ആദ്യ ഇസ്​ലാമിക്​ ബാങ്ക്​ സ്​ഥാപകൻ സഇൗദ്​ ലൂത്ത അന്തരിച്ചു

ദുബൈ: ലോകത്തിലെ ആദ്യ ഇസ്​ലാമിക്​ ബാങ്ക്​ സ്​ഥാപകനും പ്രമുഖ സാമ്പത്തിക വിദഗ്​ദനും വ്യവസായിയുമായ ഹാജ്​ സഇൗദ്​ ബിൻ അഹ്​മദ്​ അൽ ലൂത്ത (97) അന്തരിച്ചു. 1923ൽ ദുബൈയിൽ ജനിച്ച സഇൗദ്​ ലൂത്ത യു.എ.ഇയുടെ സാമ്പത്തിക പുരോഗതിയിൽ നിർണായക പങ്ക്​ വഹിച്ചിരുന്നു.

ദുബൈ കൺസ്യൂമർ കോഒാപറേറ്റീവ്​, ദുബൈ ഇസ്​ലാമിക്​ ബാങ്ക് എന്നിവ ഉൾപെടെ വിവിധ സ്​ഥാപനങ്ങളും സൊസൈറ്റികളും സംഘടനകളും സ്​ഥാപിച്ചത്​ അദ്ദേഹത്തി​െൻറ നേതൃത്വത്തിലാണ്​. 1983ൽ ഇസ്​ലാമിക്​ എഡുകേഷൻ സ്​കൂളും 86ൽ പെൺകുട്ടികൾക്കായി ദുബൈ മെഡിക്കൽ കോളജും സ്​ഥാപിച്ചു. 1956ൽ സഹോദരനുമൊത്ത്​ എസ്​.എസ്​ ലൂത്ത കോൺട്രാക്​ടിങ് കമ്പനി തുടങ്ങിയതാണ്​ വഴിത്തിരിവായത്​. പ്രമുഖ സ്​ഥാപനമായി വളർന്ന എസ്​.എസ്​ ലൂത്തയുടെ ചെയർമാനാണ്​ അദ്ദേഹം. നാവികൻ എന്ന നിലയിൽ നിന്ന്​ വൻ വ്യവസായിയായ ചരിത്രമാണ്​ സഇൗദ്​ ലൂത്തയുടേത്​. സാമ്പത്തിക വിദഗ്​ദൻ, ബാങ്കർ, ദീർഘവീക്ഷണമുള്ള നേതാവ്​, എഴുത്തുകാരൻ, അധ്യാപകൻ എന്നീ നിലകളിലും സാന്നിധ്യം അറിയിച്ചിരുന്നു.

സഇൗദ്​ ലൂത്തയുടെ നി​ര്യാണത്തിൽ യു.എ.ഇ വൈസ്​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം അനുശോചിച്ചു. ഒന്നുമില്ലായ്​മയിൽ നിന്ന്​ വ്യവസായ ​േലാകം കെട്ടിപ്പടുത്തയാളാണ്​ സഇൗദ്​ ലൂത്ത എന്ന്​ അദ്ദേഹം അനുസ്​മരിച്ചു. ദുബൈയുടെ സാമ്പത്തികാവസ്​ഥയിൽ അദ്ദേഹത്തി​െൻറ സ്​പർശമുണ്ട്​. അദ്ദേഹത്തി​െൻറ ആത്​മവാവിന്​ ശാന്തി ലഭിക്ക​െട്ടയെുന്നം കുടുംബത്തിന്​ ഇത്​ നേരിടാനുള്ള ശക്​തി ദൈവം നൽക​േട്ടയെന്നും ശൈഖ്​ മുഹമ്മദ്​ പറഞ്ഞു.