തിരുവനന്തപുരം സ്വദേശി റാസൽ ഖൈമയിൽ നിര്യാതനായി

റാസൽ ഖൈമ: തിരുവനന്തപുരം പാറാട്ടുകോണം സ്വദേശി ദേവദത്തൻ (62) നിര്യാതനായി. റാസൽ ഖൈമ ഖലീഫ ഹോസ്പിറ്റലിൽ ഒരുമാസമായി ച ികിത്സയിലായിരുന്നു. മൂന്ന് വർഷമായി അർബുദരോഗത്തെ തുടർന്ന് നാട്ടിൽ ചികിത്സ തേടിയിരുന്നു.

25 വർഷമായി യു.എ.ഇയിലെ വിവിധ എമിറേറ്റുകളിൽ സേവനമനുഷ്​ഠിച്ചു. നിലവിൽ ഏജിക്കോ എന്ന സ്ഥാപനത്തി​​െൻറ ഫുജൈറ ബ്രാഞ്ചിൽ ആയിരുന്നു ജോലി.

ഭാര്യ: ശ്രീദേവി, മക്കൾ: അരുൺ(സിംഗപ്പൂർ), അനന്തു (റാസൽ ഖൈമ ). റാസൽ ഖൈമയിലെ സാമൂഹിക പ്രവർത്തകൻ ശ്രീധരപ്രസാദി​​െൻറ സഹോദരീ ഭർത്താവ് ആണ് ദേവദത്തൻ. നിയമ നടപടികൾ പൂർത്തീകരിച്ച് മൃതദേഹം നാട്ടിലേക്ക് കൊണ്ടുപോകുമെന്ന് ബന്ധുക്കൾ പറഞ്ഞു. തിരുവനന്തപുരം ശാന്തികവാടത്തിൽ ആണ് സംസ്കാരം.