പ്രഥമ ശുശ്രൂഷ ക്ലാസ്​: അബൂദബി പൊലീസ്​​ ഗിന്നസ്​ റെക്കോർഡ്​ സ്വീകരിച്ചു

അബൂദബി: ഏറ്റവും കൂടുതൽ പേരെ പ​െങ്കടുപ്പിച്ച്​ പ്രഥമ ശു​ശ്രൂഷ ക്ലാസ്​ സംഘടിപ്പിച്ചതിനുള്ള ഗിന്നസ്​ ​ലോക റെക്കോർഡ്​ അബൂദബി പൊലീസിന്​ സമർപ്പിച്ചു. സായിദ്​ വർഷത്തി​​​​െൻറ ഭാഗമായി 2592 പേരെ പ​െങ്കടുപ്പിച്ച്​ നടത്തിയ ക്ലാസ്​ ആണ്​ പൊലീസിന്​ റെക്കോർഡ്​ നേടിക്കൊടുത്തത്​. പൊലീസിന്​ വേണ്ടി കമാൻഡർ ഇൻ ചീഫ്​ മേജർ ജനറൽ മുഹമ്മദ്​ ഖൽഫാൻ ആൽ റുമൈതി സർട്ടിഫിക്കറ്റ്​ ഏറ്റുവാങ്ങി. 

അബൂദബി നാഷനല്‍ തിയറ്ററില്‍ നടന്ന ക്ലാസില്‍ സ്വദേശികളും വിദേശികളും പ​െങ്കടുത്തിരുന്നു. 1795 ആളുകളെ പ​െങ്കടുപ്പിച്ച്​ ബ്രിട്ടൻ സംഘടിപ്പിച്ച പ്രഥമ ശുശ്രൂഷ ക്ലാസിനായിരുന്നു ഇതു വരെ റെക്കോർഡ്​. അപകടങ്ങളില്‍പ്പെട്ട് മുറിവേല്‍ക്കുന്നവരെ എങ്ങനെ കൈകാര്യം ചെയ്യണം, റോഡിലെ അത്യാഹിത സന്ദര്‍ഭങ്ങളില്‍ എങ്ങനെ പെരുമറണം എന്നിവയെ കുറിച്ചെല്ലാം ക്ലാസില്‍ വിശദീകരിച്ചിരുന്നു.