കോവിഡ്​: ചാവക്കാട് സ്വദേശി റാസല്‍ഖൈമയില്‍ നിര്യാതനായി

റാസല്‍ഖൈമ: കോവിഡ്​ ബാധിച്ച്​ ചികിത്സയിലായിരുന്ന ചാവക്കാട് എടക്കഴിയൂര്‍ നാലാംകല്ല് കറുപ്പംവീട്ടില്‍ പള്ളത്ത് വീട്ടില്‍ ഹസന്‍ - നബീസ ദമ്പതികളുടെ മകന്‍ മുഹമ്മദ് ഹനീഫ (63) റാസല്‍ഖൈമയില്‍ നിര്യാതനായി. 

22 വര്‍ഷമായി യു.എ.ഇയിലുള്ള മുഹമ്മദ് ഹനീഫ റാസല്‍ഖൈമ അറേബ്യന്‍ ഇൻറര്‍നാഷണല്‍ കമ്പനിയില്‍ (എ.ആര്‍.സി) സൂപ്പര്‍വൈസറായി ജോലിചെയ്യുകയായിരുന്നു. പനിയെത്തുടര്‍ന്ന് റാക് സഖര്‍ ആശുപത്രിയില്‍ ചികില്‍സയിലിരിക്കെ വെള്ളിയാഴ്ച രാത്രിയായിരുന്നു അന്ത്യം. 

ഭാര്യ: റഫീഖ. മക്കള്‍: ഹാഷില്‍, അസ്ബിന. കുടുംബവും റാസൽഖൈമയിലുണ്ട്. വർഷങ്ങളായി കോയമ്പത്തൂരാണ് സ്ഥിരതാമസം. ഖബറടക്കം യു.എ.ഇയിൽ നടത്തുമെന്ന്​ കെ.എം.സി.സി റെസ്​ക്യൂ ടീം അറിയിച്ചു.