ഷാർജയിലും സ്കൂൾ ഫീസ് വർധനക്ക് അനുമതി

ഷാർജ: ദുബൈക്ക് പിന്നാലെ ഷാർജയിലെ സ്വകാര്യ വിദ്യാലയങ്ങൾക്കും ഫീസ് വർധനക്ക് അനുമതി. അടുത്ത അധ്യയനവർഷം അഞ്ച് ശതമാനം വരെ ഫീസ് വർധിപ്പിക്കാനാണ് ഷാർജ പ്രൈവറ്റ് എജുക്കേഷൻ അതോറിറ്റി അനുമതി നൽകിയത്.

റേറ്റിങ് പരിശോധനയിൽ സ്വീകാര്യം എന്ന കാറ്റഗറിക്ക് മുകളിൽ യോഗ്യത നേടിയ സ്കൂളുകൾക്കാണ് ഫീസ് വർധിപ്പിക്കാൻ അനുമതി ലഭിക്കുക. രാജ്യത്തെ പണപ്പെരുപ്പ നിരക്ക് കൂടി പരിഗണിച്ചാണ് തീരുമാനെന്ന് അതോറിറ്റി അറിയിച്ചു.