ശൈ​ഖ്​ ഹം​ദാ​ൻ ഉ​പ പ്ര​ധാ​ന​മ​ന്ത്രി പ​ദ​ത്തി​ൽ ഒ​രാ​ണ്ട്​

ദു​ബൈ: ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം യു.​എ.​ഇ​യു​ടെ ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ​മ​ന്ത്രി​യു​മാ​യി ചു​മ​ത​ല​യേ​റ്റി​ട്ട്​ ഒ​രാ​ണ്ട്. ക​ഴി​ഞ്ഞ വ​ർ​ഷം ജൂ​ലൈ 18നാ​യി​രു​ന്നു സു​പ്ര​ധാ​ന പ​ദ​വി​യി​ൽ ദു​ബൈ കി​രീ​ടാ​വ​കാ​ശി അ​ധി​കാ​ര​മേ​റ്റ​ത്. ആ​ദ്യ വ​ർ​ഷ​ത്തി​ൽ​ത​ന്നെ യു.​എ.​ഇ​യു​ടെ പ്ര​തി​രോ​ധ മേ​ഖ​ല​യി​ൽ സു​പ്ര​ധാ​ന മാ​റ്റ​ങ്ങ​ൾ​ക്ക്​ തു​ട​ക്കം​കു​റി​ക്കാ​നും ഇ​ന്ത്യ​യ​ട​ക്ക​മു​ള്ള രാ​ജ്യ​ങ്ങ​ൾ സ​ന്ദ​ർ​ശി​ച്ച്​ അ​ന്താ​രാ​ഷ്ട്ര​ത​ല​ത്തി​ൽ യു.​എ.​ഇ​യു​ടെ മു​ഖ​മാ​കാ​നും അ​ദ്ദേ​ഹ​ത്തി​ന്​ സാ​ധി​ച്ചു.

2024 ജൂ​ലൈ 14നാ​ണ്​ യു.​എ.​ഇ വൈ​സ്​ പ്ര​സി​ഡ​ന്റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം, ശൈ​ഖ്​ ഹം​ദാ​നെ പു​തി​യ പ​ദ​വി​യി​ലേ​ക്ക്​ നാ​മ​നി​ർ​ദേ​ശം ചെ​യ്ത​ത്. യു.​എ.​ഇ ​പ്ര​സി​ഡ​ന്റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ന്‍റെ അം​ഗീ​കാ​ര​ത്തോ​ടെ​യു​ള്ള തീ​രു​മാ​ന​ത്തെ തു​ട​ർ​ന്ന്​ ജൂ​ലൈ 18ന്​ ​സ​ത്യ​പ്ര​തി​ജ്ഞ ചെ​യ്ത്​ അ​ധി​കാ​ര​മേ​ൽ​ക്കു​ക​യും ചെ​യ്തു.ഇ​ത്​ ഭ​ര​ണാ​ധി​കാ​ര​ത്തി​ന്‍റെ ത​ല​മു​റ മാ​റ്റ​ത്തി​ന്‍റെ പ്ര​തീ​ക​മെ​ന്ന​തി​ലു​പ​രി, രാ​ജ്യ​ത്തി​ന്‍റെ പ്ര​തി​രോ​ധ രം​ഗ​ത്ത്​ കൂ​ടു​ത​ൽ ന​വീ​ക​ര​ണ​വും സാ​​ങ്കേ​തി​ക മി​ക​വും ഭാ​വി മു​ന്നേ​റ്റ​വും ല​ക്ഷ്യം​വെ​ച്ചു​ള്ള സു​പ്ര​ധാ​ന തീ​രു​മാ​ന​മാ​യി​രു​ന്നു. ദു​ബൈ കി​രീ​ട​വ​കാ​ശി​യും എ​ക്സി​ക്യൂ​ട്ടി​വ്​ കൗ​ൺ​സി​ൽ ചെ​യ​ർ​മാ​നു​മെ​ന്ന നി​ല​യി​ൽ നേ​ര​ത്തേ​ത​ന്നെ പ്ര​ക​ട​മാ​ക്കി​യ നേ​തൃ​മി​ക​വ്​ പ്ര​തി​രോ​ധ രം​ഗ​ത്തും ശൈ​ഖ്​ ഹം​ദാ​ൻ ക​ഴി​ഞ്ഞ 12 മാ​സ​ത്തി​ൽ പ്ര​തി​ഫ​ലി​പ്പി​ച്ചു.

മ​ന്ത്രാ​ല​യ​ത്തി​ന്‍റെ എ​ല്ലാ രം​ഗ​ങ്ങ​ളെ​യും അ​തി​വേ​ഗ​ത്തി​ൽ പ​ഠി​ച്ചെ​ടു​ത്ത അ​ദ്ദേ​ഹം രാ​ജ്യ​ത്തി​ന്‍റെ അ​തി​ർ​ത്തി​യി​ലെ സൈ​നി​ക​രു​ടെ പ്ര​വ​ർ​ത്ത​ന​ങ്ങ​ൾ നേ​രി​ട്ടു​ കാ​ണാ​നും അ​വ​രു​മാ​യി സം​വ​ദി​ക്കാ​നും സ​യ​മം ക​ണ്ടെ​ത്തി. റ​മ​ദാ​നി​ൽ ഹ​ത്ത അ​തി​ർ​ത്തി​യി​ലെ സേ​നാം​ഗ​ങ്ങ​ൾ​ക്കൊ​പ്പം നോ​മ്പു തു​റ​ക്കാ​നും അ​ദ്ദേ​ഹ​മെ​ത്തി. അ​ന്താ​രാ​ഷ്ട്ര​ത​ല​ത്തി​ലും ശ്ര​ദ്ധേ​യ​മാ​യ സ​ന്ദ​ർ​ശ​ന​ങ്ങ​ളു​മാ​യി ശൈ​ഖ്​ ഹം​ദാ​ൻ ക​ഴി​ഞ്ഞ ഒ​രു വ​ർ​ഷ​ക്കാ​ലം നി​റ​ഞ്ഞു​നി​ന്നു.ഇ​ന്ത്യ, ഖ​ത്ത​ർ, ഒ​മാ​ൻ, ഉ​സ്​​ബെ​കി​സ്താ​ൻ, കു​വൈ​ത്ത്​ എ​ന്നീ രാ​ജ്യ​ങ്ങ​ൾ ഔ​ദ്യോ​ഗി​ക​മാ​യി സ​ന്ദ​ർ​ശി​ച്ച​വ​യി​ൽ ഉ​ൾ​​പ്പെ​ടും.ഇ​ന്ത്യ​യു​ടെ ഔ​ദ്യോ​ഗി​ക ക്ഷ​ണം സ്വീ​ക​രി​ച്ച്​ ന​ട​ന്ന സ​ന്ദ​ർ​ശ​നം ഇ​രു​രാ​ജ്യ​ങ്ങ​ൾ​ക്കു​മി​ട​യി​ലെ ന​യ​ത​ന്ത്ര, സ​ഹ​ക​ര​ണ രം​ഗ​ത്തെ ഊ​ഷ്മ​ള​ത​യെ അ​ട​യാ​ള​പ്പെ​ടു​ത്തു​ന്ന​താ​യി​രു​ന്നു. ഇ​ക്ക​ഴി​ഞ്ഞ മേ​യി​ൽ ന​ട​ത്തി​യ ഒ​മാ​ൻ സ​ന്ദ​ർ​ശ​ന​വും ശ്ര​ദ്ധേ​യ​മാ​യി​രു​ന്നു.

ശൈ​ഖ്​ ഹം​ദാ​ന്​ ആ​ശം​സാ ക​വി​ത​യു​മാ​യി ശൈ​ഖ്​ മു​ഹ​മ്മ​ദ്​

ദു​ബൈ: ഉ​പ പ്ര​ധാ​ന​മ​ന്ത്രി​യും പ്ര​തി​രോ​ധ മ​ന്ത്രി​യു​മാ​യി ചു​മ​ത​ല​യേ​റ്റ​തി​ന്‍റെ ഒ​ന്നാം വാ​ർ​ഷി​ക പ‍ശ്ചാ​ത്ത​ല​ത്തി​ൽ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന് ക​വി​ത​യി​ലൂ​ടെ ആ​ശം​സ​യ​റി​യി​ച്ച്​ യു.​എ.​ഇ വൈ​സ്​ പ്ര​സി​ഡ​ന്റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം. എ​ക്സ്​ അ​ക്കൗ​ണ്ടി​ലാ​ണ്​ വി​ഡി​യോ ചി​ത്രീ​ക​ര​ണ​ത്തോ​ടെ ക​വി​ത പ​ങ്കു​വെ​ച്ച​ത്.

മ​ക​ന്​ സ്​​നേ​ഹ​പൂ​ർ​വം പി​താ​വ്​ സ​മ​ർ​പ്പി​ച്ച വ​രി​ക​ൾ മ​നോ​ഹ​ര​മാ​യി ഗാ​ന​മാ​യാ​ണ്​ വി​ഡി​യോ​യി​ൽ അ​വ​ത​രി​പ്പി​ച്ചി​ട്ടു​ള്ള​ത്. പ്ര​മു​ഖ ഇ​മാ​റാ​ത്തി ഗാ​യ​ക​ൻ ഈ​ദ അ​ൽ മി​ൻ​ഹാ​ലി​യാ​ണ്​ പാ​ട്ട്​ പാ​ടി​യി​ട്ടു​ള്ള​ത്. അ​റ​ബി​യി​ലെ വ​രി​ക​ൾ ​ശൈ​ഖ്​ ഹം​ദാ​ന്‍റെ നേ​തൃ​മി​ക​വി​ലു​ള്ള വി​ശ്വാ​സ​വും അ​ഭി​മാ​ന​വും പ്ര​തി​ഫ​ലി​പ്പി​ക്കു​ന്ന​താ​ണ്.