സാമൂഹിക പ്രവർത്തകൻ ഉമ്മർ കല്ലറക്കലിന്‍റെ ഭാര്യ ഷാർജയിൽ നിര്യാതയായി

ഷാർജ: ഷാർജ എം.ഇ.എസ് മുൻ പ്രസിഡന്‍റും സാമൂഹിക പ്രവർത്തകനുമായ തൃശൂർ പെരിങ്ങോട്ടുകര സ്വദേശി കല്ലറക്കൽ ഉമ്മറിന്‍റെ ഭാര്യ ഷക്കീല ഷാർജയിൽ (64) നിര്യാതയായി. കെ.എസ്​.എഫ്​.ഇ മുൻ ജനറൽ മാനേജർ കോഴിക്കോട് കുന്ദമംഗലം സ്വദേശി അഡ്വ. കെ.സി. കോയസ്സൻ കുട്ടിയുടെ മകളാണ്.

ഖബറടക്കം തിങ്കളാഴ്ച വൈകുന്നേരം ഷാർജയിൽ നടക്കും. ജനാസ നമസ്കാരം തിങ്കളാഴ്ച അസർ നമസ്‌കാരത്തിനു ശേഷം സജയിലെ മസ്ജിദുൽ ഖദീജയിൽ.

മക്കൾ: ഷമ ഉമ്മർ (ഷാർജ), ഷാം ഉമ്മർ (ബംഗളൂരു), ഷെഫ്റിൻ ഉമ്മർ (ഷാർജ). മരുമക്കൾ: മുഹമ്മദ് ഷാജിത്ത് (മലപ്പുറം), റിസ അബ്ദുൽ റഷീദ് (കോഴിക്കോട്), രേഷ്‌മ കെ.എം (മലപ്പുറം).