ചിരി വാതകം വേണ്ട,  പിന്നെ കരച്ചിലാവും

അബൂദബി: ലഹരി വിപത്തിനെ കെട്ടുകെട്ടിക്കാൻ പൊലീസും വിവിധ സർക്കാർ ഏജൻസികളും കിണഞ്ഞു ശ്രമിക്കുന്നതിനിടെ മയക്കുമരുന്ന്​ സംഘങ്ങൾ പല തരം വേഷങ്ങളും വിദ്യകളുമായി യുവതലമുറയെ കുരുക്കിലാക്കുന്നു. ചിരി വാതകം എന്ന്​ വിളിക്കപ്പെടുന്ന ഇൗഥൈൽ ക്ലോറൈഡ്​ സ്​പ്രേ ആണ്​ കൗമാരക്കാരെ വലയിലാക്കാൻ ഇൗ സംഘങ്ങൾ ഉപയോഗിക്കുന്ന ഒരു വഴി. ഇൗ വാതകം ശ്വസിച്ചതുമൂലമുണ്ടായ ഗുരുതര ആരോഗ്യ പ്രശ്​നങ്ങളുമായി കൗമാരക്കാർ ആശുപത്രികളിലെത്തുന്നത്​ ശ്രദ്ധയിൽപ്പെട്ട്​ ആരോഗ്യ-രോഗപ്രതിരോധ മന്ത്രാലയം പ്രത്യേക മുന്നറിയിപ്പ്​ നൽകിയതായി അസി. അണ്ടർ ​െസക്രട്ടറി ഡോ. അമിൻ അൽ അമീറി പറഞ്ഞു.  

ഇത്തരം അപകടകരമായ വസ്​തുക്കളുടെ വിൽപന നിയന്ത്രിക്കണമെന്നും ദുരുപയോഗം തടയാൻ കർശന നിരീക്ഷണം വേണമെന്നും മന്ത്രാലയം നിർദേശിക്കുന്നു. അവധിക്കാലമാകയാൽ കുട്ടികളെ വലയിലാക്കാൻ ലഹരി കച്ചവടക്കാർ പലതരം തന്ത്രങ്ങൾ പ്രയോഗിക്കുന്നുണ്ട്​. പാർക്കുകളിലും നിരത്തുകളിലും കുട്ടികളെ പ്രലോഭിപ്പിച്ച്​ ചങ്ങാത്തം സ്​ഥാപിക്കുന്ന ഇവർ ചിരി വാതകം പോലുള്ള ലഹരികൾ പരീക്ഷിക്കാനായി നൽകും. തമാശക്ക്​ ഉപയോഗിക്കാനാണെന്നും ചിരി വരുമെന്നുമെല്ലാം പറഞ്ഞ്​ നൽകുന്ന ഇൗ വാതകം കൗതുകത്തിനായി ഉപയോഗിക്കുന്നവർ ക്രമേണ അതിന്​ അടിപ്പെടും. മാതാപിതാക്കളും മുതിർന്നവരും ഇൗ വിപത്തിനെക്കുറിച്ച്​ ബോധവാൻമാരാവുകയും കുട്ടികളുടെ കാര്യത്തിൽ കൂടുതൽ ശ്രദ്ധ കാണിക്കുകയും വേണം.  

ഹൃദയ തകരാറുകൾ, രക്​ത ഒാട്ടം കുറയൽ, വിറയൽ, ഉറക്കമില്ലായ്​മ, ഉൽകണ്​ഠ, കടുത്ത തലവേദന തുടങ്ങിയ പ്രശ്​നങ്ങളുമായി 12നും 17നും ഇടയിൽ പ്രായമുള്ള നിരവധി പേരാണ്​ രാജ്യത്തെ വിവിധ ആശുപത്രികളിൽ പ്രവേശിപ്പിക്കപ്പെട്ടത്​. ഇൗഥൈൽ ക്ലോറൈഡി​​​​െൻറ ഉപയോഗമാണ്​ പലരിലും മരണവക്കി​െലത്തിക്കുന്ന ഇത്തരം കുഴപ്പങ്ങൾക്ക്​ വഴിവെച്ചതെന്ന്​ ആരോഗ്യ പരിശോധനയിൽ വ്യക്​തമായി. ആരോഗ്യ മന്ത്രാലയത്തി​​​​െൻറ മുന്നറിയിപ്പ്​ ലഭിച്ചയുടനെ ദുബൈ, ഷാർജ, അജ്​മാൻ പൊലീസ്​ അധികാരികൾ പ്രത്യേക ശ്രദ്ധ പുലർത്താൻ  മയക്കുമരുന്ന്​ വിരുദ്ധ വിഭാഗങ്ങൾക്ക്​ നിർദേശം നൽകി. കൗമാരക്കാർ ലഹരിക്കായി ഇത്തരം വാതകങ്ങളോ വേദനാ സംഹാരികളോ ഉപയോഗിക്കുന്നത്​ ശ്രദ്ധയിൽപ്പെട്ടാൽ അവരെ അറസ്​റ്റ്​ ചെയ്യുമെന്ന്​ ദുബൈ പൊലീസ്​ അധികൃതർ വ്യക്​തമാക്കി.