യു.എ.ഇ. സന്ദർശിക്കുന്നവർ  ഇൗ മരുന്നുകൾ കൊണ്ടുവരരുത്​

ദുബൈ: യു.എ.ഇയിലേക്ക്​ വരുന്ന വിദേശികൾ ശ്രദ്ധിക്കുക. നാട്ടിൽ സുലഭമായികിട്ടും എന്ന്​ കരുതി എല്ലാമരുന്നുകളും ഇവിടേക്ക്​ കൊണ്ടുവരരുത്​. ജീവിതകാലം മൂഴുവൻ ജയിലിൽ കിടത്താൻ ശേഷിയുള്ള മരുന്നുകൾ ഇക്കൂട്ടത്തിൽ ഉണ്ടാവാം. മയക്കുമരുന്നായും മറ്റും ഉപയോഗിക്കാൻ സാധ്യതയുള്ള മരുന്നുകൾക്കാണ്​ രാജ്യം വിലക്ക്​ ഏർപ്പെടുത്തിയിരിക്കുന്നത്​. ഇവയുടെ പട്ടികയും പുറത്തുവിട്ടിട്ടുണ്ട്​. മനുഷ്യ​​​െൻറ മാനസിക നിലയെ ബാധിക്കുന്ന മരുന്നുകൾക്കും നിരോധം ബാധകമാണ്​.

ആൽഫാ മെഥിലി ഫ​​െൻറ്റാനിൽ, ബീറ്റാ മെഥഡോൾ, കനബിസ്​, കൊഡോക്​സിം, കോൺസ​ൻട്രേഷൻ ഒാഫ്​ ​േപാപ്പി സ്​ട്രോ, ഫ​​െൻറ്റാനിൻ, മെഥഡോൺ, മോർഫിൻ, ഒ.പി.എം, ഒാക്​സി കൊഡോൻ, ഫിനോപെറിഡിൻ, ട്രെമിപെരിഡിൻ, കെറ്റാമിൻ, കോഡിൻ, കാതിനോൽ, ആംഫിറ്റാമിൽ, പ​​െൻറ്റോബാർബിറ്റാൽ, ബ്രൊമാസി പാം,റിസ്​പെറിഡോൺ, ട്രെമാഡോൾ എന്നീ മരുന്നുകളാണ്​ നിരോധിക്കപ്പെട്ടിരിക്കുന്നത്​. ഇതിൽ ചിലതിന്​ പൂർണ നിരോധനവും ഏതാനും മരുന്നുകൾക്ക്​  നിയന്ത്രണവുമാണ്​ ഏർപ്പെടുത്തിയിരിക്കുന്നത്​. ഇത്തരം മരുന്നുകൾ രാജ്യത്ത്​ എത്തുന്നുണ്ടോ എന്നറിയാൻ കർശന പരിശോധന ആരോഗ്യ മന്ത്രാലയം നടത്തുന്നുണ്ട്​. പ്രത്യേകിച്ചും ബ്ലൂ കോളർ തൊഴിലാളികൾക്കിടയിലാണ്​ സാമൂഹിക പ്രവർത്തകരുടെ നേതൃത്വത്തിൽ നിരീക്ഷണം നടത്തു​ന്നത്​. ഇൗ മരുന്നുകളുമായി എത്തുന്നവരെ അറസ്​റ്റ്​ ചെയ്​തു ജയിലിടക്കാൻ മ​ന്ത്രി തലത്തിൽ കർശന നിർദ്ദേശം നൽകിയിട്ടുണ്ട്​. യു.എ.ഇയിലേക്കുള്ള യാത്ര ആരംഭിക്കുന്നതിന്​ മുമ്പ്​ തന്നെ നിരോധിക്കപ്പെട്ട മരുന്നുകളുടെ വിവരങ്ങൾ യാത്രക്കാർ മനസിലാക്കണമെന്നും നിർദ്ദേശമുണ്ട്​. ചില മരുന്നുകൾ ഡോക്​ടറുടെ കുറിപ്പോടുകൂടി മാത്രമേ രാജ്യത്തേക്ക്​ കൊണ്ടുവരാനാകൂവെന്ന്​ ആരോഗ്യ മന്ത്രാലയത്തിലെ അസി. അണ്ടർ സെക്രട്ടറി അമീൻ ഹുസൈൻ അൽ അമിറി പറഞ്ഞു.