ട്രാ​ഫി​ക്​ പി​ഴ കു​ടി​ശ്ശി​ക​യു​ണ്ടോ? വി​സ പു​തു​ക്കാ​ൻ പ്ര​യാ​സം നേ​രി​​ടും

ദു​ബൈ: എ​മി​റേ​റ്റി​ൽ ട്രാ​ഫി​ക്​ പി​ഴ കു​ടി​ശ്ശി​ക​യു​​ള്ള താ​മ​സ​ക്കാ​ർ​ക്ക്​ ഭാ​വി​യി​ൽ വി​സ പു​തു​ക്കു​ന്ന​തി​നു​ള്ള ന​ട​പ​ടി​ക​ളി​ൽ​​ ത​ട​സ്സം നേ​രി​ടും. ട്രാ​ഫി​ക്​ പി​ഴ അ​ട​ക്കു​ന്ന​തി​നു​ള്ള സം​വി​ധാ​ന​വും വി​സ ന​ട​പ​ടി​ക​ളും പ​ര​സ്പ​രം ബ​ന്ധി​പ്പി​ച്ചതായി ജ​ന​റ​ൽ ഡ​യ​റ​ക്ട​റേ​റ്റ്​ ഓ​ഫ്​ റ​സി​ഡ​ൻ​സി ആ​ൻ​ഡ്​ ഫോ​റി​നേ​ഴ്​​സ്​ അ​ഫേ​ഴ്​​സ്​ (ജി.​ഡി.​ആ​ർ.​എ​ഫ്.​എ) ഡ​യ​റ​ക്ട​ർ ജ​ന​റ​ൽ ല​ഫ്​​റ്റ​ന​ന്‍റ്​ ജ​ന​റ​ൽ മു​ഹ​മ്മ​ദ്​ അ​ഹ്മ​ദ്​ അ​ൽ മ​ർ​റി പ​റ​ഞ്ഞു.

പ​രീ​ക്ഷ​ണാ​ടി​സ്ഥാ​ന​ത്തി​ലാ​ണ്​ പ​ദ്ധ​തി ന​ട​പ്പാ​ക്കു​ക. ശേ​ഷം എ​മി​റേ​റ്റി​ലു​ട​നീ​ള​മു​ള്ള എ​ല്ലാ സം​വി​ധാ​ന​ങ്ങ​ളി​ലേ​ക്കും വ്യാ​പി​പ്പി​ക്കും. പു​തി​യ സം​വി​ധാ​ന​മ​നു​സ​രി​ച്ച്​ വി​സ പു​തു​ക്കു​ന്ന​തി​നു​ള്ള ന​ട​പ​ടി​ക​ൾ പൂ​ർ​ത്തി​യാ​ക്കു​ന്ന​തി​ന്​ ട്രാ​ഫി​ക്​ പി​ഴ കു​ടി​ശ്ശി​ക പൂ​ർ​ണ​മാ​യും അ​ട​ക്കേ​ണ്ടി വ​രും. എ​ന്നാ​ൽ, നി​ല​വി​ൽ താ​മ​സ​ക്കാ​രു​ടെ വി​സ ഇ​തു​മൂ​ലം ത​ട​സ്സ​പ്പെ​ടി​ല്ല. എ​ല്ലാ താ​മ​സ​ക്കാ​രും നി​യ​മ​ങ്ങ​ൾ പാ​ലി​ക്കു​ന്നു​ണ്ടെ​ന്ന്​ ഉ​റ​പ്പു​വ​രു​ത്തു​ക​യാ​ണ്​ ല​ക്ഷ്യ​മെ​ന്ന്​ മു​ഹ​മ്മ​ദ്​ അ​ഹ്മ​ദ്​ അ​ൽ മ​ർ​റി പ​റ​ഞ്ഞു. ഇ​തി​ന്‍റെ ഭാ​ഗ​മാ​യി ട്രാ​ഫി​ക്​ പി​ഴ​യി​ൽ വ​ലി​യ കു​ടി​ശ്ശി​ക​യു​ള്ള​വ​ർ​ക്ക്​ ത​വ​ണ​ക​ളാ​യോ മു​ഴു​വ​നാ​യോ അ​ട​ക്കാ​നു​ള്ള സം​വി​ധാ​ന​മൊ​രു​ക്കും.

ഓ​രോ കേ​സി​ന്‍റെ​യും സ്വ​ഭാ​വം അ​നു​സ​രി​ച്ചാ​യി​രി​ക്കും ഇ​ക്കാ​ര്യ​ത്തി​ൽ തീ​രു​മാ​ന​മെ​ടു​ക്കു​ക. പ​ദ്ധ​തി പ​രീ​ക്ഷ​ണാ​ടി​സ്ഥാ​ന​ത്തി​ൽ ന​ട​പ്പാ​ക്കു​ന്ന​തി​നു​ മു​മ്പ്​ ആ​യി​ര​ക്ക​ണ​ക്കി​ന്​ ട്രാ​ഫി​ക്​ കേ​സു​ക​ൾ വി​ല​യി​രു​ത്തി​യി​രു​ന്ന​താ​യും അ​ദ്ദേ​ഹം പ​റ​ഞ്ഞു. ഉ​പ​ഭോ​ക്തൃ സൗ​ഹൃ​ദ​പ​ര​മാ​യി​രി​ക്കും സം​വി​ധാ​ന​മെ​ന്ന്​ ഉ​റ​പ്പു​വ​രു​ത്തും. വി​സ സേ​വ​ന​ങ്ങ​ൾ​ക്കാ​യി ബ​ന്ധ​പ്പെ​ട്ട അ​തോ​റി​റ്റി​ക​ളെ സ​മീ​പി​ക്കു​ന്ന താ​മ​സ​ക്കാ​ർ​ക്ക്​ പ​ണ​മ​ട​ക്കാ​നു​ള്ള പ്ര​ക്രി​യ​യെ കു​റി​ച്ച്​ നി​ർ​ദേ​ശം ല​ഭി​ക്കും. കൂ​ടു​ത​ൽ കു​ടി​ശ്ശി​ക​യു​ള്ള​വ​ർ​ക്ക്​ ത​വ​ണ​ക​ളാ​യി അ​ട​ക്കാ​നു​ള്ള സം​വി​ധാ​ന​മൊ​രു​ക്കു​ക​യും ചെ​യ്യും. നി​ല​വി​ൽ സം​വി​ധാ​നം ദു​ബൈ എ​യ​ർ​പോ​ർ​ട്ടി​ലോ ജി.​ഡി.​ആ​ർ.​എ​ഫ്.​എ സെ​ന്‍റ​റു​ക​ളി​ലോ ന​ട​പ്പാ​ക്കി​യി​ട്ടി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. സ​ർ​ക്കാ​ർ സ​ർ​വി​സു​ക​ളു​മാ​യി പി​ഴ കു​ടി​ശ്ശി​ക​യെ ബ​ന്ധി​പ്പി​ക്കാ​നു​ള്ള ന​ട​പ​ടി​ക​ൾ ഇ​താ​ദ്യ​മാ​യ​ല്ല ന​ട​പ്പാ​ക്കു​ന്ന​ത്. 2014ൽ ​ആ​ഭ്യ​ന്ത​ര മ​ന്ത്രാ​ല​യം ട്രാ​ഫി​ക്​ പി​ഴ കു​ടി​ശ്ശി​ക​യു​ള്ള​വ​ർ​ക്ക്​ വി​സ പു​തു​ക്കാ​ൻ അ​നു​വ​ദി​ക്കി​ല്ലെ​ന്ന്​ വ്യ​ക്ത​മാ​ക്കി​യി​രു​ന്നു.