48 ടൈഫൂൺ ഫൈറ്റർ ജെറ്റുകൾ; പ്രാഥമിക കരാറായി

ജിദ്ദ: സൗദി വ്യോമസേനയുടെ കരുത്ത്​ വർധിപ്പിക്കാൻ ഇനി ടൈഫൂൺ ഫൈറ്റർ ജെറ്റുകളും. 48 ടൈഫൂൺ യുദ്ധവിമാനങ്ങൾ വാങ്ങാനുള്ള പ്രാഥമിക കരാറിന്​ അമീർ മുഹമ്മദ്​ ബിൻ സൽമാ​​െൻറ ബ്രിട്ടൻ സന്ദ​ർശനത്തിൽ ധാരണയായി. ബ്രിട്ടീഷ്​ എയ്​റോസ്​പേസ്​ സിസ്​റ്റംസ്​ നിർമിക്കുന്ന മാരകപ്രഹര ശേഷിയുള്ള ഇൗ ജെറ്റുകൾക്കുള്ള ചർച്ചകൾ വർഷങ്ങളായി നടന്നുവരികയായിരുന്നു. ഇരുരാജ്യങ്ങളും തമ്മിലുള്ള ചരിത്രപരമായ ബന്ധത്തിൽ പുതിയൊരധ്യായം തുറക്കുന്നതാണ്​ അമീർ മുഹമ്മദി​​െൻറ സന്ദർശനമെന്ന്​ ബ്രിട്ടീഷ്​ പ്രതിരോധ സെക്രട്ടറല ഗവിൻ വില്യംസൺ സൂചിപ്പിച്ചു. 

മധ്യപൂർവേഷ്യയുടെ സുരക്ഷയും ബ്രിട്ടീഷ്​ എയ്​റോസ്​പേസ്​ രംഗത്ത്​ തൊഴിലവസരങ്ങളും വർധിപ്പിക്കുന്നതാണ്​ കരാറെന്നും അദ്ദേഹം കൂട്ടിച്ചേർത്തു. നിലവിൽ 72 ടൈഫൂൺ ജെറ്റുകൾ റോയൽ സൗദി എയർഫോഴ്​സി​​െൻറ നിരയിലുണ്ട്​. ഇരട്ട എൻജിനോട്​ കൂടിയ ഇൗ വിവിധോദ്യോശ വിമാനം ആകാശയുദ്ധത്തിൽ മേൽക്കൈ നേടാൻ ഏറെ ഉപകരിക്കുന്നതാണ്​. സൗദിക്ക്​ പുറമേ, ബ്രിട്ടൻ, ജർമൻ, ഇറ്റാലിയൻ, സ്​പാനിഷ്​ വ്യോമസേനകളുടെ പക്കലും ടൈഫൂണുകളുണ്ട്​. 1994 ലാണ്​ ബ്രിട്ടീഷ്​ എയ്​റോസ്​പേസ്​ ഇൗ വിമാനം ആദ്യമായി അവതരിപ്പിച്ചത്​.