യും യു.​എ.​ഇ വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ്​ അ​ബ്​​ദു​ല്ല ബി​ൻ സാ​ഇ​ദ് ആ​ൽ ന​ഹ്​​യാ​ൻ, കു​വൈ​ത്ത് വി​ദേ​ശ​കാ​ര്യ മ​ന്ത്രി അ​ബ്​​ദു​ല്ല അ​ലി അ​ൽ​യ​ഹ്​​യ, ല​ബ​നാ​നി​ലെ വി​ദേ​ശ​കാ​ര്യ മ​ന്ത്രി ഡോ. ​അ​ബ്​​ദു​ല്ല ബൂ ​ഹ​ബീ​ബ്, ഈ​ജി​പ്​​ഷ്യ​ൻ​ വി​ദേ​ശ​കാ​ര്യ മ​ന്ത്രി ഡോ. ​ബ​ദ്​​ർ അ​ബ്​​ദു​ൽ ആ​ത്വി, ജോ​ർ​ഡ​ൻ ഉ​പ​പ്ര​ധാ​ന​മ​ന്ത്രി​യും വി​ദേ​ശ​കാ​ര്യ, പ്ര​വാ​സി​കാ​ര്യ മ​ന്ത്രി​യു​മാ​യ ഡോ. ​അ​യ്​​മ​ൻ അ​ൽ​സ​ഫാ​ദി, തു​ർ​ക്കി വി​ദേ​ശ​കാ​ര്യ മ​ന്ത്രി ഹാ​കാ​ൻ ഫി​ദാ​ൻ, ഇ​റാ​ഖ് ഉ​പ​പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ഡോ. ​ഫു​വാ​ദ് മു​ഹ​മ്മ​ദ് ഹു​സൈ​ൻ എ​ന്നി​വ​രാണ് യോഗത്തിൽ പ​ങ്കെടുക്കുന്നത്.

ഫ്രാ​ൻ​സ്, ബ്രി​ട്ട​ൻ, ജ​ർ​മ​നി, ഇ​റ്റ​ലി, സ്പെ​യി​ൻ, യു.എസ് എ​ന്നീ രാ​ജ്യ​ങ്ങ​ളി​ൽ​നി​ന്നു​ള്ള പ്ര​തി​നി​ധി​ക​ളും സി​റി​യ​യി​ലെ യു.​എ​ൻ പ്ര​തി​നി​ധിയും യൂ​റോ​പ്യ​ൻ യൂ​നി​യ​ന്റെ വി​ദേ​ശ, സു​ര​ക്ഷ ന​യ​ങ്ങ​ൾ​ക്കാ​യു​ള്ള ഹൈ​ക​മീ​ഷ​ണ​റും​ യോ​ഗ​ത്തി​നെത്തിയിട്ടുണ്ട്. ശ​നി​യാ​ഴ്ച രാ​ത്രി​യോ​ടെ സി​റി​യ​ൻ വി​ദേ​ശ​കാ​ര്യ മ​ന്ത്രി അ​സ​ദ് അ​ൽ​ശൈ​ബാ​നി റി​യാ​ദി​ലെ​ത്തി​യി​രു​ന്നു.

സി​റി​യ​ൻ ജ​ന​ത​ക്കു​ള്ള അ​റ​ബ് പി​ന്തു​ണ ശ​ക്തി​പ്പെ​ടു​ത്തു​ക​യാ​ണ്​ സൗ​ദി നേതൃത്വത്തിലുള്ള ഉച്ചകോടിയുടെ ല​ക്ഷ്യം. സി​റി​യ​ക്ക്​ മാ​നു​ഷി​ക പി​ന്തു​ണ ന​ൽ​ക​ലും അ​ന്താ​രാ​ഷ്​​ട്ര ഉ​പ​രോ​ധം നീ​ക്ക​ലും ഉ​ൾ​പ്പെ​ടെ​യു​ള്ള കാ​ര്യ​ങ്ങ​ളും ച​ർ​ച്ച ചെ​യ്യു​ന്നു​ണ്ട്.