യുവാക്കൾക്ക്​ ജീവിതോപാധി നാട്ടിൽ തന്നെ ഒരുക്കുക ലക്ഷ്യം –മുഖ്യമന്ത്രി

ഷാർജ: യുവാക്കൾക്ക്​ സുസ്​ഥിരമായ ജീവിതോപാധി നാട്ടിൽ തന്നെ ഒരുക്കുകയാണ്​ കേരള പുനർനിർമാണത്തി​​​​െൻറ ലക്ഷ്യ മെന്നും ഇതിന്​ സംസ്​ഥാനത്തി​​​​െൻറ സമ്പദ്​ വ്യവസ്​ഥ പരിവർത്തിപ്പിക്കേണ്ടതുണ്ടെന്നും മുഖ്യമന്ത്രി പിണറായി വിജയൻ. ഗൾഫ്​ മാധ്യമം സംഘടിപ്പിക്കുന്ന കമോൺ കേരളയുടെ ഭാഗമായ ബിസിനസ്​ കോൺക്ലേവ്​ ഉദ്​ഘാടനം ചെയ്യുകയായിരുന്ന ു അദ്ദേഹം. നവകേരള നിർമിതിക്ക്​ ‘ക​േമാൺ കേരള’ ശക്​തി പകരുമെന്നും പിണറായി വിജയൻ പറഞ്ഞു.

സാമൂഹികരംഗത്തെ വലിയ നേട്ടം ഉൽപാദന രംഗത്തും കൈവരിക്കാൻ നമുക്ക്​ സാധിക്കണം. അടിസ്​ഥാന സൗകര്യ വികസനത്തിലൂടെ മാത്രമേ ഉൽപാദന രംഗത്ത്​ വളർച്ച നേടാൻ സാധിക്കൂ. ഭൂപരിഷ്കരണത്തിനൊപ്പം കേരളത്തെ മുന്നോട്ട് നയിച്ചതിൽ പ്രവാസത്തിനും പ്രവാസികൾക്കും വലിയ പങ്കുണ്ട്​. ആധുനിക യു.എ.ഇ കെട്ടിപ്പടുക്കുന്നതിലും മലയാളികൾ സജീവ സാന്നിധ്യമായി. പ്രളയകാലത്ത്​ ആദ്യം സഹായഹസ്തം നീട്ടിയത് യു.എ.ഇ ആയിരുന്നു. അതുപോലെ മറ്റു ഭാഗങ്ങളിൽനിന്നും സഹായ വാഗ്​ദാനമുണ്ടായിരുന്നു. ഇതുവഴി നമ്മുടെ പുനർനിർമാണത്തിന്​ ആവശ്യമായ മുഴുവൻ തുകയും കണ്ടെത്താൻ സാധിക്കുമായിരുന്നു. എന്നാൽ, ചില സാ​േങ്കതിക കാരണങ്ങൾ കൊണ്ട്​ അവ സ്വീകരിക്കാനായില്ല. അത്​ മറ്റൊരു ഭാഗമാണ്​. അക്കാര്യം പറയാൻ ഇൗവേദി ഉപയോഗിക്കുന്നില്ല. എന്നിരുനാലും നാം അതിജീവിക്കുക തന്നെ ചെയ്യും. പ്രളയത്തിൽ നഷ്​ടപ്പെട്ട വീടുകൾ ഏപ്രിലോടെ പൂർണമായി പുനർനിർമിക്കും.

പശ്ചാത്തല വികസനത്തിന്​ വലിയ പ്രാധാന്യമാണ്​ സർക്കാർ നൽകുന്നത്​. ശബരിമലയിൽ വിമാനത്താവളം നിർമിക്കാൻ പഠനം നടക്കുന്നു. കാസ​ർകോട്​ മുതൽ തിരുവനന്തപുരം വരെ ദേശീയപാതയുടെ വികസനം പൂർത്തീകരിക്കും. തീരദേശ ഹൈവേയും മലയോര ഹൈവേയും നിർമിക്കും. വിനോദസഞ്ചാര മേഖലക്ക്​ കുതിച്ചുചാട്ടം സാധ്യമാക്കുന്ന കോവളം^ബേക്കൽ ജലപാത 2020ൽ പൂർത്തിയാക്കും. കിഫ്‌ബി 41,000 കോടി രൂപയുടെ പദ്ധതികൾക്ക് ഇതിനകം അനുമതി നൽകി കഴിഞ്ഞു. രണ്ടു വർഷത്തിനകം 50000 കോടിയുടെ പദ്ധതിക്ക് കൂടി അനുമതി നൽകാനാകുമെന്നും മുഖ്യമന്ത്രി വ്യക്​തമാക്കി.

‘ഗെയിൽ പൂർത്തിയായാൽ പാചകവാതക വില​ കുറയും’

ഗെയിൽ പൈപ്പ്​ ലൈൻ പൂർത്തിയായാൽ പാചക വാതക വില 35 ശതമാനം കുറയുമെന്ന്​ മുഖ്യമന്ത്രി പിണറായി വിജയൻ അവകാശപ്പെട്ടു. ഒാ​േട്ടാറിക്ഷകളുടെ ഇന്ധന വിലയിലും സമാനമായ കുറവുണ്ടാകും. ഇത്​ ഒാ​േട്ടാ ഡ്രൈവർമാർക്ക്​ ഉപകാരപ്പെടും. പ്രളയം ഉണ്ടായിരുന്നില്ലെങ്കിൽ ഗെയിൽ പൈപ്പ് ലൈൻ ഇതിനകം പൂർത്തിയാകുമായിരുന്നുവെന്നും മുഖ്യമന്ത്രി വ്യക്​തമാക്കി.