ഗതാഗതക്കുരുക്കിൽ ദുബൈ നിവാസികൾക്ക്​  പാഴായത്​ ‘മൂന്ന്​ പ്രവൃത്തി ദിവസം’

ദുബൈ: കഴിഞ്ഞ വർഷം ദുബൈയി​െല റോഡുകളിലുണ്ടായ ഗതാഗത ക്കുരുക്കുകളിൽ പെട്ട്​ ദുബൈയിലെ യാത്രികർക്ക്​ വാഹനങ്ങൾക്കുള്ളിൽ ചെലവഴിക്കേണ്ടിവന്നത്​​ ശരാശരി 29 മണിക്കൂർ. മൂന്ന്​ പ്രവൃത്തി ദിവസങ്ങൾക്ക്​ തുല്ല്യമായ സമയമാണിത്​. അന്താരാഷ്​ട്ര ട്രാൻസ്​പോർ​േട്ടഷൻ കൺസൾട്ടൻസിയായ ഇൻറിക്​സി​​​​െൻറ 78ാം പഠന റിപ്പോർട്ടിലാണ്​ ഇക്കാര്യമുള്ളത്​.

ലോകത്തെ നൂറ്​ മുൻനിര നഗരങ്ങൾ ഉൾപ്പെടുത്തി തയാറാക്കിയ പട്ടികയിൽ 78ാമതാണ്​ ദുബൈയുടെ സ്​ഥാനം. അബൂദബിയിൽ സ്​ഥിതി അൽപം മെച്ചമാണ്​ 13 മണിക്കൂറാണ്​ ഇവിടുത്തുകാർക്ക്​ 2017ൽ ഗാതാഗതക്കുരുക്കിൽ കഴിയേണ്ടിവന്നത്​. യാത്രികരെ 102 മണിക്കൂർ റോഡിൽ കിടത്തിയ ലോസ്​എഞ്ചലസാണ്​ പട്ടികയിൽ മുമ്പൻ. മോസ്​ക്കോ, ന്യൂയോർക്ക്​, സാവോപോളോ, സാൻഫ്രാൻസിസ്​കോ എന്നിവയാണ്​ തൊട്ടുപിന്നിൽ.

മെട്രോ ട്രെയിനും ​ട്രാമും അടക്കം യാത്രക്കാർക്കായി ദുബൈയിലുള്ള ബദൽ മാർഗങ്ങൾ യാത്രികർക്ക്​ ആശ്വാസം നൽകുന്നുണ്ട്​. സാലിക്​ ഏർപ്പെടുത്തിയിരിക്കുന്നതും മറ്റ്​ മാർഗങ്ങൾ തേടാൻ യാത്രികരെ പ്രേരിപ്പിക്കുന്നുണ്ടെന്ന്​ ഗവേഷണ വിഭാഗം തലവനും ചീഫ്​ ഇക്കണോമിസ്​റ്റുമായ ഗ്രഹാം കുക്​സൺ പറഞ്ഞു.