സൗദി സന്ദർശനം ചരിത്രപരമെന്ന്​​ ട്രംപ്​; സ്വാഗതം ചെയ്​ത്​ സൗദി മന്ത്രിസഭ

റിയാദ്​: ചൊവ്വാഴ്​ച സൗദിയിലേക്കും തുടർന്ന് യു.എ.ഇയിലേക്കും ഖത്തറിലേക്കും നടത്തുന്ന സന്ദർശനത്തെ ചരിത്രപരമെന്ന്​ വിശേഷിപ്പിച്ച്​ അമേരിക്കൻ പ്രസിഡൻറ്​ ഡൊണാൾഡ്​ ട്രംപ്​. മിഡിൽ ഈസ്​റ്റ്​​ സന്ദർശനത്തിനായി പുറപ്പെടും മുമ്പ് നടത്തിയ വാർത്താസമ്മേളനത്തിലാണ് ട്രംപ്​​ ഇക്കാര്യം പറഞ്ഞത്. വീണ്ടും പ്രസിഡൻറായതിന്​ ശേഷമുള്ള ആദ്യ വിദേശ സന്ദർശനത്തിനായി പുറപ്പെട്ട ട്രംപിനെയും വഹിച്ചുകൊണ്ട് എയർ ഫോഴ്​സ്​ വൺ വിമാനം ​​​ചൊവ്വാഴ്​ച സൗദി തലസ്ഥാനമായ റിയാദിൽ ഇറങ്ങു​പ്പോൾ ഏറെ പ്രതീക്ഷയോടെയാണ്​ സന്ദർശനത്തെ ലോകം ഉറ്റുനോക്കുന്നത്.

സൗദി അറേബ്യയും ഗൾഫ് രാജ്യങ്ങളും ഇപ്പോൾ ആസ്വദിക്കുന്ന പുരോഗമനപരമായ ഭൗമരാഷ്​ട്രീയ നിലപാടി​െൻറ സൂചനയാണ് ഈ സന്ദർശനമെന്നാണ്​ വിലയിരുത്തൽ. മേഖലയുടെ സ്ഥിരതയിൽ നിർണായക പങ്ക് വഹിക്കുന്ന രാജ്യം എന്ന നിലയിൽ മാത്രമല്ല, അതി​െൻറ സാമ്പത്തിക ഒൗന്നത്യവും പരിഷ്കരണ പ്രവണതകളും ഇതിന്​ കാരണമാകുന്നു. അന്താരാഷ്​ട്ര മാറ്റങ്ങൾ ത്വരിതപ്പെടുത്തുന്ന സാഹചര്യത്തിൽ ഗൾഫ് പങ്കാളികളുമായുള്ള തന്ത്രപരമായ പങ്കാളിത്തം ശക്തിപ്പെടുത്താനാണ്​ വാഷിങ്​ടൺ ശ്രമിക്കുന്നത്​.

സൗദി നേതൃത്വവുമായും ഗൾഫ് രാഷ്​ട്രങ്ങളിലെ നേതാക്കളുമായും ട്രംപ് നടത്തുന്ന ചർച്ചകളുടെ അജണ്ടയിൽ മേഖലാ സുരക്ഷ, ഊർജം, പ്രതിരോധം, സാമ്പത്തിക സഹകരണം എന്നിവയുൾപ്പെടെ 10 വിഷയങ്ങൾ കടന്നുവരുമെന്നാണ്​ വിലയിരുത്തൽ. പ്രസിഡൻറ്​ ട്രംപി​െൻറ സൗദിയിലേക്കും ഗൾഫ് രാജ്യങ്ങളിലേക്കുമുള്ള സന്ദർശനം മിഡിൽ ഈസ്​റ്റിലെ പങ്കാളികളുമായുള്ള ബന്ധത്തിന് അമേരിക്ക നൽകുന്ന പ്രാധാന്യം എടുത്തുകാണിക്കുന്നുവെന്നും പ്രാദേശിക അതിർത്തികൾക്കപ്പുറമുള്ള പ്രശ്നങ്ങൾ പരിഹരിക്കുന്നതിന് സൗദിമായുള്ള ഏകോപനം അനിവാര്യമാണെന്നും അമേരിക്കൻ വിദേശകാര്യ മന്ത്രാലയം നേരത്തെ വ്യക്തമാക്കിയിരുന്നു.

അതേസമയം യു.എസ് പ്രസിഡൻറ്​ ഡൊണാൾഡ് ട്രംപി​െൻറ സൗദിലേക്കുള്ള ഔദ്യോഗിക സന്ദർശനത്തെ കിരീടാവകാശി അമീർ മുഹമ്മദ് ബിൻ സൽമാ​െൻറ അധ്യക്ഷതയിൽ ചേർന്ന സൗദി മന്ത്രിസഭ സ്വാഗതം ചെയ്തു. രണ്ട് സൗഹൃദ രാജ്യങ്ങൾ തമ്മിലുള്ള വിവിധ മേഖലകളിലെ സഹകരണത്തി​െൻറയും തന്ത്രപരമായ പങ്കാളിത്തത്തി​െൻറയും ബന്ധങ്ങൾ ശക്തിപ്പെടുത്തുന്നതിനും വികസിപ്പിക്കുന്നതിനും ഈ സന്ദർശനം സഹായകമാകുമെന്ന് പ്രതീക്ഷിക്കുന്നതായും മന്ത്രിസഭ പറഞ്ഞു. പാകിസ്ഥാനും ഇന്ത്യയും തമ്മിലുള്ള വെടിനിർത്തൽ കരാറിനെയും സൗദി മന്ത്രിസഭ സ്വാഗതം ചെയ്തു. ഇരു രാജ്യങ്ങൾക്കുമിടയിൽ ശാശ്വത സമാധാനം കൈവരിക്കുന്നതിന് അന്താരാഷ്​ട്ര സമൂഹത്തിലെ പങ്കാളികളുമായി സഹകരിച്ച് സൗദി നടത്തുന്ന തുടർച്ചയായ ശ്രമങ്ങളെ മന്ത്രിസഭ ഊന്നിപ്പറഞ്ഞു.