ഷെമീറും നിധിലും തോറ്റില്ല;  സ്​നേഹവും നൻമയും ജയിച്ചു

ദുബൈ: ഷാർജ നഹ്​ദയിൽ താമസിക്കുന്ന വടകരക്കാരൻ ഷെമീർ  കാദിയാരകം ഫേസ്​ബുക്കിൽ പതിവുപോലെ ഒരു പോസ്​റ്റ്​ ഇട്ടതാണ്​. സാമൂഹിക വിഷയങ്ങളെക്കുറിച്ചെല്ലാം ത​​​െൻറ വീക്ഷണം സ്വന്തം ശൈലിയിൽ വീഡിയോ ആയും സ്​റ്റാറ്റസ്​ ആയും പോസ്​റ്റ്​ ചെയ്യാറുണ്ട്​്​. ദൈവകൽപനയും പ്രവാചക​ചര്യയുംഅതു പാലിക്കാൻ ബാധ്യസ്​ഥരായ ജനങ്ങൾ  ധിക്കരിക്കുന്നതു കാണു​േമ്പാൾ സങ്കടം തോന്നി ​സാഹചര്യത്തിന്​ അനുസരിച്ചുള്ള ഖുർആൻ വാക്യങ്ങളും പ്രവാചക വചനങ്ങളും പോസ്​റ്റ്​ ചെയ്യും. പല പോസ്​റ്റും  കൂട്ടുകാർ ​​​ഗ്രൂപ്പുകളിൽ ഷെയർ ചെയ്യും. ലൈക്കുമടിക്കും.   മതം മാറ്റത്തെക്കുറിച്ച്​ ഇൗയിടെ ഇട്ട പോസ്​റ്റിന്​ പ്രതികരണം സാധാരണ രീതിയിലായിരുന്നില്ല.  ആർക്കായാലും ദേഷ്യം തോന്നിയേക്കാവുന്ന കടുത്ത ഭാഷയിലായിരുന്നു വന്ന പ്രതികരണങ്ങൾ. മോശം കമൻറിട്ട ആരെയും ഷെമീർ തിരിച്ച്​ ചീത്ത വിളിച്ചില്ല.

പക്ഷെ ഏറ്റവും മോശമായ കമൻറിട്ടയാളെ ഇദ്ദേഹം ഫോണിൽ വിളിച്ചു. തമ്മിൽ കാണണമെന്ന്​ പറഞ്ഞു. അടുത്ത ദിവസം തന്നെ ദുബൈ അൽഖൂസിൽ താമസിക്കുന്ന തലശ്ശേരി സ്വദേശി നിധിൽ രാജിനെ വന്നു കണ്ടു. ഇത്ര വലിയ തെറിവിളിച്ചിട്ടും മുന്നിൽ വന്ന്​ പുഞ്ചിരിച്ചു നിൽക്കുന്ന മനുഷ്യനെ കണ്ടപ്പോൾ നിധിലിന്​ വാക്കുകൾ കിട്ടാതെയായി. ഇരുവരും ഒന്നിച്ചിരുന്ന്​ ചായ കുടിച്ചു. പിന്നെ   മനസ്​ തുറന്നു. ഇത്​ ത​​​െൻറ നൻമയല്ലെന്നും  വിളിച്ചതും കാണാൻ കൂട്ടാക്കിയ നിധിലി​​​െൻറ സന്നദ്ധതയെയാണ്​ താൻ വിലമതിക്കുന്നതെന്നും ഷെമീർ പറയുന്നു. തെറ്റായ വാക്കുകൾ ഉപയോഗിച്ചതിന്​ നിധിൽ ഖേദവും പ്രകടിപ്പിച്ചു.

അങ്ങിനെ ഫേസ്​ബുക്കിൽ തെറിവിളിച്ചു തുടങ്ങിയ പ്രശ്​നം ഫേസ്​ബുക്കിലൂടെ നടത്തിയ സ്​നേഹപ്രഖ്യാപനത്തിലൂടെ അവസാനിച്ചു. വിവാദ കമൻറുകൾ വന്നു വീണ പോസ്​റ്റ്​ ഷെമീർ ഒഴിവാക്കി. ഇരുവരും ഒരുമിച്ചിരുന്ന്​ സ്​നേഹപൂർവം സംസാരിക്കുന്ന വീഡിയോ നിരവധി ലക്ഷം ആളുകളാണ്​ ഇതിനകം കണ്ടത്​. സ്​നേഹം കൊണ്ട്​ പകരം വീട്ടിയ ഷെമീറി​ന്​ അനുമോദനമറിയിച്ച്​ ലോകത്തി​​​െൻറ പല കോണുകളിൽ നിന്ന്​ നൂറുകണക്കിന്​ സന്ദേശങ്ങളുമെത്തുന്നുണ്ട്​.