സംസ്ഥാന സർക്കാറിന്‍റെ കാപട്യം വ്യക്തമായി -തനിമ സാംസ്കാരിക വേദി

ദമ്മാം: ചാർട്ടേഡ് വിമാനത്തിൽ കേരളത്തിലേക്ക്​ യാത്ര ചെയ്യുന്നവർ കോവിഡ് നെഗറ്റീവാണെന്ന് തെളിയിക്കണമെന്ന കേരള  സർക്കാറി​​െൻറ നിർദേശം ഇന്ത്യൻ എംബസി സർക്കുലറിലൂടെ അറിയിച്ചതോടെ പ്രവാസികളോടൊപ്പമാണ്​ തങ്ങളെന്ന്​ അടിക്കടി പറയുന്ന സർക്കാറി​​െൻറ സമീപനത്തിലെ കാപട്യം മറനീക്കിവന്നിരിക്കുകയാണെന്ന്​ തനിമ സാംസ്കാരിക വേദി കേന്ദ്ര സെക്രട്ടറിയേറ്റ് അഭിപ്രായപ്പെട്ടു.  

വളരെ അപ്രായോഗികമായ നിർദേശം നൽകുക വഴി പ്രവാസികൾ ഇങ്ങോട്ട് വര​​ണ്ടെന്ന്​ പറയാതെ പറഞ്ഞിരിക്കുകയാണ് കേരള സർക്കാർ. ഇന്ത്യയിലെ മറ്റൊരു സംസ്ഥാനവും ഇങ്ങനെ ഒരു വ്യവസ്ഥ വെച്ചിട്ടില്ല. വന്ദേഭാരത് മിഷന്​ കീഴിൽ യാത്ര ചെയ്യുന്നവർക്കും കോവിഡ് ടെസ്​റ്റി​​െൻറ ആവശ്യമില്ല. 

മതസംഘടനകളും സന്നദ്ധ സംഘടനകളും നാട്ടിലെത്തുന്ന പ്രവാസികൾക്ക് ക്വാറൻറീൻ സ​െൻററുകളൊരുക്കാൻ ആയിരത്തോളം സ്ഥാപനങ്ങൾ വിട്ടുനൽകാൻ സന്നദ്ധമായിട്ടും അതൊന്നും ഉപയോഗിക്കാൻ സന്നദ്ധമാകാതെ പ്രവാസികൾ നാട്ടിൽ എത്തിയാൽ സ്വന്തം ചെലവിൽ ക്വാറൻറീനിൽ പോകണമെന്ന്​ പറഞ്ഞ സംസ്ഥാന സർക്കാർ പ്രവാസികളുടെ മടക്കയാത്രക്ക് ഏതുവിധേനയും മാർഗതടസം സൃഷ്​ടിക്കുകയാണ്. 

പ്രവാസികളോടുള്ള കേന്ദ്ര, സംസ്ഥാന സർക്കാറുകളുടെ തെറ്റായ നിലപാടിൽ പ്രതിഷേധിക്കുന്നതായും പ്രവാസികളുടെ മടക്കയാത്രക്കുള്ള വഴി എളുപ്പമാക്കണമെന്നും തനിമ കേന്ദ്ര സെക്രട്ടറിയേറ്റ് പ്രസ്​താവനയിൽ​ ആവശ്യപ്പെട്ടു.