കണ്ണൂർ ജില്ല ഇൻകാസ് ദുബൈ കമ്മിറ്റി ലഹരി വിരുദ്ധ കാമ്പയിൻ

ദുബൈ: ഇൻകാസ് ദുബൈ കണ്ണൂർ ജില്ല കമ്മിറ്റിയുടെ നേതൃത്വത്തിൽ ലഹരി വിരുദ്ധ കാമ്പയിൻ സംഘടിപ്പിച്ചു. കെ.പി.സി.സി അംഗം അമൃത രാമകൃഷ്‌ണൻ ഉദ്​ഘാടനം നിർവഹിച്ചു. ലഹരിവിരുദ്ധ പ്രതിജ്ഞ, പോസ്റ്റര്‍ പ്രചാരണം എന്നിവയും ചടങ്ങിൽ നടന്നു. ഹ്രസ്വ സന്ദർശനാർഥം ദുബൈയിൽ എത്തിയ കണ്ണൂർ കോർപറേഷൻ ഡെപ്യൂട്ടി മേയർ അഡ്വ. ഇന്ദിരക്ക് ചടങ്ങിൽ സ്വീകരണവും നൽകി. ഇൻകാസ് കണ്ണൂർ ജില്ല പ്രസിഡന്‍റ്​ സുധീപ് പയ്യന്നൂർ അധ്യക്ഷത വഹിച്ചു.

ജില്ല ജനറൽ സെക്രട്ടറി കെ.എൻ.എൻ സകരിയ സ്വാഗതം പറഞ്ഞു. ജില്ല വർക്കിങ്​ പ്രസിഡന്‍റ്​ ബിജേഷ് കടമ്പൂരാൻ ആമുഖ പ്രസംഗം നടത്തി. ഇൻകാസ് സെൻട്രൽ കമ്മിറ്റി ഓർഗ. ജനറൽ സെക്രട്ടറി എസ്.എം ജാബിർ, വർക്കിങ്​ പ്രസിഡന്‍റ്​ ഷാജി അലവിൽ, സ്റ്റേറ്റ് പ്രസിഡന്‍റ്​ റഫീഖ് മട്ടന്നൂർ, ഇൻകാസ് ഗ്ലോബൽ നേതാവ് അഡ്വ. ആഷിക് തൈക്കണ്ടി, സെൻട്രൽ കമ്മിറ്റി ജനറൽ സെക്രട്ടറിമാരായ ബി.എ നാസർ, സി.എ ബിജു, സ്റ്റേറ്റ്​ ജനറൽ സെക്രട്ടറി ഷൈജു അമ്മാനപ്പാറ, അനന്തൻ മയ്യിൽ, സുനിൽ നമ്പ്യാർ, നളിനി അനന്തൻ, റിയാസ് മുണ്ടേരി തുടങ്ങിയവർ ആശംസ നേർന്നു. വൈസ് പ്രസിഡന്‍റ്​ തമ്പാൻ പറമ്പത്ത് നന്ദി പറഞ്ഞു.