ജി.എസ്​.ടി: ഗൾഫ്​ സ്വർണ വില കൂടുതൽ ആകർഷകമായി

ദുബൈ: ഇന്ത്യയിൽ ചരക്കു സേവന നികുതി (ജി.എസ്​.ടി) ശനിയാഴ്​ച പ്രാബല്യത്തിൽ വന്നത്​ തങ്ങളെ എങ്ങനെ ബാധിക്കുമെന്ന അന്വേഷണത്തിലാണ്​ പ്രവാസികൾ. പ്രത്യക്ഷത്തിൽ പ്രവാസികളെ നേരിട്ട്​ ബാധിക്കുന്ന നികുതി നിർദേശങ്ങളില്ലെങ്കിലും നാട്ടിലെ വിലയിലെ ഒാരോ കയറ്റിറക്കങ്ങളും സ്വാഭാവികമായും പ്രവാസിയുടെ പഴ്​സിലും പ്രതിഫലിക്കും. 

സ്വർണത്തിന്​ മൂന്നു ശതമാനം ജി.എസ്​.ടി നാട്ടിലുണ്ടാക്കുന്ന വർധനവ്​ ഗൾഫ്​ സ്വർണത്തിന്​ വീണ്ടും പ്രിയം കൂട്ടും. സ്വർണം നാട്ടിൽ നിന്ന്​ വാങ്ങുന്നതിനേക്കാൾ കൂടുതൽ ലാഭകരമാണ്​ ഇപ്പോൾ ഗൾഫിൽ നിന്ന്​ വാങ്ങുന്നത്​. നാട്ടിൽ നേരത്തെ സ്വർണത്തിന്​  ഒരു ശതമാനം എക്​സൈസ്​ തീരുവയും 1.2 ശതമാനം ശരാശരി വാറ്റുമാണ്​ ഇൗടാക്കിയിരുന്നത്​. പുതിയ സംവിധാനത്തിൽ എക്​ സൈസ്​ തീരുവയും വാറ്റും ഒഴിവാക്കി മൂന്നു ശതമാനം ജി.എസ്​.ടി ഏർപ്പെടുത്തി.  പണിക്കൂലിക്ക്​ അഞ്ചു ശതമാനം​ വേറെയും ജി.എസ്​.ടിയുണ്ട്​. കേരളത്തിൽ പണിക്കൂലിയടക്കം ആഭരണത്തിന്​ ജി.എസ്​.ടി വന്നശേഷമുള്ള വർധനവ്​ 1.60 ശതമാനത്തോളമാണ്​.

10 ശതമാനം കസ്​റ്റംസ്​ തീരുവയുടെ വ്യത്യാസവും കൂടി ചേരുന്നതോടെ ഗൾഫിലെയും നാട്ടിലെയും സ്വർണവിലകൾ തമ്മിൽ 13ശതമാനത്തി​​​​െൻറ വ്യത്യാസം വരും. ഇന്നലെ ഒരു പവന്​ കേരളത്തിൽ നികുതിയടക്കം 22,536 രൂപയായിരുന്നെങ്കിൽ ദുബൈയി​ൽ അത്​ 19,880 രൂപ മാത്രമാണ്​ (1136 ദിർഹം). 2600 ലേറെ രൂപയുടെ വ്യത്യാസം

പ്രവാസി സ്​ത്രീകൾക്ക്​ ഒരു ലക്ഷം രൂപയുടെയും പുരുഷന്മാർക്ക്​ അര ലക്ഷം രൂപയുടെയും ആഭരണങ്ങൾ  വിദേശത്ത്​ നിന്ന്​ നികുതിയില്ലാതെ നാട്ടിലേക്ക്​ കൊണ്ടുപോകാം. ഇതിലധികമുള്ളവക്ക്​ 10 ശതമാനം ഇറക്കുമതി തീരുവ നൽകണം. എന്നാലും മൂന്നു ശതമാനത്തി​​​​െൻറ ലാഭം ഇന്ത്യയിലെ വിലയുമായുണ്ടാകും. ജി.എസ്​.ടി വന്നതോടെ എല്ലാവരും നികുതി വലയത്തിൽ വരുന്നത്​ വൻകിട ജ്വല്ലറി ഗ്രൂപ്പുകൾക്ക്​ ഗുണം​ ചെയ്യുമെന്ന്​ മലബാർ ഗോൾഡ്​ ആൻറ്​ ഡയമണ്ട്​സ്​ ഇൻറർനാഷണൽ ഒാപ്പറേഷൻസ്​ എം.ഡി ഷംലാൽ അഹ​മദ്​ പറഞ്ഞു. അസംഘടിത സ്വർണവ്യപാര മേഖലയിൽ നിന്നുള്ള വിലയിലുള്ള മത്സരത്തെ ഇതുവഴി നേരിടാനാകും. ഏതായാലും അടുത്തവർഷം യു.എ.ഇയിൽ വാറ്റ്​ നടപ്പാകുന്നതോടെ ഇൗ അന്തരം ഇല്ലാതാകും. 

അതേസമയം സേവന നികുതിയിലുള്ള വർധനവ്​ നാട്ടിലേക്ക്​ പണമയക്കാനുള്ള​ ചെലവേറ്റുമോ എന്ന ആശങ്ക പ്രവാസികൾക്കുണ്ട്​.ഇന്ത്യയിലേക്ക്​ പണമയക്കാൻ വിദേശത്തെ എക്​സ്​ചേഞ്ച്​ ഹൗസുകൾ നാട്ടിലെ ബാങ്കുകൾ ഉൾപ്പെടെയുള്ള ഇടനിലക്കാർക്ക്​  നൽകുന്ന ഫീയുടെ സേവന നികുതി 15ൽ നിന്ന്​ 18 ശതമാനമാക്കിയിട്ടുണ്ട്​. ഇൗ അധികഭാരം വിദേശ പണമടവ്​ സ്​ഥാപനങ്ങളിൽ നിന്ന്​ ഇൗടാക്കാൻ തീരുമാനിച്ചാൽ അതി​ ​​​െൻറ ഭാരം ആത്യന്തികമായി സാധാരണ ഉപഭോക്​താക്കളി​ലെത്താൻ സാധ്യതയുണ്ട്​.

10 ശതമാനം മാത്രമായിരുന്ന സേവന നികുതി മൂന്നു തവണയായി വർധിച്ചാണ്​ ഇപ്പോൾ 18 ​ൽ എത്തിനിൽക്കുന്നത്​. ധനിവിനിമയ സ്​ഥാപനങ്ങൾ തമ്മിലുള്ള മത്സരത്തി​​​​െൻറ ഭാഗമായി  നേരത്തെയുള്ള വർധനവ്​ ഉപഭോക്​താക്കളിലെത്തിയിരുന്നില്ല. എന്നാൽ പണമയക്കുന്ന നിരക്കിൽ ഉടനെയൊന്നും വർധനവുണ്ടാകില്ലെന്ന്​ യു.എ.ഇ എക്​സ്​ചേഞ്ച്​ സി.ഇ.ഒ പ്രമോദ്​ മങ്ങാട്ട്​ പറഞ്ഞു.ജി.എസ്​.ടി നാട്ടിൽ നിർമാണ മേഖലയിൽ ചെലവും അതുവഴി റിയൽ എസ്​റ്റേറ്റ്​ നിക്ഷേപങ്ങളിൽ വിലയും കുറക്കുന്നത്​ പ്രവാസികൾക്ക്​  ഗുണം ചെയ്യുമെന്ന്​ സാമ്പത്തിക വിദഗ്​ധനായ ഭാസ്​കർ രാജ്​ ചൂണ്ടിക്കാട്ടി.