ജനാധിപത്യ കശാപ്പിന്റെ 11 വർഷങ്ങൾ -കോൺഗ്രസ്

ന്യൂ​ഡ​ൽ​ഹി: 11 വ​ർ​ഷ​മാ​യി ഭ​ര​ണ​ഘ​ട​ന​യു​ടെ എ​ല്ലാ പേ​ജു​ക​ളി​ലും സ്വേ​ച്ഛാ​ധി​പ​ത്യ​ത്തി​ന്റെ മ​ഷി പു​ര​ട്ടു​ക​യാ​ണ് സ​ർ​ക്കാ​ർ ​​​​​ചെ​യ്യു​ന്ന​തെ​ന്ന് കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​​ർ​ഗെ. മൂ​ന്നാം മോ​ദി സ​ർ​ക്കാ​റി​ന്റെ ഒ​ന്നാം വാ​ർ​ഷി​ക ദി​ന​ത്തി​ൽ എ​ക്സി​ൽ കു​റി​ച്ച പോ​സ്റ്റി​ലാ​ണ് ഖാ​ർ​ഗെ​യു​ടെ വി​മ​ർ​ശ​നം. ന​രേ​ന്ദ്ര മോ​ദി സ​ർ​ക്കാ​ർ 2025നെ​ക്കു​റി​ച്ച് സം​സാ​രി​ക്കു​ന്ന​ത് നി​ർ​ത്തി ഇ​പ്പോ​ൾ 2047ന്റെ ​സ്വ​പ്ന​ങ്ങ​ൾ വി​ൽ​ക്കു​ക​യാ​ണെ​ന്ന് പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി​യും എ​ക്സി​ൽ കു​റി​ച്ചു.

വി​വി​ധ മേ​ഖ​ല​ക​ളി​ൽ ന​ട​പ്പാ​ക്കി​യെ​ന്ന് പ​റ​യു​ന്ന അ​വ​കാ​ശ​വാ​ദ​ങ്ങ​ളെ ഖ​ണ്ഡി​ച്ച് ‘വ്യാ​ജ വാ​​ഗ്‌​ദാ​ന​ങ്ങ​ളു​ടെ 11 വ​ർ​ഷ​ങ്ങ​ൾ’ എ​ന്ന പേ​രി​ൽ കോ​ൺ​ഗ്ര​സ് ഗ​വേ​ഷ​ണ വി​ഭാ​ഗം ര​ണ്ട് ബു​ക്ക്‌​ലെ​റ്റു​ക​ളും പു​റ​ത്തി​റ​ക്കി. ‘മേ​ക്ക് ഇ​ൻ ഇ​ന്ത്യ’ ‘ഫേ​ക്ക് ഇ​ൻ ഇ​ന്ത്യ’ ആ​യും, ‘സ്റ്റാ​ർ​ട്ട​പ്പ് ഇ​ന്ത്യ’ ‘ഷ​ട്ട്ഡൗ​ൺ ഇ​ന്ത്യ’ ആ​യും മാ​റി​യെ​ന്ന് ബു​ക്ക്​​ലെ​റ്റി​ൽ സ​മ​ർ​ഥി​ക്കു​ന്നു.

11 വ​ർ​ഷ​ത്തെ ഭ​ര​ണം രാ​ജ്യ​ത്തി​ന്റെ ജ​നാ​ധി​പ​ത്യ​ത്തി​നും സ​മ്പ​ദ്‌​വ്യ​വ​സ്ഥ​ക്കും സാ​മൂ​ഹി​ക ഘ​ട​ന​ക്കും ക​ന​ത്ത പ്ര​ഹ​ര​മേ​ൽ​പ്പി​ച്ചു​വെ​ന്ന് ഖാ​ർ​​ഗെ കു​റി​ച്ചു. ബി.​ജെ.​പി​യും ആ​ർ.​എ​സ്.​എ​സും ചേ​ർ​ന്ന് എ​ല്ലാ ഭ​ര​ണ​ഘ​ട​നാ സ്ഥാ​പ​ന​ങ്ങ​ളെ​യും ദു​ർ​ബ​ല​പ്പെ​ടു​ത്തി. അ​വ​യു​ടെ സ്വ​യം​ഭ​ര​ണ​ത്തെ അ​വ​താ​ള​ത്തി​ലാ​ക്കി.

വെ​റു​പ്പി​ന്റെ​യും ഭീ​ഷ​ണി​യു​ടെ​യും ഭ​യ​ത്തി​ന്റെ​യും അ​ന്ത​രീ​ക്ഷം പ്ര​ച​രി​പ്പി​ക്കാ​നു​ള്ള ശ്ര​മ​ങ്ങ​ൾ നി​ര​ന്ത​രം ന​ട​ക്കു​ന്നു. ദ​ലി​ത്, ആ​ദി​വാ​സി, പി​ന്നാ​ക്ക, ന്യൂ​ന​പ​ക്ഷ, ദു​ർ​ബ​ല വി​ഭാ​ഗ​ങ്ങ​ൾ​ക്കെ​തി​രെ ചൂ​ഷ​ണം വ​ർ​ധി​ച്ചു. സം​വ​ര​ണ​വും തു​ല്യ അ​വ​കാ​ശ​ങ്ങ​ളും നി​ഷേ​ധി​ക്കാ​നു​ള്ള ഗൂ​ഢാ​ലോ​ച​ന തു​ട​രു​ന്നു. മ​ണി​പ്പൂ​രി​ൽ അ​വ​സാ​നി​ക്കാ​ത്ത അ​ക്ര​മം ബി.​ജെ.​പി​യു​ടെ ഭ​ര​ണ പ​രാ​ജ​യ​ത്തി​ന്റെ ഏ​റ്റ​വും വ​ലി​യ തെ​ളി​വാ​ണെ​ന്ന് അ​ദ്ദേ​ഹം ചൂ​ണ്ടി​ക്കാ​ട്ടി.

പ​ണ​പ്പെ​രു​പ്പം കാ​ര​ണം പൊ​തു സ​മ്പാ​ദ്യം 50 വ​ർ​ഷ​ത്തി​ലെ ഏ​റ്റ​വും കു​റ​ഞ്ഞ നി​ല​യി​ലും സാ​മ്പ​ത്തി​ക അ​സ​മ​ത്വം 100 വ​ർ​ഷ​ത്തി​ലെ ഏ​റ്റ​വും ഉ​യ​ർ​ന്ന നി​ല​യി​ലു​മാ​ണ്. നോ​ട്ട് നി​രോ​ധ​നം, തെ​റ്റാ​യ ജി.​എ​സ്.​ടി, ആ​സൂ​ത്ര​ണ​മി​ല്ലാ​ത്ത ലോ​ക്ഡൗ​ൺ ഇ​വ​യെ​ല്ലാം കോ​ടി​ക്ക​ണ​ക്കി​ന് പേ​രു​ടെ ഭാ​വി ന​ശി​പ്പി​ച്ചു.

കോ​ൺ​ഗ്ര​സ്-​യു.​പി.​എ സ​ർ​ക്കാ​ർ നി​ർ​മി​ച്ച അ​ടി​സ്ഥാ​ന സൗ​ക​ര്യ​ങ്ങ​ളു​ടെ റി​ബ​ൺ മാ​ത്ര​മാ​ണ് മോ​ദി സ​ർ​ക്കാ​ർ മു​റി​ച്ച​ത്- ഖാ​ർ​ഗെ കു​റ്റ​പ്പെ​ടു​ത്തി. മും​ബൈ​യി​ലെ ട്രെ​യി​ൻ അ​പ​ക​ട വാ​ർ​ത്ത ചൂ​ണ്ടി​ക്കാ​ട്ടി​യാ​യി​രു​ന്നു കേ​ന്ദ്ര സ​ർ​ക്കാ​റി​നെ​തി​രെ രാ​ഹു​ലി​ന്റെ വി​മ​ർ​ശ​നം. ട്രെ​യി​നി​ൽ തൂ​ങ്ങി​നി​ന്ന് യാ​ത്ര ചെ​യ്യേ​ണ്ട ദു​ര​വ​സ്ഥ​യി​ൽ രാ​ജ്യ​ത്തി​ന്റെ യാ​ഥാ​ർ​ഥ്യം പ്ര​തി​ഫ​ലി​ക്കു​ന്നു​വെ​ന്ന് രാ​ഹു​ൽ കു​റി​ച്ചു.

ഇ​ന്ത്യയുടേത് അ​തി​വേ​ഗം വ​ള​രു​ന്ന സ​മ്പ​ദ്‍വ്യ​വ​സ്ഥ​ -മോ​ദി

ന്യൂ​ഡ​ൽ​ഹി: മി​ക​ച്ച ഭ​ര​ണ​ത്തി​ലൂ​ടെ ഇ​ന്ത്യ അ​തി​വേ​ഗം വ​ള​രു​ന്ന സ​മ്പ​ദ്‌​വ്യ​വ​സ്ഥ​യാ​യി മാ​റി​യെ​ന്ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി. കാ​ലാ​വ​സ്ഥ പ്ര​വ​ർ​ത്ത​നം, ഡി​ജി​റ്റ​ൽ ന​വീ​ക​ര​ണം എ​ന്നി​വ​യി​ൽ ഇ​ന്ത്യ ആ​ഗോ​ള ശ​ബ്ദ​മാ​യി മാ​റി. 140 കോ​ടി ഇ​ന്ത്യ​ക്കാ​രു​ടെ സ​ഹ​ക​ര​ണ​ത്താ​ൽ രാ​ജ്യം വ​ള​ർ​ന്നു. കൂ​ട്ടാ​യ പ​ങ്കാ​ളി​ത്ത​ത്തോ​ടെ ഇ​ന്ത്യ ദ്രു​ത​ഗ​തി​യി​ലു​ള്ള പ​രി​വ​ർ​ത്ത​ന​ങ്ങ​ൾ​ക്ക് സാ​ക്ഷ്യം വ​ഹി​ച്ചു.

സാ​മ്പ​ത്തി​ക വ​ള​ർ​ച്ച, സാ​മൂ​ഹി​ക ഉ​ന്ന​മ​നം എ​ന്നി​വ​ക്ക് പ്രാ​ധാ​ന്യം ന​ൽ​കി. ജ​ന​ങ്ങ​ളെ കേ​ന്ദ്രീ​ക​രി​ച്ചു​ള്ള സ​മ​ഗ്ര പു​രോ​ഗ​തി​യി​ലാ​ണ് ശ്ര​ദ്ധ. കൂ​ട്ടാ​യ വി​ജ​യ​ത്തി​ൽ അ​ഭി​മാ​നി​ക്കു​ന്നു. വി​ക​സി​ത ഭാ​ര​തം കെ​ട്ടി​പ്പ​ടു​ക്കാ​ൻ ദൃ​ഢ​നി​ശ്ച​യ​ത്തോ​ടെ മു​ന്നോ​ട്ട് പോ​കു​മെ​ന്നും അ​ദ്ദേ​ഹം എ​ക്സി​ൽ കു​റി​ച്ചു. ‘11 വ​ർ​ഷ​ത്തെ സേ​വ​നം’ എ​ന്ന ഹാ​ഷ്ടാ​ഗോ​ടെ​യാ​യി​രു​ന്നു മോ​ദി​യു​ടെ കു​റി​പ്പ്.

രാഹുലിനെതിരെ ജെ.പി. നഡ്ഡ

ന്യൂ​ഡ​ല്‍ഹി: ഓ​പ​റേ​ഷ​ന്‍ സി​ന്ദൂ​റി​ലും മ​ഹാ​രാ​ഷ്ട്ര തെ​ര​ഞ്ഞെ​ടു​പ്പി​ലും പ്ര​തി​പ​ക്ഷ നേ​താ​വ് രാ​ഹു​ല്‍ ഗാ​ന്ധി​യു​ടേ​ത് നി​രു​ത്ത​ര​വാ​ദ​പ​ര​മാ​യ പ്ര​സ്താ​വ​ന​ക​ളെ​ന്ന് ബി.​ജെ.​പി ദേ​ശീ​യാ​ധ്യ​ക്ഷ​ൻ ജെ.​പി. ന​ഡ്ഡ. രാ​ഹു​ലി​ന് ദൈ​വം സ​ദ്ബു​ദ്ധി കൊ​ടു​ക്ക​ട്ടെ​. മൂ​ന്നാം മോ​ദി സ​ര്‍ക്കാ​റി​ന്റെ ഒ​ന്നാം വാ​ര്‍ഷി​ക​ത്തി​ല്‍ വാ​ർ​ത്ത​സ​മ്മേ​ള​ന​ത്തി​ല്‍ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

11 വ​ര്‍ഷ​മാ​യി പ്ര​ധാ​ന​മ​ന്ത്രി മാ​ധ്യ​മ​ങ്ങ​ളെ അ​ഭി​സം​ബോ​ധ​ന ചെ​യ്യു​ന്നി​ല്ലെ​ന്ന കോ​ണ്‍ഗ്ര​സി​ന്റെ വി​മ​ര്‍ശ​ന​ത്തോ​ട് പ്ര​തി​ക​രി​ക്ക​വെ, ബി.​ജെ.​പി​യു​ടെ ദേ​ശീ​യ അ​ധ്യ​ക്ഷ​നാ​യ താ​ന്‍ സ​ർ​ക്കാ​റി​ന്റെ നേ​ട്ട​ങ്ങ​ൾ വി​ശ​ദീ​ക​രി​ക്കാ​ൻ വാ​ർ​ത്ത​സ​മ്മേ​ള​നം ന​ട​ത്തു​ന്ന​തി​ല്‍ തെ​റ്റൊ​ന്നു​മി​ല്ല​ല്ലോ​യെ​ന്നാ​യി​രു​ന്നു ന​ഡ്ഡ​യു​ടെ ചോ​ദ്യം.

ജ​മ്മു-​ക​ശ്മീ​രി​ന്റെ പ്ര​ത്യേ​ക പ​ദ​വി റ​ദ്ദാ​ക്കി​യ​തും മു​ത്ത​ലാ​ഖ് നി​രോ​ധ​ന​വും പൗ​ര​ത്വ ഭേ​ദ​ഗ​തി​യും വ​നി​താ സം​വ​ര​ണ നി​യ​മ​വും നോ​ട്ടു​നി​രോ​ധ​ന​വു​മൊ​ക്കെ മോ​ദി സ​ര്‍ക്കാ​റി​ന്റെ ശ്ര​ദ്ധേ​യ​മാ​യ തീ​രു​മാ​ന​ങ്ങ​ളാ​ണ്. ഭീ​ക​ര​വാ​ദ​ത്തോ​ട് സ​ന്ധി​യി​ല്ലാ​ത്ത നി​ല​പാ​ടാ​ണ് പ്ര​ധാ​ന​മ​ന്ത്രി​ക്കു​ള്ള​ത്. പ​ഹ​ല്‍ഗാം ഭീ​ക​രാ​ക്ര​മ​ണ​ത്തി​നു​ശേ​ഷം മോ​ദി പ​റ​ഞ്ഞ​ത് ന​ട​പ്പി​ലാ​കു​ന്ന​തി​ന് രാ​ജ്യം സാ​ക്ഷി​യാ​യെ​ന്നും ന​ഡ്ഡ പ​റ​ഞ്ഞു.

ജെ.​ഡി.​യു​വി​ന്റെ​യും ടി.​ഡി.​പി​യു​ടെ​യും പി​ന്തു​ണ​യി​ൽ എ​ൻ.​ഡി.​എ സ​ര്‍ക്കാ​റി​ന് സ്ഥി​ര​ത​യി​ല്ലെ​ന്ന പ്ര​തി​പ​ക്ഷ​വാ​ദം ത​ള്ളി​യ ന​ഡ്ഡ, മോ​ദി സ​ര്‍ക്കാ​ര്‍ കാ​ലാ​വ​ധി പൂ​ര്‍ത്തി​യാ​ക്കു​ക മാ​ത്ര​മ​ല്ല അ​ടു​ത്ത സ​ര്‍ക്കാ​റു​ണ്ടാ​ക്കു​മെ​ന്നും അ​വ​കാ​ശ​പ്പെ​ട്ടു. യു.​പി.​എ ഭ​ര​ണ​കാ​ല​ത്ത് അ​ഴി​മ​തി​യും പ്രീ​ണ​ന​രാ​ഷ്ട്രീ​യ​വു​മാ​ണ് രാ​ജ്യ​ത്താ​കെ നി​റ​ഞ്ഞി​രു​ന്ന​ത്. മോ​ദി വ​ന്ന​ശേ​ഷം അ​ത് മാ​റി. വി​ക​സി​ത​ഭാ​ര​ത ല​ക്ഷ്യ​ത്തി​ലേ​ക്ക് രാ​ജ്യം മു​ന്നേ​റു​ക​യാ​ണ്- ന​ഡ്ഡ പ​റ​ഞ്ഞു.