എയർ ഇന്ത്യയിൽ 10 കിലോ അധിക സൗജന്യ ബാഗേജ്
text_fields
ദുബൈ: യു.എ.ഇയിൽ നിന്ന് ഇന്ത്യയിലേക്കുള്ള എയർ ഇന്ത്യ, എയർ ഇന്ത്യ എക്സ്പ്രസ് വിമാനങ്ങളിൽ കൂടുതൽ ബാഗേജ് ആനുകൂല്യം. എയർ ഇന്ത്യയിൽ 10 കിലോ സൗജന്യ ബാഗേജ് അധികമായി ലഭിക്കുേമ്പാൾ എയർ ഇന്ത്യ എക്സ്പ്രസിൽ അഞ്ചു കിലോ അധിക ബാഗേജിന് 50 ദിർഹവും 10കിലോവിന് 100 ദിർഹവും നൽകണം. സെപ്റ്റംബർ 30 വരെ ഇന്ത്യയിലേക്ക് ടിക്കറ്റ് എടുക്കുന്നവർക്ക് എയർ ഇന്ത്യയിൽ ബിസിനസ് ക്ലാസിൽ 50 കിലോയും ഇകോണമി ക്ലാസിൽ 40 കിലോയും സൗജന്യ ബാഗേജ് കൊണ്ടുപോകാം. നിലവിൽ ഇത് യഥാക്രമം 40 കിലോ, 30 കിലോ എന്നിങ്ങനെയാണ്.
സെപ്റ്റംബർ അഞ്ചു മുതൽ നവംബർ 30 വരെ ഇൗ ആനുകൂല്യത്തിൽ യാത്ര ചെയ്യാം. എന്നാൽ ദുബൈയിൽ നിന്ന് ഗോവയിലേക്കുള്ള എെഎ 994 വിമാനത്തിൽ ഇൗ ആനുകൂല്യം ലഭ്യമല്ല. എയർ ഇന്ത്യ എക്സ്പ്രസിൽ യു.എ.ഇയിൽ നിന്നുള്ള എല്ലാ വിമാനങ്ങൾക്കും സെപ്റ്റംബർ അഞ്ചു മുതൽ ഡിസംബർ 13വരെയും 2018 ജനുവരി ആറു മുതൽ മാർച്ച് 24 വരെയുമാണ് ഇൗ ആനുകൂല്യം ലഭിക്കുക.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.