നാ​ലു വ​ർ​ഷ​ത്തി​നി​ടെ 17,619 അ​ഫ്​​ഗാ​നി​ക​ൾ​ക്ക്​ അ​ഭ​യ​ം നൽകി യു.​എ.​ഇ

ദു​ബൈ: അ​ഫ്​​ഗാ​നി​സ്താ​നി​ൽ താ​ലി​ബാ​ൻ ഭ​ര​ണ​ത്തി​ലേ​റി​യ ശേ​ഷം 17,619 പേ​ർ​ക്ക്​ അ​ഭ​യ​മൊ​രു​ക്കി യു.​എ.​ഇ. അ​ഫ്​​ഗാ​നി​സ്താ​നി​ൽ​നി​ന്നു​ള്ള അ​ഭ​യാ​ർ​ഥി​ക​ളെ സം​ര​ക്ഷി​ക്കു​ന്ന​തി​ന്​ 135 കോ​ടി ദി​ർ​ഹം ചെ​ല​വ​ഴി​ച്ച​താ​യും വി​ദേ​ശ​കാ​ര്യ മ​ന്ത്രാ​ല​യം വെ​ളി​പ്പെ​ടു​ത്തി. മ​റ്റു രാ​ജ്യ​ങ്ങ​ളി​ലേ​ക്ക്​ മാ​റു​ന്ന​തു വ​രെ അ​ബൂ​ദ​ബി​യി​ലെ എ​മി​റേ​റ്റ്​​സ്​ ഹ്യു​മാ​നി​റ്റേ​റി​യ​ൻ സി​റ്റി​യി​ലാ​ണ്​ ഇ​വ​ർ​ക്ക്​ അ​ഭ​യ​മൊ​രു​ക്കി​യ​ത്.

യു.​എ​സ് സേ​ന​യു​ടെ പി​ന്മാ​റ്റ​ത്തെ തു​ട​ർ​ന്ന്​ താ​ലി​ബാ​ൻ അ​ധി​കാ​ര​ത്തി​ലേ​റി​യ​തോ​ടെ നി​ര​വ​ധി​പേ​രാ​ണ്​ രാ​ജ്യം വി​ട്ട​ത്. ഇ​ത്ത​ര​ത്തി​ൽ എ​ത്തി​യ​വ​ർ​ക്കാ​ണ്​ യു.​എ.​ഇ അ​ഭ​യ​മൊ​രു​ക്കി​യ​ത്.അ​ഫ്​​ഗാ​ൻ പൗ​ര​ന്മാ​രു​ടെ എ​ല്ലാ ആ​വ​ശ്യ​ങ്ങ​ളും നി​റ​വേ​റ്റു​ന്ന രീ​തി​യി​ലാ​ണ്​ സ​ഹാ​യം ന​ൽ​കി​വ​ന്ന​ത്. ആ​രോ​ഗ്യം, ലോ​ജി​സ്റ്റി​ക്സ്, ന​യ​ത​ന്ത്ര​പ​ര​മാ​യ സേ​വ​ന​ങ്ങ​ൾ, താ​മ​സം, ഭ​ക്ഷ​ണം എ​ന്നി​വ​യെ​ല്ലാം ഇ​തി​ൽ ഉ​ൾ​പ്പെ​ടും. എ​ല്ലാ​വ​ർ​ക്കും സ​ന്തോ​ഷ​ക​ര​വും ക്ഷേ​മ​പൂ​ർ​ണ​വു​മാ​യ ജീ​വ​തം ഉ​റ​പ്പു​വ​രു​ത്താ​നാ​ണ്​ ന​ട​പ​ടി സ്വീ​ക​രി​ച്ച​തെ​ന്നും മ​ന്ത്രാ​ല​യം പ്ര​സ്താ​വ​ന​യി​ൽ പ​റ​ഞ്ഞു.

അ​തോ​ടൊ​പ്പം എ​മി​റേ​റ്റ്​​സ്​ ഹ്യു​മാ​നി​റ്റേ​റി​യ​ൻ സി​റ്റി അ​ഭ​യാ​ർ​ഥി​ക​ൾ പോ​കാ​ൻ ഉ​ദ്ദേ​ശി​ക്കു​ന്ന രാ​ജ്യ​ങ്ങ​ളി​ലേ​ക്കു​ള്ള യാ​ത്ര എ​ളു​പ്പ​മാ​ക്കു​ന്ന​തി​ന്​ 17 ഓ​ഫി​സു​ക​ളും തു​റ​ന്നു. സി​റ്റി​യി​ൽ വി​ദ്യാ​ഭ്യാ​സ സൗ​ക​ര്യ​ങ്ങ​ൾ ഒ​രു​ക്കി​യ​തി​നൊ​പ്പം സ്കൂ​ളു​ക​ളി​ലേ​ക്ക്​ വാ​ഹ​ന​ഗ​താ​ഗ​ത​വും സ​ജ്ജീ​ക​രി​ച്ചി​രു​ന്നു. ട്രെ​യി​നി​ങ്, പ്ര​ഫ​ഷ​ന​ൽ കോ​ഴ്​​സു​ക​ൾ 2600 പേ​ർ​ക്ക്​ ഉ​പ​കാ​ര​പ്പെ​ട്ടി​ട്ടു​ണ്ട്.

അ​ഫ്​​ഗാ​ൻ ജ​ന​ത​യെ സ​ഹാ​യി​ക്കാ​നു​ള്ള ഒ​രു പ​രി​ശ്ര​മ​വും യു.​എ.​ഇ ന​ഷ്ട​പ്പെ​ടു​ത്തി​യി​ല്ലെ​ന്നും, ഇ​ത്​ രാ​ജ്യ​ത്തി​ന്‍റെ ജീ​വ​കാ​രു​ണ്യ കാ​ഴ്ച​പ്പാ​ടി​ന്‍റെ​യും സ​മാ​ധാ​ന​വും സ​ഹ​വ​ർ​ത്തി​ത്വ​വും സ​ഹി​ഷ്ണു​ത​യും മാ​ന​വി​ക സാ​ഹോ​ദ​ര്യ​വും പ്ര​ച​രി​പ്പി​ക്കു​ന്ന​തി​ന്‍റെ ഭാ​ഗ​മാ​ണെ​ന്നും പ്ര​സ്താ​വ​ന​യി​ൽ മ​ന്ത്രാ​ല​യം വ്യ​ക്ത​മാ​ക്കി.