യന്ത്ര ഉൗഞ്ഞാലിൽ നിന്നു വീണ് 10 വയസ്സുകാരി മരിച്ചു;ആറു പേർക്ക്​ പരിക്ക്​

അനന്തപൂർ: കാർണിവലിനിടെ പ്രവർത്തിച്ചുകൊണ്ടിരുന്ന യന്ത്ര ഉൗഞ്ഞാലിലെ തകർന്ന​ ട്രോളിയിൽ നിന്ന്​​ വീണ്​ 10 വയസ്സുകാരി മരിച്ചു. ആറു പേർക്ക് പരിക്കേറ്റു. ആന്ധ്രാപ്രദേശിലെ അനന്തപുരിൽ ഞായറാഴ്ച വൈകീട്ടായിരുന്നു സംഭവം.

ട്രോളിയിലെ ഇളകിയ ബോൾട്ടിനെ കുറിച്ച് അപകടസൂചന നൽകിയെങ്കിലും മദ്യ ലഹിരിയിലായിരുന്ന മെഷീൻ ഓപ്പറേറ്റർ ഇത്​കാര്യമായെടുത്തില്ലെന്ന് നാട്ടുകാർ ആരോപിച്ചു. അപകടം നടന്നതോടെ ക്ഷുഭിതരായ നാട്ടുകാർ ഇയാളെ മർദിച്ച ശേഷം പോലീസിൽ ഏൽപിച്ചു. 

യന്ത്ര ഉൗഞ്ഞാലിൽ നിന്ന് ആളുകൾ തെന്നി വീഴുന്ന ദൃശ്യം ക്യാമറയിൽ പതിഞ്ഞിട്ടുണ്ട്. സംഭവത്തെക്കുറിച്ച്​ അന്വേഷിക്കാൻ കലക്ടർ ഉത്തരവിട്ടു.