വളാഞ്ചേരി സ്വദേശി അബൂദബിയിൽ നിര്യാതനായി

അബൂദബി: മലപ്പുറം വളാഞ്ചേരി മൂന്നാക്കൽ സ്വദേശി അബ്ദു റഷീദ് (54) അബൂദബിയിൽ നിര്യാതനായി. അബൂദബി എൻ.എം.സി റോയൽ ആശുപത്രിയിലായിരുന്നു മരണം.

അബൂദബി സ്വകാര്യ ട്രേഡിങ് കമ്പനിയിലെ പി.ആർ.ഒ ജീവനക്കാരനായിരുന്നു. പിതാവ്: പരേതരായ അബ്ദുൽഹമീദ്. മാതാവ്: അലീമ. ഭാര്യ: സലീന. മക്കൾ: അലീമ റെസിലിൻ, ഫാത്തിമ റിയ, ഫാത്തിമ രിത. നടപടികൾ പൂർത്തിയാക്കി മയ്യിത്ത് നാട്ടിലേക്ക് കൊണ്ടുപോയി. ശനിയാഴ്ച മൂന്നാക്കൽ ജുമാഅത്ത് പള്ളിയിൽ ഖബറടക്കും.