കള്ളപ്പണം വെളുപ്പിക്കല്‍; ഹിമാചല്‍ മുഖ്യമന്ത്രിക്ക് നോട്ടീസ്

ന്യൂഡല്‍ഹി: കള്ളപ്പണം വെളുപ്പിക്കല്‍ കേസില്‍ ഹിമാചല്‍ പ്രദേശ് മുഖ്യമന്ത്രി വീരഭദ്ര സിംഗിന് എന്‍ഫോഴ്സ്മെന്‍റ് ഡയറക്ടറേറ്റിന്‍റെ സമന്‍സ്. വീരഭദ്ര സിംഗിനെതിരേ ദിവസങ്ങള്‍ക്ക് മുമ്പ് എന്‍ഫോഴ്സ്മെന്‍റ് കേസ് രജിസ്റ്റര്‍ ചെയ്തിരുന്നു. അടുത്തയാഴ്ച ഇദ്ദേഹത്തെ ചോദ്യം ചെയ്യുമെന്നാണ് സൂചന. ഇദ്ദേഹത്തിന്‍റെ അനുയായികള്‍ക്കും കോടതി സമന്‍സ് അയച്ചിട്ടുണ്ട്.

സെപ്റ്റംബറില്‍ സി.ബി.ഐ നല്‍കിയ പരാതിയിലാണ് കള്ളപ്പണം വെളുപ്പിക്കല്‍ തടയല്‍ നിയമപ്രകാരം വീരഭദ്ര സിംഗിനെതിരെ എന്‍ഫോഴ്സ്മെന്‍റ് അന്വേഷണം ആരംഭിച്ചത്. സിംഗിന്‍റെ കൂട്ടാളികളെയും കേസുമായി ബന്ധപ്പെട്ട് ചോദ്യം ചെയ്യും. 2009-11 കാലഘട്ടത്തില്‍ സിംഗും കുടുംബവും 6.1 കോടി രൂപയുടെ അനധികൃത സ്വത്ത് സമ്പാദിച്ചെന്നാണ് കേസ്.